♦️فتاة البادية والمفيوزي المتملك ♦️
♦️بقلمي مونيا لوباروس ♦️
....
#البنااات ...لي بغات تحط لقصة فشي گروب معليها غير تعلمني و تكتب سميتي ♥️♥️😘
مكنتش عارفة حياتي تقدر تقلب عليا بهاد السرعة على قبل قرار خداه با ف حقي ،ضطريت نحارب اي حاجة جات قدامي ب...
عند ريناد لي خرجات معصبة من الجناح و أعصابها كلها كتغلي وهي براسها مصدومة فراسها غير لبارح كانت كتگول انها مكتحس بوالو من جيهتو ،لكن غير لهضرة لي سمعات كانت كفيلة باش تخلي ديك الغيرة لي فيها تخرج..هبطات فلأسانسور وهي كتعتر ف حوايجها كلها ندامة حيت معطاتش لراسها فرصة وخلات واحد فحال سفيان يكرهها فشي حاجة سميتها الحب ..وخا هي فداخلها كانت عارفة يوسف انه عمرو غادي يدير شي حاجة خايبة ليها كيفما كان نوعها،وانه مستحيل يخرج حتى كلمة لي تقدر ضرها ولا تجرحها..لكن كانت خايفة تزيد تقرب منو و تخسرو ف خطرة..مكانش على بالها انه يوسف كان كيقدرها وكيبغيها لدرجة انها هانتو و جرحاتو بطريقة لي هي براسها فاش وعات تصدمات من كيف انها قدرات تخرج هضرة فحال هاديك لإنسان كان داير لي فجهدو باش يساندها ويوقف معاها من نهار عقلات على راسها..كان هو سند ليها كتر من خوها لي كان ديما خدمتو واخدة ليها مساحة كبيرة من حياتو ،وهاهي دابا كتشوف راسها بوحدها ..من بعد عرس سهيل مغاديش مزال تلقى شي حد ف جنبها ،حتى من يوسف كتشوفو كيضيع من يديها وعلى مكيبان ليها راه فرحان ،خصوصا فاش كتكون جهاد حداه . ريناد:(هزات راسها للفوق كتحاول متخليش دموعها يهبطو ..تحل لأسانسور و لقات سهيل قدامها ):فين هو يوسف سهيل(باستغراب):راه خليتو ف الريسطو ..علاش كتقلبي عليه ريناد:بغيت نهضر معاه سهيل(هز حاجبو كأنه كيحذرها):ريناد ..يوسف مابقاش كيفما كنتي كتعرفيه..مغاديش نضمن ليك ايلا جرحك بهضرتو ريناد(نطقات ب هدنة):مغاديش نخلي وحدة يالاه جات تاخدو مني ... سهيل(كيضحك عليها..طلع فالاسانسور و غمزها):بون كوغاج ريناد(متسوقاتش ليه وكملات طريقها كتقلب عليه ):اووف فين هو هذاا .. حبسات موظفة :فين هو يوسف عطاف الموظفة:بان ليا كيتمشى ا مادموزيل حدا لبحر ريناد(كملات طريقها مزروبة ):صافي شكرا (كملات طريقها و فوجهها ضحيكة خفيفة و عازمة انها تخليه ليها بوحدها ..ريناد لمالكي ايلا قررات شي حاجة غادي ديرها...غادة كتجري مكتشوفش قدامها حتى تخبطات مع شي حد ..جاو طايحين بزوج :وا لق***وي مكتشوفيش قدامك ريناد(ناضت من الأرض و كتجمع لحوايج لي طايحين ):سمحي ليا ا ختي والله ما شفتك إيجا(هزات فيها راسها ):ماشي مشكيل غير عطيني صاكي ريناد(مدات ليها صاكها و حشمانة منها ):سمحي ليا ماشي عن قصد إيجا(دارت نظاظرها ف عينيها وبتاسمات ب خفة):مسامح كريم ،فين هوما لبنات ريناد: ها ..ااه راهم فالجناح 307 إيجا (كلها بدات كتعرق ...كأنه الأرض خسفات بيها ) ريناد(شداتها حيت كانت غادي طيح):إيجا ..واش نتي بيخير إيجا(كتهضر وهي كتنفس ب صعوبة ):بيخير بيخير ريناد(هزات ليها صاكها):لا لا نتي ماشي بيخير ..اجي دخلي معايا إيجا(حبساتها ب تخوف ):فين غادة بيا ريناد:نطلعو لفوق إيجا(نترات منها يديها وهي مزال كاتمة شهقاتها ): لا. مبغيتش نطلع ريناد(شادة ليها لخاطر):اه واخاا ...تسناي بلاتي انا نجيب لما ونجي إيجا(گلسات ف كرسي جا فالجنب ديال لأوطيل و رجليها كلهم كيترعدو وكتهضر بهستيرية ومخبية وجهها بيديها ): م ميمكنش نم..نمشي لداك الجناح...علاش ..علاش كيطرا لياا هكاا ا سيدي ربي ..شنو درت اناا ..علاش داك الجناح بالظبط ..علاش كنتعاقب ا سيدي ربي على شي حاجة ما عندي ذنب فيهاا .. ريناد( گلسات حداها ومدات ليها كاس ديال لما ):شربي هاد لما إيجا(خداتو من عندها ):شكرا ريناد(كتشوف ف حالتها لي كانت غير طبيعية ):نعاونك طلعي لفوق عند هاجر إيجا(بتخوف ):لالا بلاش ...غير سيري انا غادي نطلع ريناد(ناضت وهي ماباغاش تخليها بوحدها):مأكدة إيجا(حركات ليها راسها ب أه) ريناد(مكملة طريقها لعند يوسف ..حتى وقفات وهي كتشوفو قدامها جاي مع زيدان..تأفأفات بحسرة حيت مشات عليها لفرصة ..حتى بغات ترجع فحالها لفوق و شدها) زيدان(جرها من يديها):شكديري نتي هنا ريناد:هبطت غير نجيب لماا ونرجع لفوق (شاف ف يوسف و بتاسمات ليه ) زيدان(شاف ف يوسف و رجع شاف فيها بمعنى جمعي راسك ):طلعي كملي شغلك .. ريناد(خنزرات فيه):هاهي غادة زيدان(طاحت ليه فكرة فبالو):اجي نتي لهنااا يوسف (شاف فيهم ):انا طالع نبدل عليا زيدان:اه واخاا.. يوسف (شاف ف ريناد و نطق):ف إينا جناح كاينة هاجر ريناد(ب إبتسامة):راها لفوق فلجناح 307 يوسف(كمل طريقو لجيهت الاسانسور) زيدان(جاي لجيهتها مزير على دراعها):عاودي اينا جناح گلتي .. ريناد(بخوف):307 علاش ! مالك زيدان(زير على تيلي لي كان فيديه حتى تهرس ليه ف يديه) :فين إيجا ! كاينة لفوق ريناد:لا راها لهيه كترتاح ..واقيلة مريضة .. زيدان(بدون اكترات كمل طريقو ليها ،بزوج بيهم عارفين شنو كيعني الجناح 307 لكل واحد فيهم...خصوصا لإيجا..عارف انه ديك البلاصة كانت و مزال اسوء كوابيسها ..وماشي بالساهل تنساها ولا تنسى شنو وقع فيها...خاس ب كيانو كلو مهزوز فديك اللحظة حيت مباغيهاش تفكر شي حاجة من الماضي ويرجع كرهها ليه يتجدد كتر من قبل ....وقف كيقلب عليها و أثرها ماباينش ..شاف فيدو بان ليه تيلي ديالو مهرس ف يدو....وقف على واحد من لي گارد ديالو..ونطق ب حدة):فين إيجا باروخ لگارد:وصلتها ا موسيو للجناح 307 .. زيدان(ضحك ب إستغراب و كمل طريقو حيت عارفها مصرة انها تبين ليه راه الماضي مكيعني ليها والو.. ..تحل ليه الاسانسور ف نفس الطابق...كيتمشى فالرواق وعلى وجهو ابتسامة ..وصل للباب الجناح لي اصلا كان مفتوح و كايخرج منو الصداع بزاف .. دخل وعينيه كيقلبو غير عليها..شاف فالجناح لي ديكور ديالو باقي كيف كان ..اشياء بسيطة لي كانت مبدلة حتى جاو عينيه ف عينيها و فيكساهم غير فيها..هي بدورها لي تجاهلاتو و كملات لهضرة مع هاجر و يوسف سهيل(مد ليه كاس فيك مشروب):هاك..برد على جوفك زيدان(خدا من عندو لكاس ما مسوقش لهضرتو..وعينيه حاضينها غير هي ومتفاجئ كيفاش ما تحرك فيها والو ..ضور عينيه لجيهة الناموسية لي كانت باقة محطوطة فنفس البلاصة..عض شفايفو وهو كيتفكر مذاق شفايفها كيف كان ..بالأخص فديك الليلة ..) هاجر(معنقة ف إيجا): هانتي شوفي كيف كيدير ..ديما كيگول ليا كنصدعو..ودابا باغي يتبعني حتى لشهر العسل .. يوسف(جر سهيل لعندو):ياك معندكش مشكيل سهيل(شاف فيه ب تخنزيرة ديال راني صبرت عليك بزاف ):غير ايلا بغا إيجا(كضحك ):لا ا يوسف والله حتى حشومة عليك .. هاجر(عنقات يوسف): بعدو ليا من خويا نتوما...بان ليا واقيلة ا يوسف غادي نزوجك ..صافي راك شرفتي ..خاصك معامن توانس يوسف :ايلا لقيتي ليا مغاديش نگولك لا سهيل(شاف ف جيهة ريناد لي عينيها ولاو حمرين) هاجر:شفتكم نتوما ما بغيتوش تخرجو ..راه واقيلة خاصني نلبس..إيجا اجي دخلي معايا عاونيني إيجا(طلعات عينيها فيه..لي كانو مركزين فبلاصة اخرى وضحكة خفيفة على وجهو ..و عارفاه فشنو كيفكر ):ااه واخاا .. نورة (دخلات عليهم للجناح لي عامر..كتزغزت هي و بلقيس) هاجر(غير شافتها مشات كتجري لعندها .لأنه مدة طويلة مشافتها وحتى فاش دخلات للمغرب ملقاتش لوقت لي تمشي عندها فيه):خالتي نورة نورة(معنقاها ): مبروك عليك ابنتي ..الله يكمل كلشي بلخير هاجر(شادة ليها وجهها بيديها):كان يصحاب ليا مغاديش تجي بسباب لخدمة نورة:اويلي و انا حماقيت ..گاع العمليات اجلتهم ..نعرسو ليوم و غدا يحن الله هاجر:ههههه ..دخلي ا خالتي ..(شافت فلبنت لي مكلفة) عطيهم شي حاجة يشربوها.. بلقيس:وياه قتلني غير جوع من الصباح مكليت والو باش دخل ليا التكشيطة نورة:فين هي ديك إيجا .. هاجر:راه لهيه مع سهيل ويوسف نورة(جرات بلقيس غادة لجيهة إيجا فين واقفين كاملين):إيجااا..من نهار دفنوه مازاروه.. إيجا(ضارت عندها وعارفة راسها مقفراها معاها):ناري ا خالتي والله ديما كنگول غادي نجي عندك وكنسى نورة(جراتها من وذنيها ):غا بلاتي مزال نتحاسبو .. إيجا(شادة فوذنيها):اي ..اااي صافي صافي واالله منعاود بلقيس(وقفات حداها و مكتشوفش لجيهتها..سلمات على يوسف و دازت لسهيل كتبارك ليه):مبرو... سهيل(ضار لقاها كتشوف فجيهة زيدان لي دخل من لبالكون):الله يبارك فيك ا خالتي ..مرحبا تفضلو نورة(بغات تجرها):بلقيس يالاه نهبطو لتحت .. بلقيس(نترات يديها منها ..وضارت لعند إيجا كتهضر غير من تحت سنانها ):هادشي لاش كنتي دايرة ديك الحالة كاملة على الصباح إيجا(شداتها من يديها):يمااا...وياك أ يمااا بلقيس(نترات منها يديها وتحركات لجيهتو عينيها ف عينو ):تحرك ورايا نهضر معاك إيجا:يماا واش تسطيتي .. بلقيس:وياك دخلي فهادشي ولا غادي تشوفي مني وجه مغاديش يعجبك زيدان(حط لكاس ديالو و نطق بنبرة رجولية غليظة ):مرحبا ا مدام باروخ..(خوا ليها الطريق باش دوز للبالكون لي كان كبير كأنه ساحة..) بلقيس (شافت فيها وعينيها فيهم قسوة عمر إيجا ما شافتها):وجدي راسك هارون شوية و يجي ..لهضرة بيني و بينو،خوي راسك نتي هاجر(كتحاول تلطف الأجواء):هههه سهيل سير ا حبيبة وجد راسك ما بقى والو ونهبطو ..حتى نتي ا ايجا دخلي لبسي عليك ما بقى والو و نهبطو... إيجا:اه واخا (هزات حوايجها و دخلات للدريسينغ مع هاجر و جهاد يلبسو عليهم ..)ميكمنش شي نهار غادي نتسطى هاجر:متحمقيش راسك بهادشي...زائد هاداك لي نتي مدوخ ليك راسك عندك لحل ديالو إيجا:شنو كتقصدي هاجر:مكتشوفيش عينيه عليك من الصباح..شوية وياكلك إيجا:من نيتك ا هاجر.. هاجر(غمزاتها):راه تقدري تمشيه على كيفك ايلا بغيتي .. إيجا:اش بيني وبينو يبعد مني ..انا باغا غير نتفك منو ..ويما شوف شنو كدير .. بلقيس(واقفة اونفاص معاه وكتهضر بحدة ):شنو كتحاول دير ..وشنو رجعتي دير هناا زيدان:جيت نقضي شغلي ونرجع..كاين سي مشكيل بلقيس:مكيهمنيش شنو كادير ف حياتك..(هزات صبعها فوجهو)ولكن وياك تقرب لبنتي مزال زيدان(كيشعل السيگار ديالو ب هدنة ):شكون گال ليك انا غادي نقرب ليها..(ضحك ب خفة) ايلا طبقات الشروط لي عطيتها مغاديش نقرب منها بلقيس:اينا شروط زيدان:سوليها هي بلقيس(بزز باش شادة راسها عليه):شوف ..غادي نگول ليك هدرتي لأخرة..بنتي عاد فرحات ب حياتها..وقريب غادي تأسس حياتها مع هارون ..لهذا كنگوليك عطيها التيساع راك أذيتيها كتر ما فرحتيها ..ايلا مزال باقي غير شوية ديال الرحمة عندك..بعد منها زيدان(زير على سنانو و شاف فيها بشوفة مكتبشرش بلخير ): دابا گلتي داكشي لي فخاطرك ..ايلا ما طبقوش شروطي هاديك حاجة اخرى.. بلقيس(ضحكات وهي مفقوصة):متجيش تقنعني راه لدابا مزال باغيها.. زيدان(سكت حيت معندوش جواب) بلقيس(ضحكات ب إستهزاء ..):غير كتعذب راسك على والو ..حيت ما بقى والو وبنتي غادي تكمل حياتها مع هارون..كنصحك ما ضيعش طاقتك ف لخاوي زيدان(رما السيگار فلأرض و عفط عليه):كملتي هضرتك....ايلا كملتي كنظن خاصني نهبط ما مساليش لهاد الهضرة لخاوية.. بلقيس:(حبساتو قبل مايمشي):مانصحكش تكمل لگلسة فهاد العرس ..حيت غادي تشوف بزاف د لحاجات مغاديش يعجبوك زيدان(تجاهل هضرتها و كمل طريقو ) نورة(خرجات عندها للبالكون):فاش هضرتي معاه تاني .. بلقيس:غير وريتو حدودو وصافي ..غير الله يخرج هادشي على خير ..بان ليا كيقلب على شي حرب مع جوزيف نورة: الله يحضر السلامة ..فين جوزيف بعدا مبانش ليا بلقيس:گاليا غادي يتعطل عندو شي خدمة .. نورة(طلات على برا):صافي رخفي فيك النفس ..يالاه نهبطو لتحت مابقا والو ويبدا لعرس ..شوفي الدنيا شحال عمرات.. بلقيس:لا حول ولا قوة ايلا بالله..جايين نفرحو بالبنت شوفي فين صدقناا # عند هاجر لداخل لي لبسات لكسوة لبيضة..و كتوضع اللمسات الأخيرة ليها باش تهبط ...ريناد دايرة معاها فوق جهدها باش ميكون حتى نقص ... هاجر(تنفسات نسبيا و بداو يبانو عليها علامات الستريس ):اووف..واش غادي نهبطو دابا... جهاد:اه دابا ...راه سهيل قدام لباب كيتسنى هاجر(كطل على الناس من للفوق ):ناري شحال دنيا عامرة..منين جاو هاد الناس الله يا ربي ..واش سهيل گاع كيعرف هاد الناس إيجا(عرفاتها مخلوعة..جراتها ووقفات مقابلة معاها):تهدني ...ويااك طيحي شي دمعة هاني كنگوليك.. تصدقي مخصرة لماكياج ديالك كامل هاجر(كترعد):ناري ا ايجا فياا لخلعة...صافي مبقيتش بغيت نتزوج انا جهاد :اويلي على لبنت..راه غير عرس هادا يا هاد الحمقة...لمخير فهادوك لي لتحت ميوصلش ليك.. إيجا:هداي عليها نتي ...(شاداها من يديها وغادة بيها لجيهة لباب ) غير ليلة و غادي دوز..راه احسن ليلة فحياتك يا هاد الحمقة ..استمتعي بيها..(حلات لباب ولقات سهيل واقف حتى هو كيتسنى .. وباينة فيه حتى هو فحالها ) سهيل(غير شافها حل فمو فيها ..نسى گاع السطريس لي كان فيه ..بلا ميستأذن ترمى ليها على فمها وكيبوس فوجهها كامل ) هاجر:اويلي غير بشوية غادي تخربق ليا وجهي... سهيل(هز ليها يديها بزوجهم كيبوس فيها):احسن حاجة درت فحياتي هي وقفت عليك داك النهار ب لوطو .. هاجر(ضحكات عليه):گول شمتتك ف توصيلة فابور سهيل(كيضحك من قلبو وهو كيتفكر داك النهار..بدون سابق إنذار قرب لشفايفها ونطق بنبرة شبه مسموعة):كان وغادي يبقى احسن نهار ف حياتي هاجر(مفارقاتش لإبتسامة وجهها رغم انها شادة لبكية غير بزز ) سهيل(عارفها مخلوعة غير من يديها لي كيترعدو بين يديه ..حط وجهها بين يديه ):نهبطو.. هاجر(حركات راسها ب أه ) يوسف (وقف عليهم):ش مزال كاديرو هناا..راه تعطلتو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
