فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 11

فتاة البادية و المفيوزي المتملك
الجزء 11:

فاقت مدابزة مع خولة لي ناعسة حداها و هاجر لي من جيهة أخرى وهي وسطهم ....ناضت مدوخة بالنعاس باغا تمشي للحمام حتى فيقاتهم بزوج وهي كتخطاهم ....
هاجر:الله ينعل حسك هرستي ليااا رجلي ...
خولة:ااي اي إيجا ...
إيجا(تفرگعات بالضحك):نتومااا لي جايين مزاحمين فبلاصة وحدة....
هاجر:سدي داك باب لبالكون خلييني نعس شوية...
إيجا(عاد مشات حلات الشراجم)
هاجر:و عافاك غا شوية راه ليل كامل و حنا كنحماااقو مع داك السيجي ديال زفت....
إيجا(ترمات عليهم فوق الناموسية ):لا صافي باراكا نوضو ...
خولة(ناضت مخلوعة): صبحنااا على الله ....هرستي ليااا يدي ..
إيجا:عرفتي شحال فالساعة بعدااا....راه جوج ديال لعشية هادي إمتاا غادي نلحقو لداك لانيڤ ...
هاجر(ناضت ):ااه بصح...يالله نوجدو راسنا...
خولة(خرجات عينيها):إينا أنيڤ كتهضرو...حتى أنا بغيت نمشي ....
هاجر(لعبات ليها ف شعرها):نونو ...نتي باقاا صغيرة....
خولة(حطات يديها على خصرها):اخر مرة تگولي لياا صغيرة....
إيجا(كضحك عليهم ): ناري بلاما تبداو تاني ....اناا غادي نهبط نفطر...
هاجر و خولة(فنفس لوقت):حتى اناااا....
هبطو لتحت يفطرو لقاو بلقيس و نورة كاينين حيت كيخدمو غير السبت بالصباح .....گلسو كيفطرو و..عاد ناضو طلعو لفوق كيوجدو ما يديرو....بعدمااا دوزو السوايع وهومااا فلبيت كتعاونهم خولة حيت دوك جوج مكيعرفو للمكياج حتى من قنت، غير خولة لي كضل مصدعة إيجا فليل بدوك لڤيديوهات ديال لي ميكاپ ارتيست ....بعدمااا كملات إيجا خلات خولة كتقاد لهاجر....مشات وقفات قدام لمرايا كتشوف فراسها بإعجاب و بلخصوص ف عينيها لي ركزات عليهم خولة ...شافت فكسوتها لي كانت فلأسود شوية طويلة واصلة لركبتها و من لفوق عندها كمام طوال و مفتوحة شوية من جيهة عنقها...شافت فراسها من لتحت حتى للفوق كتبان كأنها حورية فوق لأرض ....بقات كتسنى ف هاجر حتى كملات ليها خولة وناضت لبسات كسيوة حمرة و دارت ليها خولة كوپ شوڤال ،اما إيجا خلات شعرهااا مرخوف على راحتو....