فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 53

صبح صباح جديد على الأبطال ديالناا ...صباح كيحمل ف طياتو احدات جديدة لكل واحد فيهم ،كلها وشنو تكتب ليه ف مصيرو،و كيفما كنعرفو لمصير ما منو هروب ...
نمشيو عند إيجا لي يالاه فايقة من النعاس فوسط لغرفة لي خصص ليها جوزيف وسط لقصر ..حلات عينيها و حاسة براسها كيضرها حيت تقريبا علاين يوماين وهي ناعسة فحال ايلا عمرها نعسات ،ناضت من بلاصتها بخطوات بطيئة كتمشى لجيهة لحمام و مزال شوية دلحريق كتحس بيه ..غسلات وجهها .وبقات مدة وهي واقفة قدام لمرايا كتحسس معالم وجهها لي باهتين ..عينيها حاط بيهم السواد حتى لونهم مابقاش كيبان...ووجهها لي مشات منو الحياة ..كأنه ولى فحال شي أرض كانت عامرة بلورد و الربيع وجات عاصفة قوية هزات معاها كلشي وخلات ديك الأرض قاحلة ....غمضات عينيها ب حرقة وهي كتشوف منظرها فلمراية و كارهة تشوف نفسها هكاك،هبطات دمعة سخونة من عينيها وفنفس لوقت مزيرة على يديها وكتوعد لنفسها باش عمرها تعاود تهبط دمعة من عينيها...ولو شنو ما كان السبب ،عمر دمعة أخرى ما تعاود تنزل من عينيها ..خرجات بيتها ف إتجاه الجردة ..لقات بلقيس گالسة  ومعاها نورة ..
نورة(ناضت لعندها):بنتي كيف بقيتي ..شوية دابا !!
إيجا(گلسات حداهم):أه شوية ا خالتي حمد لله..
بلقيس(كتقاد ليها شعرها):رتاحيتي شوية..
إيجا:اه يما رتاحيت..(شافت ف جردة) فين هو جوزيف..
بلقيس:مكاينش مشارعندو شي خدمة دابا
نورة(كتهضر من تحتها):هانتي ليك لبنت ولات كتهضر غير ب جوزيف..نساتك صافي
بلقيس(نغزاتها):سكتينا نتي..
إيجا(بانو ليها قطيطات كيلعبو ومشات عندهم مخلية بلقيس و نورة كيهضرو )
نورة:ايمتا ناوية تبقاي هنا..شفتك عجبك لحال و رتاحيتيي مزيان
بلقيس (دارت ليها ضحكة صفرة):اه فحال داكشي ..
نورة(عقدات حجبانها ):ومالكي ناوية تگلسي معاه هنا..بلا والو
بلقيس:كيفاش بلا والو
نورة:راك واقيلة ماشي باقا صغيرة ا بلقيس
بلقيس(كتقاد فشعرها):و مالكييي راني باقا صغيرة صحابليك فحالك..راني يالاه ف الثلاتينات...
نورة:ايوااا شلااااااا ...راني نهضر على واك ساكنة مع راجل ماشي على ذمتو..ولا ياكما عجبو لحال وعجباتو تازوفريت...
بقليس(حطات يديها على حنكها):وا هداي عليا ما عرف ..انا غير جايبا ليه بنتو حيت بغاها تكون قدام عينيه
نورة(صغرات عينيها):بقاي تخباي موراها حتى نكون منعرفكش..
بلقيس(كتهرب من لموضوع ):هداي عليا ا نورة ختي ..
نورة:هاهي هادية عليك..ونتي غير شفتي لحب لقديم حوالو ليك لعينين  ..شوية تولي تباتي معاه فبيت واحد ..لا غير تصاحبو حسن ورجعو لأيام زماااان
بلقيس:وا نورة يهديك الله ا ختي ..
نورة:انا غير كنهضر دابا ونتي تعرفي لي يسلكك...
جوزيف(تنحنح من موراهم ):نورة ..مرحبا بيك
نورة(ضارت عندو بلعرض البطيء ):اا جوزيف ...سالام لباس عليك
جوزيف (گلس حدا بلقيس ):لباس حمدلله ..شفتك كتوحشي ختك هاد الأيام بزاف لا..
نورة(بقات كضور ف عينيها وبتاسمات ليه وهي عارفة منين غادي تشدو):ايوا حيت راها ساكنة معايا فالدار ..و كنت نسولها ايمتا غادي تجي باش حيت خوات عليا الدار
جوزيف(حتى هو بادلها الإبتسامة ورد ليها لهضرة):لا غير نساي ..دارها ولات هنا..(شاف فيها مطولا وهو عارفها لاش باغا توصل )وغير تسالي لعدة ديالها غادي نديرو العقد ..ومن هنا لديك الساعة غادي تبقى هناا ..صافي دابا رتاحيتي
نورة(تأفأفات ):ايه ايه صافي عرفناهاا لاش كتعاود فيها
جوزيف(شاف فبلقيس و ضحك ومزال باغي يشد ف نورة ):متخافيش غادي نعرضو عليك للعرس ..
نورة(ضحيكة صفرة):هيهي ..
جوزيف:مزال ما فاقت إيجا...
بلقيس:لا راه فاقت ..هاهي غير هنااا..
جوزيف(ناض من حداهم وتمشى وهو كيقلب عليها ب عينيه حتى بانت ليها گالسة و شادة قطيطة صغيرة ف يديها كتلعب معاها ... حيط لا ڤيست ديالو حطها و گلس حتى هو على لأرض فوق لگازو حداها مربع رجليه ،عيط للگارد جاب ليه علبة صغيرة ،ورجع خدا من عندها لقطيطة كينقي ليها عينيها باش عينيها يتحلو مزيان..و إيجا غير كتشوف فيه ومتبعة حركاتو وكيف شاد ديك لقطيطة بحنية وصابر معاها واخا كتحرك بزاف ،كمل ليها و جبد إبرة  صغيرة فيها دوا و شربو ليها بشوية بشوية حتى كملاتو ...و عاود دار ليها تقطيرة ف عينيها باش يصفاو
إيجا:شنو هادا لي درتي لعينيها..
جوزيف:هادا غير دوا باش يصفي ليها عينيها من لوسخ لي كان فيهم..
إيجا:ااااه ...
جوزيف:كيعجبوك لقطيطات باينة..
إيجا:ااه...ولكن يماا مكتبغيش تخليني نقيسهم..
جوزيف (بإستغراب):علاااش ...
إيجا(يالاه جات تهضر وبدات كتعطس وحدة مور وحدة ):معرفتتش ..
جوزيف(ضحك على طفوليتها ):هادشي كامل و مزال ماعارفاش..
إيجا(حركات راسها ب لا..)
جوزيف (حيد ليها بانضة من يديها و قرب ليها كيصايب ليها شعرها على شكل سفنجة لفوق باش ميبقاش مبرزطها شعرها):دابا مزيان..
إيجا(بتاسمات إبتسامة خفيفة ..شافت جيهة لباب بانت ليها هاجر داخلة مع لباب):هاجر...مالها
جوزيف(فضل يخليهم بحدهم و كمل طريقو للداخل )
إيجا(مشات كتجري عندها):مالكي وجهك مخطوف هكااا
هاجر(كتنخصص):إيجااا..
إيجا(شدها لخوف ):ياكمل دار ليك شي واحد شي حاجة
هاجر(مكملة ف بكاها):يووسف..
إيجا(تما صافي قلبها بغى يخرج ..):ماللو ...مالو شنو دار ليييك
هاجر(باقا كتنخصص ومقدراتش تحبس لبكا):يوسف هئ هيئ كان كيكذب عليااا هئ هئ هو وسهيل كذبو عليااااا هئ هئ هئ
إيجا(تنفسات تدريجيا..وجراتها گلساتها حداها):فشنو كذبو عليك ..عاودي ليا...
هاجر(حيدات جاكيط ديالهااا و جبدات يديهاا جيهة ذراعها من لفوق ):حتى يوسف عندو فحال هادي هنااا..
إيجا(بعدم فهم)
هاجر(زادت كملات بكاهااااا):هوماا كذبو علياااااا هئ هئ هئ وهو مشى وخلاني اناا صغييرة وكبرت فلخييرييية ..
إيجا(جبداتها عندها كتحاول تهدنها):وا شرحي لياا مفهمت والو والله
هاجر(مسحات عينيه ب تريكوها وكتهضر بصوت شبه باكي و عاودات ليها على كلشييي من لأول فاش خرجات من دار  لكبيرة حتى لأخر حاجة وقعات)
إيجا:لحاجة لكبيرة خرجاتك...ومخفتيش على راسك مشيتي معاه  وگلستي معاه فدار وحدة وكون دار ليك شي حاجة كيف كنتي دافعي على راسك
هاجر(رجعات كتبكي):واش اناا كنهضر ليك ف جهة ونتي كتهضري فجهة أخرى..دابا راه كنگولك يوسف خويااااا...وهو لي خلانيي فلخيرية و اناا عندي خمس سنين ..مشا ومعاودش رجع هئ هئ هئ هو عايش مرتاح واناااا كنت كنبقى النهار كامل واناا خدامة وكنضرب فتمارة...
إيجا(تنهدات بعمق):الصراحة حتى حاجة مبقات كتصدمني فهاد الدنيا ..شكون يگول يوسف هو خوك ..دابا علاش كتبكي ..راه خصك تكوني فرحانة..
هاجر:شمن نكون فرحانة ..والله ما نسى راه خلاني ومشى ..بسبابو عشت 15  عام فتمااارة
إيجا(جمعات شفايفها بحسرة):ونتي سمعتي منو شنو السبب لي خلاه يمشي ..خاصك تسمعي منو باش تعرفي ،متحكميش عليه غير هكاك ،تقدر تكون كانت ظروفو متسمحش ليه فديك لوقيتة..واصلا راه غادي يكون كان صغير و طايش فداك لوقت ..ماشي واحد لي كبير و بعقلو..
هاجر(سكات مدة كتحاول تستوعب داكشي لي كتگول إيجا...رجعات لنفس لحالة كتبكي):تفوووو هئ هئ هئ انا حمارة لي مسمعتش لييه ..انا ديماا مكنعرفش نفكر أ إيجااا هئ هئ هئ اناا مكلخة واللله
إيجا(تنهدات ب عمق ): وا صافي دابا متبقايش تبكي صافي...راه مبقيتش كنحنل نشوف شي واحد كيبكي حدايا والله..
هاجر(مسحات دموعها وشافت فيها):مالكي نتي عوتاني ..ياكما جا عندك هاداك لي ميسواش..
إيجا(عضات شفايفها):اصلا مشا فحالو..
هاجر:فين !!
إيجا(تفكرات هدرتها مع هارون ليلة لبارح فاش تلاقات بيه وهي فطريقها تاكل شي حاجة ف ليل من لكوزينة..كان هو نازل من لبيرو ديال جوزيف ):اه هو مشا ومبقاش غادي يرجع..
هاجر:وشنو لي بدل رأيو ..كيف طرا وجرى
إيجا(ضحكات ب سخرية ):هذا هو زيدان لمالكي ..فاش كيمل من شي لعبة كيرميها و يزيد..
هاجر:غير هادي يوماين كنتي كتگولي حاجة أخرى
إيجا(زيرات على يديها):كنت غالطة..غالطة بزااف ..(حبسها من هدرتها شخص وقف من ورا هاجر...عاودات شافت ف هاجر و كتشير ليها باش ضور حتى هي )
هاجر(ضارت حتى هي ..بسرعة عاودات رجعات راسها):گولي ليه يمشي فحالو
يوسف (حنى على ركابيه):هاجر..خليني غير نهضر معاك..
هاجر(بدات كا ديماري فلبكاا):هئ خئ كولييي لييه يمشي فحالوووو هئ هئ 
يوسف:شنو دابا كتجري على خوك ..
هاجر:نتا ما خويا ما اناا ختك هئ هئ فين كنعرفك انا اصلاااا
يوسف:ياكيي ..نمشي فحالي دابا ..ولكن راه ايلا مشيت مغاديش نرجع مزال ..ونتي عارفة راه غادي نمشي نسكن على برااا
هاجر:هئ هئ صافي سييير كيفما مشيتي شحال هادي اناا اصلا مبقيتش باغا نشوفك
يوسف(ناض من بلاصتو وهو كيضحك ..تم راجع فالطريق ):واخاا لي بغيتي
هاجر(كتنخصص):شفتيييي هاهو مشى تانيييي هئ هئ هئ ..بغا يمشي ويخلينييي
يوسف:ياك گلتي لياا نمشي فحالي...
هاجر(ضارت عندو ):واش دابا لا گلت ليك رمي راسك فلبحر ترمييه
يوسف(تفرگع بالضحك ..ورجع لعندهاا ):دابا مالناا على هاد قصوحية الراس ...ختاري دابا نمشي ولا نبقى
هاجر(جراتو من الشوميز ديالو ):لاا بقىى هئ هئ هئ هئ
يوسف(تقلبو نظراتو لنظرات عامرين بالحنية ..جرها من راسها وخشاهاا بين يدييه معنقهاااا بالجهد وهي مسكتاتش من لبكاااا  ):وا صافي راك طيبتي هاد لعوينات ..باراك من لبكااا
هاجر(كتمسح دموعها و خنونتها ف شوميز ديالو)
يوسف(كيطل عليها ):شنو كديري
هاجر:كنمسح وجهي شنو غادي نكون كندير مثلا..
يوسف(تنهد ):الله ياربي معامن انااا...من نهار شفتك عرفتك مقطعة لوراق واحق الرب ..
هاجر:دابا مالك واش معجبكش لحال نمسح وجهي فيك
يوسف(كيسايس معاها):لالا غير مسحي ..(مد ليها الشوميز ديالو)هاكي هاد لبلاصة حتى هي مسحي بيها راها باقا نقية..