فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 70

إيلين(جايا كضحك لعندو گلسات فوقو ومعنقاه):توحشتك ..فين غبرتي عليااا
زيدان(حيدها من فوقو وناض ):شكديري نتي هناا وشكون لي دخلك
إيلين(حاطة يديها على صدرو لي مزال معري ..طلعات وهبطات ف إيجا):تقدري تمشي
إيجا(شافت فيها وهي مخسرة وجهها وكتشوف فيها كيف كتعوج ولاصقة فيه.كان يصحاب ليها غادي تكون فحالها  كتعاني مع زيدان ساعة هي لي لاصقة فيه )
إيلين (كتخنزر فيها محاملاهاش ):راني كنهضر معاك ..هييه ..ياكما مزال مخلصتيهاش ا زيدان..بلاتي اناا غادي نخلصها
إيجا(رجعات گلسات ودارت رجل على رجل بطريقة مثيرة زائد انه ايجا باين قدامها وضوح الشمس ديك لغيرة والطريقة لي كتشوف فيها و فجسدها ):گلسي بعدا نتعرفو شوية
إيلين(جبدات فلوس من صاكها وحطاتهم ليها قدامها):ميشرفنيش نعرف النوع ديالك
زيدان(بدات كتلعب ليه القردة فراسو ):إيلين
إيجا(كضحك من قلبها..):اجي ماشي نتي هاديك لي  لقات حشرة فوق لحمها  ف لمؤتمر لي تقام لعام لي فات ف تركيا ..ودرتي الشوهة
إيلين:هيييه حتارمي راسك...هادي خسارة فيها حتى تعطيها تلبس من حوايجك..
إيجا(تمشات قدامها حتى تقابلات معاها وربعات يديها):لي يسمعك كتهضري هكاا   ميگولش نتي لي كنتي كتلصقي ف بابا فوسط لمؤثمر لعام لي فات ،يطرا لي يطرا الشيخة عمرها كتنسى هزة الكتف ..
إيلين (الصدمة باينة على ملامح وجهها ..عاد وعات وشافت الشبه فالملامح ..رجعات بيها الذاكرة وتفكرات هضرة ريناد فاش عاودات ليها على علاقتها ب زيدان،سدات فمها وهي حاضية زيدان لي اصلا محاملش وجودها كأنها حبسات عليه اللحظة)
إيجا:ااوه...شفتك تصدمتي
زيدان(شير لگارد ب عينيه):هزهاا عليااا
إيجا(للحظة من الزمن صحابليها عليها حتى كتشوف ف لگارد جار ف إيلين)
إيلين :زيدااان..واش بعقلك كادير ليا هكااا على قبلها
زيدان:متعاودوش دخلوها ،وهاد لمرة ما تجي حتى تاخدي موعد
إيجا(بعدما مشات بقى غير الصمت ..وهي عاجبها لحال كيف هضر معاها..بقات كتشوف فيه حتى حصلها)
زيدان:نتي لي حطيتي ليها ديك الحشرة فوق لحمها
إيجا(هزات كتافها):شنو زعماا بقات فيك حيت تعرات قدام الناس كاملين و الصحافة صوراتها
زيدان:مبقيتيش ساهلة  ايجا باروخ...
إيجا:ها نتا گلتيها إيجا باروخ...(جمعات النوضة )ايمتا غادي نمشي
زيدان:غادي تمشي هكااا!؟
إيجا(عاد شافت ف حالتها و تقكرات حوايجها لي تقطعو ):نتاا السباب ..همجي مقطع ليا حوايجي
زيدان(حمر فيها عينيه حتى سكتات):خليك حتى للصباح بينما يجيبو ليك ما تلبسي...
إيجا(ضورات هضرتو ف عقلها مزيان و هزات تيليفون ديالها كتعلم بلقيس بيلا غادي تبات مع جهاد..
زيدان(خدم التلفازة لي اصلا عمرو خدم بيها..وهي واقفة عليه):گلسي ..
إيجا(گلسات بعيدة عليه شوية ..و حاسة براسها بدا كيجيها الجوع ):معندكش شي حاجة فقاموسك سميتها إكرام الضيف ..راني بالسوايع هنا ..قهرني غير الجوع
زيدان:شوية وغادي يجيبو لماكلة ..
إيجا(حركات راسها ب أه وهي حاسة براسها مقادراش تزيد حتى دقيقة معاه ،زائد بدا كيجيها النعاس ..يالاه غادي تغفو وهي تشم ريحة لماكلة ...جمعات لگلسة و ربعات رجليها كتشوف فيهم كيحطوها ..تعصبات من الطريقة التقيلة لي كيحطو بيها و كيزوقو فالطبلة..):صافي صافي غير حبسو ..انا غادي نقاد راسي ...عام باش تحطوهاا ..صافي شكرااا غير خليها (صيفطاتهم و جبدات طبسيل عمراتو وحطاتو فوق رجليها كتاكل  و كتبنن )
زيدان(حاضيها كيف كتحرك فحال شي بنت صغيرة ...حتى من لمعة عينيها فاش كتشوف لماكلة باقة كيفما هي )
إيجا:غادي تبقى تشوف فياا..مغاديش تاكل
زيدان( تفكر راه مواكلش من الصباح و حتى خدمتو ما كملاتش ..غير وصلاتو صورتها وهي عند باب هارون ،شد الطريق وجاا ..جبد حتى هو كيقاد طبسيلو  ..كياكل وهو راشقة ليه على غير عادتو ديما كياكل بحدو ..ف بوجودها حداه ومعاه مكرهش ديك اللحظة عمرها تسالي ..كياكل وكيستنشق عبيرها لي كيجننو  مخلي شهيتو محلولة ..گاع حركاتها كيجننوه  بكل ما تحمله الكلمة من معنى ...غير صوتها وهي كتاكل وكتبنن عاجبو و مسطيه ..ماحسش براسو انه كلى بزاف ..شافها ساكتة على غير عادتها حتى لقاها تجبدات و داها النعاس ...بدون شعور ترسمات ضحكة على وجهو ...قرب ليها و بعد شعرها على وجهها كيتحسس ملمسو ..قرب خطف بوسة خفيفة فوق  شفايفها    بعد عليها و للمدة طويلة وهو حاضيها و عقلو غير كيخمم ..محسش بلوقت شحال وهو هكاك ..حتى عياا و هزها بين يدو وطلعها لفوق تكمل نعاسها على راحتهااا