فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 33

💟فتاة البادية و المفيوزي المتملك💟
💟الجزء 33💟

بعد مدة وهو صايگ ليخت فوسط لبحر ...محاسش بالبرد عكس جسموو لي سخوون ....حاط حداه مشروب والسيگار ديالوو لي كل مرة كينفث منوو ....هوسو مخليه يفكر غير فيهاا لدرجة هو بنفسو ما قادرش يستوعب شنو كيدير ....لأنه و ببساطة اول مرة يدير شي حاجة على قبل شي أنثى...وليست اي انثى عادية بل أنثى كل جزء منهاا كيصرخ بالأنوثة لي حتى حد ما يقدر يقاومهااا ...
خرج من تفكيرو فورمااا وصل للميناء لي غادي يحط فيه اليخت ديالو رغم انه ميناء صغير حيت قلال الناس لي كيجيو لديك الجزيرة ....رصااه فبلاصتوو وهبط لتحت ومستغرب من داك الصمت المفاجئ....بداا كيقلب من بلاصة لبلاصة ووالو حسهاا مقطووع حتى بداو علامات لخوف كيبانو على وجهوو عاد سمع صوت جاي من جهة المطبخ ....رجع كيقلب وهو يالاه كان تمااا....
زيدان(دخل كيقلب ...حتى كيقشع رجليهااا خارجين من مور طبلة ،تحنى بجسموو كيطل عليهااا لقاهااا مركزة مع لماكلة وگالسة فلأرضية):ش كديري تماا
إيجاا(قفزات فورمااا سمعاات صوتو ...طلعات عينيهاا فيه ب هدوء ):كنااكل (شافت فالطبسيل خوااا ....دوزات شفايفهاا على لسانهاا علامة كديرهاا على انهاا شبعات ) وصلناا !
زيدان(عض شفايفوو ونسااا انه كان معصب منهااا بمجرد ما سمع نبرة صوتهااا...بانت على وجهوو شبه ابتسامة ):اه وصلنااا ....
إيجاا(كتحاول تنوض ورجليهاا باقا كتقصحهااا ):اووف ...
زيدان(بانت ليه معنكشة ومقادراش توقف ..هزهاا من خصرهااا حتى وقفات)
إيجا(دورات عينيها كتشوف المنظر من زاجة....فلحظة عينيهاا بان فيهم لمعان و لون لبحر منعاكس عليهم...وسعات عينيهاا وهي منباهرة من جمال دكشي لي كتشوف بعينيهاا كأنهاا جنة فوق الأرض ، لون بحرهااا كأنه مرايااا بقوة نقاوتو شي لي مكانتش كتشوفو فلبحر لي كانت ديماا كتمشي لييه):ا..فين جينااا...فين كاينة هاد البلاصة....
زيدان(باقي حاط يدوو على خصرهااا و ملاحظ إعجابهاا بداكشي لي كتشوف قدامهااا ...قاد ليهاا شعرهااا ):ماربيلاا...
إيجا(شافت فيه ب إستفهام):ماربيلا...؟؟
زيدان(ساهي ف عينيهااا لي غير ما زاد لونهم كيلمع):علاش...عمرك سمعتي بيها!!
إيجا(مزال كتعلى ب صبيعاتهااا باش تشوف المنظر و كنهضر بدون شعور و بدون ما تشوف فيه):لاا...من نهار جيت لكازاا عمرني خرجت منهااا....
زيدان(جمع حجبانوو وملاحظ انه بزااف ديال لحوايج مكيعرفهمش عليهاا بتاتاا ):همم علاش فين كنتي قبل ...
إيجا:ف ...(قبل ما تكمل هضرتهاا ضارت لعندوو ...حسات بيده لي مزال محطوطين على خصرهااا ..بسرعة بعدات علييه ...)احم...غادي نهبطو هنااا...
زيدان:اه هنااا ...
إيجاا(هبطات قبل منوو كتعرج حتى وقفات كتشوف ف راسهاا لابسة غير پيجامة ديال النعاس لي جات بيها و حتى رجليهاا حفيانين ...ضارت لعندوو لقاتو موراهاا مباشرة)
زيدان:مالكي وقفتي !
إيجا(بعدات عليه كترمش فعينيهاا  و كتحك ف رجيلاتها مع بعضهم)
عاد لاحظ انه جات غير ب پيجامة و رجليهاا حفيانين  ...قرب ليهااا وبلخف هزهااا بين يدييه وغير شوفة منوو كافية انهاا تخليهاا ما تمتانعش على حركتو...هبط من اليخت وهي بدون حركة من غير انهاا مبعدة عينيها عليه و كتشوف ف لبحر لي حداهااا وعاجبهااا داك المنظر ...وهو مرة مرة كيهبط عينيه لعندهااا وكيحقق ف أبسط تفاصيلهاااا....كمل طريقوو ولي كيدوز من حداهم كيشوف فيهم وهو كاره انه الأعين مركزة عليهاا و بالخصوص ديك لبلاصة حداا الميناء كانت عامرة بالناس...جرهاا لعندوو شي لي خلا وجهها يتغطااا و يتخشى ف صدروو....تمشى لجهة الشارع لقااا لگارد واقف خداا من عندوو لوطوو و كمل طريقوو لبلاصة جات معزولة على الناس ،كانت عبارة على ڤيلا صغييرة مقابلة مع لبحر والأهم انهاا بعيدة كل البعد على الناس ...
إيجا(وقفات على رجل وحدة بعدمااا حطهااا فلأرض كتشوف فلبحر وباقات حاطة يديهاا على صدرو باش ما طيحش ):زوينة هاد لبلاصة بزااف...
زيدان(بدون ما يحس طبع قبلة خفيفة على شفايفهااا و نطق بنبرة هادئة ):ما تكونش قدك ا عمري ...
إيجا(بعدات ب خطوة علييه ومحاملاش حركاتو معاهااا و من تعاملو كأنه ماشي داك الشخص لي كان بلا رحمة..)
زيدان(عض شفايفو وعلى وجهوو إبتساامة خطييرة وفنفس المستغرب من راسوو ...تم طالع فحالو بعدماا حيد تيشرت ديالوو):طلعي بدلي عليك ....