فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 79

الجزء 79

نهار جديد ..عند لبنات لي كانو گالسين ف قهوة حدا لبحر بلعشية فوقت الشمس لي بدات كتغرب ...من نهار لي كانو فلكازينهو و فشلات ليهم التسافيرة معاودوش تشاوفو ولا گلسو مع بعضياتهم ..
هاجر(كدق على إيجا):أ لبنت ..سبحان الله فين ساهية ..
إيجا:لا غير كنشوف عجبني هاد الجو ..كنت باغة نرتاح قهرتني لخدمة
ريناد(كتبقش ف تيلي ديالها):اجيو ناخدو تصويرة نپارطاجيها
إيجا:بيني وجهي مزيان شحال هادي ما تصورت ..
هاجر(كتقاد حالتها باش تصور):هايدااااك
ريناد(كتزومي على التصويرة ):هانتي على إيجا..شوفي لمحلبة قداش باينة عندها...(غمزات هاجر) وانا كنگول مال خويا غير كيشوفك كيبقى حال فمو ...(كتغني بلهجة شمالية وهي كضحك عليها)أ لالة ودوك لعوينات الزورق
إيجا(بغات ترجعها ليها):كملي لينا ا ريناد...شدرتي مزال مع يوسف
ريناد(دغيا تبدلو ملامحها...تنهدات):اووف ..كنتسنى سهيل هو لي گال ليا غادي يعاونني
هاجر(دارت يديها على حنكها):ا ختي ..شفتك وليتي مصدعة ليا راجل ليل وصباح...
ريناد:وا هي ا ختي لا شفتي ليا خوك....ماعرفتش مالو معكس معايا
هاجر(كتمدق فلعصير ديالها):ولكن راه ما درتي فيها ما يصلاح معاه...
ريناد:اووف ولكن راه صافي كنظن داكشي فاات
هاجر(نغزاتها):خويا كنعرفو دغيا كيطلع معاه الصهد...بقاي غادة على هادشي لي كاديري ..هو لي غادي يولي يبان قدامك بلا ما طلبي
ريناد(عضات شفايفها):زيدان معاجبوش لحال...غير صابر عليا بزز على هبالي ..
هاجر(جبدات تيلي ):ألو منصف ..صافي لعز والنصر
إيجا:شكون منصف ..واش لي كنعرف
هاجر:تماما ...(حطات يديها على كتف ريناد)غرضك ليوم غادي يتقدا ..
ريناد:كيفاش مفهمتش
هاجر:لعشية عارض عليك منصف للعشا ..
ريناد(شافت موراها):اناا؟
هاجر:وشكون مثلا ..بطبيعة لحال نتي ..غادي يتسناك للعشا ف ريسطو ديال سهيل ..
إيجا:كي درتي قنعتيه بعدا..
هاجر(هزات نيفها للسما):عشرة قديمة ..مدوزناش انا وياه قليل
ريناد:كيفاش..مفهمتش
هاجر:ويك ويييك ا عباد الله ...بغيت غا نغوت ...(كتحاول تشرح ليها)يوسف خويا عارض على شي ناس خدامين معاه ف نفس الريسطو..سهيل لي گالها ليا ..ونتي غادي تمشي تلاقاي مع منصف قدام يوسف
إيجا:سيناريو هو هدا كتبتي
ريناد:شنو دابا واش غادي نخليو يوسف يغير ..
هاجر:هايداك
ريناد(عجباتها الخطة و تحمسات ):وزعماا غادي تصدق
هاجر(كتعبر بيديها ):على ضمانتي ا صحيبتي...غير هو بغيتك تمشي وتقادي لياا..لبسي ليا احسن غوب صواغي فيك يا كازا ...بيني لياا داكشي لي مخبية ..ديري ما دارت إيجا...وبلا منگولك..شي ميكاپ دايزو لكلام بلا منوصيك
إيجا:مالي انا علاش جابداني فلهضرة
هاجر:سكتي خليني نصح سيدة...ولا غير نتي لي تعرفي تورينا المحلبة ديالك...شوفي ناس عندهم و ساترينها
ريناد:ولا شافني زيدانن...غادي نولي ف زوج مشاكل عوض واحد
هاجر:تبعيني وما غادي يطرا والو ..يوسف انا لي كنعرف ليه..زيدان خليه على هادي بانت لياا عقدات معاه الهدنة..
إيجا(كتشوف فيها):والله مكتحشمي ...(شافت ف تيلي لقات زيدان لي كيتاصل ..معرفت ما دير من غير انها تقطع عليه حيت لعشية كلها وهي معاهم ..ومزال حايرة كيفاش تگولها ليهم ..وهي براسها مزال ما متيقاش شنو طرا لبارح..
هاجر(طلات ليها على تيلي ):جاوبيه
إيجا:هه مافياش ..اصلا معندو ما يگول ..كيف ديما
هاجر:ممم معندو ما يگول ...(قربات لعندها) شوفة ديال عينيك تبدلات ا بنت باروخ
إيجا:شمن شوفة الله يهديك حتى نتي ..
هاجر(شافت ف ريناد)يالاه نوضي يالاه تقادي باش تجي للعشا هي هاديك
ريناد(هزات صاكها ):ولاهيلا ..هي دابا
هاجر(شافت راسها اتبقا غير مع إيجا حيت مجابتش لوطو ديالها ):ديني معاك ا ريناد
إيجا:غير خليها انا غادي نديك
هاجر:لاااا بلااش...انمشي معاها ...بلاتي ا ريناد ديني معاك راه شي نهار تقتلني هادي
إيجا(كضحك عليها ..شافت فالساعة بان ليها باقي لحال خصوصا انها معندها والو ..عكسهم كل وحدة بشنو مشغولة ..طلبات كريپ مالح وگلسات كتاكل فيه و هي كتمنضر فلبحر كيضرب فيها الريح ...يالاه اتخشي دغمة ففمها كتحس بشي شخص گلس حداها...بدون مجهود تقدر تعرفو شكون هو ...
إيجا(ضارت عندو بان ليها من وجهو انه مغاديش تكمل گلستها على خير..عطاتو ضحكة صفرة ):زيدان..جيتي
زيدان(بتاسم ابتسامة مكتبشرش بخير ): بان ليا تيليفونك ف يديك ..شنو لي منعك باش متجاوبيض
إيجا(گلسات مقادة وكتفادا تشوف فوجهو):غير كنت مع لبنات و مقديتش نجاوب قدامهم
زيدان(كيلعب بلسانو وسط فمو ..):مقديتيش تجاوبي ...شنو أخر مرة گلت...(كيحاول يبرد معاها ولكن لعشية كلها وهو كيصوني وهي غير كتقطع عليه) داك تيلي غادي نهرسو لمك ايلا مجاوبتيش لمرة لماجية
إيجا(معجبتهاش طريقتو فلهضرة معاها ....هزات صاكها ):انا غادي نمشي فحالي..قبل ما يطرا شي مشكل و يشوفنا شي حد
زيدان:گلسي
إيجا(كتجمع ف صاكها مكتسمعش ليه)
زيدان(بصوت نوعا ما عالي مع نبرة رجولية غليظة ):گلسيييي
إيجا(حطات يديها على صدرها مخلوعة ):زيدان ..الله يخليك باراك راه حدانا الناس ...
زيدان(طلع عينو فيها):فاش نگول لحاجة متعاوديهاش من ورايا..ايلا گلت گلسي هي گلسي 
إيجا(گلسات ولكن بعيدة عليه):شنو
زيدان(شير عليها ب سوارت لوطو جيهة صدرها حتى غوتات ):مزال ما باغا ديري عقلك..لحد الأن غادي معاك بلعقل ...(شاف فيها كأنه كيهددها) ايلا جهلت عليك ما تلومينيش (طلع وهبط فيها) شهاد لحالة جاية بيها هنا
إيجا(قادات شوميز ديالها  من جهة صدرها ) :اينا حالة ...مفهمتش شنو هاد لحاجة لي معصباك هكااا ..علاش باغي تحكم ليا ف أي حاجة كنديرها
زيدان (قرب حداها كيقاد ليها شعرها ونطق بنبرة تهديد ):هادشي كامل ومدايرة والو...(بعد عليها وهو باقي مفيكسي عينيه عليها)تيقي بياا مزال ما دقتي حكامي...منصحكش تخليني نبداه حيت مغاديش يعجبك لحال ...
إيجا(شافت مطولا فيه):كان عندي أمل انك تبدل شي نهار..معمرك غادي تبدل ...غير كنكذب على راسي
زيدان(زير على يديه حتى بانو عروقهم ..رمقها بشوفة خلاتها تعاود تفكر فهضرتها ...حك نيفو وهو كيحاول يكتم غضبو فلداخل دياله):شواقع ..عاد لبارح كنتي مزيانة...سخن عليك راسك
إيجا(عضات ف شفايفها كتفكر أحدات لبارح..بين ليلة ونهار دغيا تقلب عليها ..غير لبارح كانت حاسة براسها مالكة الدنيا وهي ب قربو..وليوم هزها حتى للسما وخبطها ..فضلات انها تسكت )
زيدان(خدا ليها تيلي ديالها ومسح سطوري لي پارطاجاتو هي من عند ريناد..):منعاودش نشوف شي حاجة فحال هكا
إيجا:بلا ماتعيي راسك..راه باقي عند ريناد
زيدان(جبد سيگار ديالو كينفت منو ):حيداتو..
إيجا(شافت فيه بتعجب):نتا مكيقد عليك حد
زيدان(على إثر هضرتها ..رخف غوباشتو و بانت ضحيكة جذابة على وجهو ..جرها من خصرها قربها لعندو حتى تقابل وجهو مع وجهها..):نتي بحدك لي كتقدي علياا..غير مزال كتخدمي عنادك،وهاد لعناد مخدامش معايا..
إيجا(  مكملة فعنادها رغم انها متوترة من لقرب لي بيناتهم):معرفتش علاش باغي اي حاجة تمشي على كيفك ..باغي تحكم فكلشي وتمشي كلشي على هواك...علاش نتااا هكاا..
زيدان(زاد قربها  حتى جات طايحة عليه ):حيت انا هكاا ...ساهلة بزز ولا بلخاطر...(كيشير ليها بصبعو على دماغها)عنداك يگول ليك هاد الراس راني معارفش فاش كتفكري
إيجا(كتحاول تبعد عليه ):فشنو غادي نكون كنفكر متلا
زيدان(بإبتسامة جذابة خلاتها غير ساهية فيه):عارف هاد الراس كيگول ليك مكانش خصك تعطيه فرصة لبارح...(غمزها) ولكن ديك لفرصة مكتعني ليا والو..عطيتيها ليا ولا معطيتيهاش ..النتيجة كتبقى نفسها...
إيجا(زفرات ب غضب):بغيت نمشي
زيدان(والو ما مفاكش ..):كملتي ماكلتك بعدا
إيجا:اه كملت
زيدان(ناض حتى هو ...هز لي كلي ديال لوطو و فليد لخرى شاد ليها فيديها حتى خرجو على برا
إيجا:فين غادي بياا راني جبت لوطو ديالي معايا
زيدان:ومن بعد...(حل ليها لباب) غادي نوصي شي واحد يديها للدار
إيجا:وحنا فين غادين نمشيو ؟
زيدان(قرب بزربة جمع ليها حناكها و خطف بوسة فوسطهم):من ايمتا ولات فيهك لهضرة بزاف هكاا...طلعي
###هاجر (داخلة للدار حطات صاكها وسوارتها فالدخلة ..سمعات التقرقيب فلكوزينة ..مشات على طراف صبيعاتها كتسلت تشوف سهيا شنو كيدير حيت عرفاتو كاين فالدار غير من لوطو ديالو لي على برا...لقاو كيقاد فلعشا ):سهييل ..شنو كادير
سهيل:كندير داكشي لي مدرتيش
هاجر:شنو دابا هاد الهضرة..كتحشي ليا لهضرة
سهيل(شحطها لمؤ*رتها):كدبت ...ياك كضلي حاضية صحاباتك  ونسيتيني اولا
هاجر(عنقاتو من لور ):متنساش راه يالاه كنحاول نتصالح معاك
سهيل(هزها حطها فوق لپوطاجي قدامو):كتقلبي عليا هاد النهار..
هاجر:ممم مگلتيش ليا شنو سر هاد لعشا ..ماموالفاش ليك..
سهيل(جبد ليها كادو صغير ..سلسلة صغيرة سامپل ذهبية ..ركبها ليها فعنقها )
هاجر(ترمات عليه عنقاتو ..):شكرا أ حبيبة ..زوينة بزااف
سهيل (كيدوز يديه على فخاضها ب حنية ..خذا مصيصة من شنايفها):نتي لي زوينة
هاجر (شافتو بدا كيلعب معاها وداخل فالسخون ):هاد لعشا ايمتا ناوي يوجد فيا الجوع
سهيل(طفى عليه ..هزها وهي معلقة فيه ):شبان ليك نتعشى بيك نتي لأولة عاد ندوزو ليه...راني صايم من نهار تخاصمتي معايا
هاجر(قوسات عينيها فيه):دابا هادشي كامل وهاد لكادو غير باش توصل لداكشي لي بغيتي
يوسف(وقف قدام لباب):احم..
هاجر:يوسف شنو كدير هناا
سهيل(كمل الطياب ديالو و هو كيشوف فيه كون صاب يتيري فيه):مرحبا دارك هادي..دخل وقتما بغيتي وخرج وقتما بغيتي..على بالي مكاينش شي حد فالدار من غيرنا ..شكون حل ليك
يوسف(وقف حداه كيدوق من لماكلة ):عندي السوارت
هاجر:ههه انا لي عطيتهم ليه
سهيل:نتي لي عطيتيهم ليه..(قرب لعند هاجر)ا بيا ولا بيه ايلا ما خليتو كيجري من ورا ريناد منتسماش سهيل...
هاجر:راه خويا هادا لي كتهضر عليه
سهيل(خنزر فيها):ومن بعد ..عاجبك لحال كيدخل علينا لوقت لي بغا
يوسف(عايق بسهيل):كاين شي مشكل
سهيل(كيحذرو بعينيه ):كاين ا سيدي مشكل ..مشكيل كبير
هاجر(بغات تعتق لموقف ):بان ليا لعشا وجد گلسو نتعشاو
يوسف:لا بلاش ..غادي نتعشى مع عادل  والناس لي خدامين معانا..جيت غير ناخد الساعة ديالي نسيتها داك النهار
هاجر:ااه راه خبيتها ليك ..تسنى انا نطلع نجيبها ليك ..
يوسف(خلى هاجر حتى مشات و مشا شنق عليه):نسيتي راه هادي ختي ولا نفكرك
سهيل(حتى هو شنق عليه):نتى لي ناسي راها مراتي ...شفتك غير كا دور ليك فلخوا كتجي عندي للدار..راني مزوج ا بنادم
يوسف(خشاه تحت يدو خانقو):هاديك لي مزوج بيها ختي ...نجي وقتما بغييت ونمشي وقت ما بغيت
هاجر:اويلي شكديرو نتوما
سهيل(كيتحلف عليه ): ا بلاتي ما بقا والو
يوسف(راجع ليه):شكتگول نتاا
هاجر(كتنغزو باش يسكت)
يوسف(خدا ساعتو ):يالاه بسلامة ...(وراه السوارت ) هاهوما عندي
سهيل(خلاه حتى مشى و هو يشدها من قرفادتها ):شكون گاليك عطيه السوارت ..
هاجر:والله ما انا راه نهار درنا لعشا كان جا يعاونني و عطيتو السوارت باش يدخل ايلا مكنتش
سهيل:ما انتهنا منو حتى يخرج ليا عقلي ..
هاجر:وراه صاحبك قبل ما يكون خويا ...ياك كتعرفو قبل مني
سهيل(شاد راسو عليها):سكتي و اجي تعشاي
هاجر:ياك غير قبل ما يدخل يوسف كناا احم ..انا وياك
سهيل(ابتاسم ابتسامة إنتصار..شاف لتحت):للأسف ..نعس
هاجر(ربعات يديها ووقفات كتشوف فيه وهي مفقوصة حيت رجع ليها الدقة)
إيجا(مرة مرة كتشوف ف زيدان لي كتر من نصف ساعة وهو صايگ):مگلتيش ليا فين غادي نمشيو
زيدان(هز يديها باسهم ):غادي نمشيو نرتاحو
إيجا:نرتاحو؟فين
زيدان(بتاسم ):شوية ديال لوقت  وغادي تعرفي ..
إيجا(بقلة صبر ):من قبيلة ونتا صايگ ..
زيدان(ضور لوطو ودخل لوطو بعدما تحل باب  اتوماتيك قدامهم ودخل لوطو .. ):دابا وصلناا
إيجا(خرجات من لوطو كتشوف مفاهمة والو ):شنو هادشي
زيدان(عنقها من لور محاوط خصرها بيديه ..باسها بوسة خفيفة فعنقها قريب لوذنيها..): هنا فين كا نجي نرتاح ...دخلي غادي يعجبك لحال
إيجا(حسات بلحمها تبورش عليها من حركتو ..لحد الأن مزال ما ولفاتش عليه ..قربو منها كيريحها وفنفس لوقت كيخنقها ،متنكرش انها نوعا ما كتقدر تشوف وتقرى لداخل ديالو غير من عينيه....تضارب كاين فلداخل ديالها من نهار جات عينيه ف عينيها مرة أخرى من بعد مدة طويلة ..كانت عارفة أنه داكشي لي كانت كتحس بيه من جيهتو عاود حيا ..شحال ما كتحاول دفنو شحال ما كيزيد ...تنههدات وهي كتفكر أحدات الليلة ديال لبارح لي وقعو بطريقة مقدراتش تستوعبها ..ولكن لحاجة لوحيدة لي عارفة هو انه جزء منها لداخل كان كيجذبها ليه بقوة
زيدان(شاف فيه):ندخلو
إيجا(هزات صاكها من لوطو):اه واخا ..
زيدان(حل لڤيلا لي كانت صغيرة نوعا ما ..طراز خشبي كا تطل على لبحر من لفوق ..)
إيجاا(شافت ف ديكور عجبها ..ونطقات لا إراديا):زوينة بزاف كتشبه للڤيلا ديال ماربيلا...كتبان نقية ..كتجي هنا ديما !
زيدان(حيد ل ڤيسط ديالو وشد حنيكاتها بين يديه):اه كنجي هناا
إيجا(بتاسمات حتى هي لا إراديا ودغيا خباتها):ما بانوليش هادوك لي كيكونو معاك ..فالدار لأخرى كاينين علاش هنا لا
زيدان(كيجاوبها على أسئلتها بدون مانع):ما نحتاجش  نجيبهم هنا ..
إيجا:مفهمتش ..علاش
زيدان(جمع ليها حنيكاتها وباسها فوسطهم):باراك من لهضرة ...بدلي حوايجك باش نرتاحو  ...(لاحظ تحركاتها ..تفهم انها مزال ما واخداش راحتها كاملة معاه ...دخل للداخل كيشعل الضوء ..و تلفازة لي كانت مقابلة مع لكوزينة  جات محلولة على الصالون ...طل عليها لقاها خرجات للتيراس على برا ،فضل أنه يخليها على خاطرها باش ترتاح...طلع للفوق دخل دوش بلخف و خرج كيقلب ف پلاكار صغير على شنو يلبس
إيجا(وقفات قدام لباب كتحك فرجليها مع بعضهم وهي حفيانة ..كتهضر بلا ما تشوف فيه حيت لقاتو غير لاوي عليه فوطة ):عطيني شنو نلبس
زيدان(كيضحك ب سنيناتو باينين من منظرها..خدا تيشرت عطاه ليها...يالاه شداتو بيديها وهو يجرو وتجرات معاه هي ...):شنو زعما...حشمتي تشوفي فيا
إيجا:..لاا غير..
زيدان(حرك شعرو حتى فزگها ):ممم مأكدة
إيجا(طلعات عينيها فيه كتأكد من ضحكتو لي أول مرة كتشوفها ..بعدات عليه):عطيني شنو نلبس بغيت ندخل ندوش
زيدان:راه ف يديك
إيجا(طلات بصح لقاتو ف يديها...خلاتى واقف و دخلات للدوش ..بلخف حتى هي غسلات لحمها و لبسات تيشرت لي عطاها بوحدو جاها فحال شي كسيوة...هبطات وهي متوترة  من مجيتها لهنا حيت أكيد غادي يباتو ..
خرجات راسها بشوية كاطل عليه لقاتو كيحاول يقاد لعشا ومعارفش منين يبدا ..دغيا مشات طفات على لما لي كيسخنو ..):شنو كا دير
زيدان:لعشا
إيجا:عارف بعدا شنو كادير ...(ضحكات عليه )واقيلة مبقيتي كتعرف لوالو من غير داك لگلاص
زيدان(شاف فيها بتكبر):نسيتي شكون كان كيطيب ليك ف ماربيلا ..
إيجا(دارت يديها على خصرها):اوكي ...وريني نشوف
زيدان(عاد ركز ف تفاصيلها.. عرفها ملابسة والو من لتحت...بعد عينيه كيحاول ميشوفش لجيهتها)
إيجا(قربات ليه):عطيني انا نصايب لعشا
زيدان(بعد عليها وحط داكشي لي فيدو ومشا گلس قدام لي كاناپي لي فتلفازة ):واخا صايبيه
إيجا(مفهمات والو فيه خلاتو على خاطرو و بدات كتقاد ..لقاتو كان كيقاد ستيك ديال اللحم ...كملاتو و قادات معاه صوص ..عاد سالاد خفيفة و عصير قاداتو بيديها...مرة مرة كطل عليه كتلقاه خاشي وجهو ف تيلي ..حطات كلشي فوق الطبلة و جات وقفات حداه):صافي راه لعشا واجد
زيدان(شاد تيلي ديالو ..طلع فيها عينو ):صافي كملتي
إيجا(حركات راسها ب أه)
زيدان(ناض من بلاصتو متفادي الشوفة فيها...):قاديتي هادشي كامل
إيجا(ساهية ف ضهرو عريان...محساتش بيه ايمتا وقف..حتى لقات راسها تضرب ف ضهرو.....شدات ف نيفها):بشوية
زيدان(كيشوف فيها كتبان فحال ايلا لاصقة فلأرض ..):واش قصاريتي
إيجا(عوجات فمها):لا غير حيدت الطالون..راه نتا لي اصلا طويل بزاف ...(گلسات فالطبلة باش تبدا تاكل)
زيدان(كبشوف فيها من رجليها حتى لراسها):شحال فيك
إيجا(فمها عامر بلماكلة):ميترو و تمنية وستين و بالطالون كنتزاد عشرة سنتيم
زيدان:كتزادي هادشي كامل !
إيجا(حركات راسها بأه وهي فرحانة):اااه متيقتيش !! نوريك
زيدان(حابس ضحكتو):اه وريني نشوف
إيجا(ناضت على نيتها باش توريه):بلاتي انا جايا
زيدان(شافها دارتها بالصح...جرها  گلسها قدامو وهو كيضحك على وجهها لي عامر ماكلة .. ):فين غادا
إيجا(گالسة من فوقو و رجليها مهزوزين على الأرض):نوريييك
زيدان(طلق قهقهة رجولية بنبرة غليضة وهو كيشوف ف منظرها لي سالا معاه)
إيجا:علاش كضحك
زيدان(شاف ف رجليها ):لاا مكنضحكش....صافي متورينش تقت بيك
إيجا:وا نزلني بغيت نمشي ناكل
زيدان(عاد وعى على راسو...بالزربة نزلها  وكمل ماكلتو ):ميصحابليش كتعرفي طيبي هكاا
إيجا:بصحتك
زيدان:شفتك مازال مقستيش ماكلتك..
إيجا:مافياش الجوع بزاف
##عند ريناد
داخلة كتمختر من باب الريسطو ديال لأوطيل ..لابسة كسيوة فلبيض قريب لبيج ..طويلة من تحت الركبة مفتوحة من الجناب ..ومن لفوق فيها فتحة من جيهة الصدر  ..شعرها دارت ليه ذيل حصان مع مكياج تقيل ركزات فيه على عينيها و عكار حمر هي براسها مصدومة فراسها حيت عمرها حطاتو ...مع صنيديلة طالون فيها حجيرات ألماسيين  ...كتمشى وهي كتمختر رغم انها ما مرتاحاش بتاتا لا فلداخل ديالها مع نفسها ..لا فحوايجها لا فشكلها حيت ما موالفش ليها لخروج بهاد الشكل ..كأنه كلشي على الهواء مباشرةً...طلعات عينيها فلأعين لي موجهين كيشوفو فيها منين حطات رجليها لداخل ...خدات نفس عميق و حاولات ترخي النفس فيها و تصنع اللا مبالاة ..شيرات لمنصف لي گالس فالطبلة و كملات طريقها من قدام الطبلة لي كان گالس فيها يوسف ..تخطاتو بدون أي ملامح على وجهها كأنها مشافتوش...خلاتو غير كيشوف ما فاهم والو هو لي كان كيظن انها كتعيط ليه..تبعها بعينو حتى وقفات قدام شخص لي مكانش باين شكون هو من غير يدو لي كانت محاوطة خصرها ،كتم غضبو فداخلو و حرك عينو مباشرة للشخص لي گلس قدامها...
عادل (قرب لعندو ):يوسف .
يوسف(كيلعب ب لي كلي ديال لوطو و كيحك لحيتو بيديه ..نطق بعصبية ما واعيش بيها):شكاين ا عادل
عادل:نسيتي راك نتا لي عارض عليهم اولا ؟؟ بالك بان ليا مشا بعيد ..
يوسف(كيحاول يهدن راسو ويرجع تركيزو مع طاقم العمل لي كان عارض عليهم):كنظن وقت لعشا وصل ..عادل تكلف شوف شنو بغاو ياخدو
ريناد(ناسية گاع علاياش جات ..دغيا طلقات راسها مع منصف كضحك ): ميمكنش ا منصف ..واش لعام كامل ونتا ساكن مع بنت ف كندا فلأخر صدقات ولد ...
منصف:بسباااب إيجاا
ريناد:علاش إيجا مالها...
منصف (كيضحك):هي سبابي حتى نفاوني لكنداا...لعام لأول قطعو عليا كلشي كان ضروري نسكن مع شي واحد باش تقام عليا رخيصة...صافي من تمااا تبت ...
ريناد(كتمسح عينيها قبل كا يدمعو بالضحك):اووف ..مظنيتش إيجا هي السباب فهادشي كامل ..
منصف (ضرب طلة على يوسف):كنظن الخطة نجحات
ريناد(كتحاول ما ضورش ):بصح!! كيشوف فيناا ؟؟
منصف(قرب ليها كأنه كيحيد ليها شي حاجة من حدا فمها وعلى وجهو إبتسامة ):شوية غادي ياكلنا بعينيه..
ريناد:خليه مزيان فيه..
منصف(باقي محافظ على الإبتسامة و كيهضر غير من لتحت):ياك مأكدة مغاديش يجي ليا ..ما علمتونيش راه يوسف عطاف كون منجيش من لأول
ريناد(شافت لجيهة يوسف بان ليها كيضحك مع الموظفين ديالو ..): متخافش ..ماشي كلهم فحال خويا..
منصف(غمزها ):بان ليا لجو هنا عاد زيان..شوفي لهيه
ريناد:لالا بلاااش
منصف(جرها من يديها غادي بيها للجهة فين كانو بعض لي كوپل كيشطحو على موسيقى هادئة نوعا ما ..قربها لعندو من خصرها هي بدورها لي حاوطات يديها على كتافو )
ريناد(بإبتسامة زائفة):ناري هاد الطالون عذبني فرجلي ماموالفاش بيه..
منصف(غمزها):بلاتي (هبط لعندها حيد ليها الطالون من رجليها و طلع ..)هكا مزيان..دابا حطي رجليك فوق رجلي ..
ريناد(هبطات عينيها للتحت ..حطات رجيلاتها على رجليه..مخلياه هو شادها من خصرها وهو لي متحكم فالرقصة..وهي غير كضحك على لهضرة لي كيرمي مرة مرة باش ميخليهاش متوترة..)
منصف ( كان شادها من خصرها ..حس برجليها بعدو على رجليه وكان غادي يقيصها ب صباطو..فلحظة لي بغا يبعد رجليه رخا من خصرها شي لي خلاها فلتات من يدو و كانت غادي طيح ..بالزربة عتق لموقف و جرها لعندو ..)
ريناد(شافت فيه بتعجب):مالك
منصف(شاف فيدو فاش بغا يشدها..ما لقاش منين يشدها و جرها من طر*ماحتها..):قودتها
ريناد(عاد شافتو منين شدها ..بزوج طلعو عينيهم على يوسف لي صرخ بأعلى ما فصوتو ب سميتها...خرجات عينيها فيه):ناري ..سمحليااا