♦️فتاة البادية والمفيوزي المتملك ♦️
♦️بقلمي مونيا لوباروس ♦️
....
#البنااات ...لي بغات تحط لقصة فشي گروب معليها غير تعلمني و تكتب سميتي ♥️♥️😘
مكنتش عارفة حياتي تقدر تقلب عليا بهاد السرعة على قبل قرار خداه با ف حقي ،ضطريت نحارب اي حاجة جات قدامي ب...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
زيدان( حل عينيه وكيجر عندو لغطااا حيت ايجاا ملوياا فيه ..غير فليل مكانتش باغا تنعس حداه وداباا واخدة راحتها فالناموسية ..ضحك على أنانيتها) إيجا(عقدات حجبانها حيت كيعجبهاا تلواا فلغطاا كامل...رجعات جراتو وخشاتو من تحت رجليها ، غمضات عينيها كأنه حتى حاجة ما واقعة) زيدان(جرها من لور خصرهاا حتى لصقات على صدرو) إيجا(حلات عينيها ب دهشة...وضارت عندو كتبعد ليه يدوو):وا بعد عليااا ..علاش جريتيني... زيدان( قبل ما تهضر نطق حدا وذنيها ب نبرة رجولية هادئة فيها بحة):ميصحابليش نتي أنانية هكااا.. إيجا(يالاه جات ترد عليه وكتجار معاه حتى حسات بنفسها تقلبات... زيدان:مالكي؟ إيجا(كضرب ليه ف يدو باش يطلق منهاا ..فورما طلقها مشات كتجري للحمام كترد رغم أنها ما لقات ما ترد ..شي لي خلاها تحس بنفسها كأنها كتزهق) زيدان(مشا تابعهااا للحمام كيدق فلباب كيحاول يعرف مالهاا ):إيجااا..حلي إيجا(خارجة كتمسح ف فمها و كتنهج سخفانة) زيدان(حط يديه على راسها كيشوف واش فيها سخانة..لقا حرارتها عادية...شاف فيها بإستغراب):من إيمتاا وهاد لحالة كتجيك... إيجا(مشات گلسات فوق ناموسية ) زيدان(مد ليها لمااا باش ترجع الروح) إيجا(بقوة ما حسات براسها سخفانة حطات راسها على كتفو ) زيدان(حاوطها ب يدو ):من ايمتاا ونتي هكا! إيجا:غير هاد الأيام.. زيدان(شاف ف تيلي ديالو وناض ):لبسي عليك إيجا(طلعات فيه عينيها):فين غادي نمشيو! زيدان:لطبيب... إيجا:لاا ما بغيتووووش..راه ما فيااا والوو زيدان(خنزر فيها):لبسي حوايجك أناا كنتسناك... إيجا(كضرب برجليها فلأرض ومدلية شنيفاتها محاملاش سيرة الطبيب) زيدان(تم جاي ليها):واقيلة بغيتي نديك هكااا.. إيجا(هربات من حداه غاداا للدريسينغ) زيدان(شاف فيها كيف كتجري حتى جاتو الضحكة ) إيجاا(دخلات للدريسينغ كتقلب شنو تلبس...بانت ليهاا كسيوة صيفية لبساتها و خرجات لعندو بان ليها مكاينش فلبيت ..هبطات للتحت لقاتو واقف كيقاد لفطور ..مشات بالزربة كتجري لقاتو كيقاد لي كريپ ب شوكولا..هزات صبعهاا ولحسات من الجنب شوكولا لي لاصق فالجناب ديال الطبسيل وكتلذذ فيه):هممم زيدان(ضحك عليهاا وملاحظ شحال كيعجبها شوكولا):كيعجبك حتى لهاد الدرجة.. إيجا(حركات راسها ب حماس):اااه ...كانت يمااا كتجيبو لياا من السوق ..(عوجات فمها) فاطمة كانت ديمااا كتاكلو ليااا زيدان:شكون فاطمة إيجا:ختي...(حكات راسها) مبقاتش ختي ..(حطات يديها على حناكها و كتفكر شنو كانت كدير ليها) مكنحملهاش زيدان(ضحك على عفويتهاا وجرها عندو وهمس فوذنيها):و أنا إيجا(طلعات عينيها فيه):م..ماا..لك نتا.. زيدان(حط يديه على الطبلة و هي بيناتهم..شاف فيها مباشرة ف عينيها):باقا كتكرهيني إيجا(شافت فيه مباشرة..وطمسات على نفسها وعلى قلبها لي كيضرب بسرعة حتى كتحس بيه باغي يخرج من بلاصتو):ا..أه كن..كنكرهك.. زيدان(حك نيفو مع نيفها ..وباقي عينيه كيشوفو غير ف عينيها):ماشي مهم...لمهم هو أناا كنبغيك.. إيجا(سرطات ريقها بصعوبة وكتحاول تبعد عينيها عليه...بعدات منو ومشات گلسات فالطبلة ...كتحك صباعها مع بعضهم بقوة التوتر ) زيدان(دوز يدو على شعرو و إبتسامة جذابة على وجهو ..خصوصاا من ردة فعلها لي كانت مهدنة نوعا مااا..) إيجا(شافت فيه مزال كيشوف فيها دغيااا قلبات وجهها) زيدان(خدا تيلي لقا سهيل لي كيصوني عليه ..جاوب وهو مزال كيضحك):ألوو..
سهيل(عاود شاف ف تيلي كيتأكد انه تاصل ب زيدان..رجع حط تيلي على وذنو):زيدان...نتاا هادااا... هاجر(غير سمعات زيدان خرجو عينيها ):گوليييه يعطيني نهضر مع إيجاا.. سهيل(شدها من خصرها):تسناااي بلاتي ...(كمل هدرتو مع زيدان وهي كترمى فيه ) هاجر(شافتو قطع):يخخخ قطعتي... سهيل(قرصها من فمها):هاد لفم لي كيگول يخخ راه شي نهار غادي ن... يوسف(موراهم):سهيييييل... سهيل(ضار وعلى وجهو إبتسامة صفراا ):كنت عارف هاد الصباح مغاديش يدوز مزيان.. يوسف(حط يدو على كتف سهيل ومزير عليه):غير عول عليهاا كل نهار..(شاف فهاجر كتشوف فيهم) صباح لخير... هاجر(ب ضحيكة خجولة):صباح النور سهيل(شاف فيهم بزوج و مشا طلع يلبس طالع ليه الدم) هاجر(مداتهاش فيه ومشات للصالون فين محطوط لفطور) يوسف(مشا حداهااا فين كاين لفطور لقاهااا داخلة فلماكلة مامسوقاش ...شاف فيها مطولا ):شنوو كديري .. هاجر(شافت فيه بإستغراب):كنفطر.. يوسف(شداتو الضحكة):شنو زعماا كديري ف حياتك... هاجر:ااه..كنقراا يوسف:شنو كتقراي.. هاجر:كنقراا إدارة الأعمال...أناا و ..إيجا يوسف(ربع يدو وملامحو باينة عليها الجدية ..كيحاول يعرف شي حاجة على حياتها):مزيان...وفين كتسكني... هاجر(كتاكل و كتهضر معاه ):هناا.. يوسف:من ايمتا ونتي هناا.. هاجر:غير شي سيمانة يمكن..ولا كتر(سمعات الصونيط ديال لباب) شي واحد جا سهيل(كان هابط من لفوق):اناا غادي نشوف شكون يوسف(شد تيلي ديالو كيشوف شنو عندو ليوم) هاجر:داباا نتاا هو يوسف عطااف ياك.. يوسف:وي..هو أناا هاجر(تنهدات ):شوف ليااام ...من دار لحاجة لكبيرة حتى لعند يوسف عطاف... يوسف(سمعهاا وشاف فيها وهو مصدوم ....مع شافت فيه قلبوهاا ضحك ) هاجر(كضحك وكتشوف ف سهيل واقف ):شكون جااا سهيل(ضحك ب شر و هو كيشوف ف يوسف):هادي غير ريناد... يوسف(غير سمع سميتها كأنه الدم حبس ف عروقو) ريناد(سلمات عليه من وجهو ):صباح لخير..يالاه فقتي ا نعاس.. هاجر(هزات حاجبهاا من ديك لبوسة وكتنگر غير مع راسها):شنو جايا دير هادي تاني هناا..مكفاهاش هي لي مطيحة إيجا فهادشي ... سهيل(ضغط على لهدرة):هاااجر.. هاجر(خرجات فيه عينيها):مالك نتااا.. ريناد(حطات صاكهاا و گلسات فجنب هاجر وعينيها كيمشيو مرة مرة ليوسف):صباح لخير.. هاجر(قلبات وجهها بلاما ترد عليها مخلية يوسف يتكلف ب مهمة يدر عليها) ريناد(شافت ف سهيل بعدماا ما رد عليها حتى واحد فيهم) هاجر(كترمش ف عينيها وشداتها الضحكة حيت يوسف كأنه ما مسوقش) سهيل:هااجر.. هاجر:عرفت سميتي عاجباك.. يوسف(ضحك على تصرف هاجر،وعاجباه شخصيتهااا لي ضاربة الدنيا بركلة..) هاجر(ناضت من حداهم حيت جاهاا الجو متوتر):أناا غادي نمشي للكلية.. سهيل(قبل ما يهضر سبقو يوسف):تسناي انا غادي ن... يوسف:انا غادي نوصلك ف طريقي ..(شاف ف ريناد )سهيل باينة فيه مشغول هاجر(كتقلي السم ل سهيل):واخااا اناا غادي نلبس حوايجي دغياا... يوسف(ناض من حداهم وخرج على براا كيتسنى هاجر) سهيل(گلس قدام ريناد ومن وجهها باين فيها عيانة..مد ليها كاس دلماا ):كتبان فيك عيانة.. ريناد:لاا والو غير مع لخدمة ...احم،شنو كان كيدير يوسف هناا ..ياك گلتي غادي يسافر.. سهيل(حك لحيتو ):حيت لقاا ختو.. ريناد:بصح...واش لقاهااا صافي؟؟ سهيل:ههه اه لبارح ريناد(بفرحة):فين لقاهااا .. سهيل:شفتك فرحانة ليه..ياك ساليتي معاه كلشي.. ريناد:سهيل بلاماا دخل فهاد الموضوع تاني... سهيل:هاهو مداخلش فيه ... ريناد:وا گول لياا شكون هي ختو.. هاجر(هبطات كتجري من حداهم):بسلامة... ريناد:شنوو كدير هاجر صاحبة إيجااا هناا سهيل:قصة طويلة.. ريناد(بفرحة):وا كمل لهدرة..شكون هي ختو وفين لقاها؟؟ سهيل:هاهياا عاد دازت من حداك دابا.. ريناد(بعدم فهم):واش...كيفاش مفهمتش!! واش هاد لبنت هي خت يوسف.. سهيل(غمزها):تمااامااا ريناد(حطات يديها على فمها ):ميمكنش... سهيل:سييي يمكن..
