فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 44

فتاة البادية و المفيوزي المتملك
الجزء 44:

🌺🌺🌺🌺
انت كاللعنة ..تشتقين ضلوعي...
تعتصرين انفاسي ...تمزقين قلبي...
احاول الإبتعاد...احاول النهوض ...
لكن... محاولاتي فاشلة....فلا مفر منك إلا إليك....
🌺🌺🌺🌺

إيجا(متكية على لكرسي ديال لوطو وكتشوف على براا فلبحر والريح كيضرب ليها فوجهها..وزيدان زايد فالسرعة ):بشوية..
زيدان(نقص فالسرعة و ضار شاف فيها ):كتحسي براسك مزال عيانة؟
إيجا(حركات راسها بلاا ...)
زيدان(زاد ف صوت لموسيقى ورجع كمل صوگان و مخفف من السرعة)
إيجا(كتسمع للأغنية وغارقة معاهااا )
زيدان(عرفهاا عجباتها الأغنية ...ومفراسهاش أنه بديك الأغنية كأنه كيعبر بيها شوية من داكشي لي فداخل كيانو..)

زيدان(وقف ب لوطو ..ضار لعندهاا لقاها متكية على لكرسي والنعاس باين عليها  ):إيجا..(هز ليهاا يديداتها لي حاطاهم على حنكها وطبع بوسة على راحة يديها )نمشيو...
إيجا(خسرات ملامحها وكتحرك راسها بلا ):مبغيتوش...
زيدان(ب إستغراب):علاش كتخافي منوو!
إيجا(تفكرات ليبرة لي دگاتها ليها نورة وطلعات معاها لخلعة):لالا غادي يدگها ليااا ف يدييي ...
زيدان(عقد حجبانو ،ومصدوم من عينيها لي بصح كيبان فيهم لخوف..هبط من لوطو ومشا ل جيهتهاا وفنفس لوقت حاط عيننو ف عينيها وهي متبعاه كتسناه شنو غادي يدير ...قرب ب خطوات تقيلة و حل لباب لي حداها ،هبط على رجليه باش يوصل لعندها و عينيه ما فارقوش عينيها ولو ل ثانية ،هز يديه كيقاد ليها شعرها لي خصلاتو كيتحركو مع الريح ..نطق بصوت هادئ و غليض ف نفس الوقت ):غير فحص بسيط ..(حرك يديه على وجهها كيتحسس معالم لعيا لي باينين عليها) واخاا؟
إيجا(حطات يديها على يدو لي كيتحسسو وجهها بطريقة خلات رعشة قوية تسرى ف أنحاء جسدها..غمضات عينيها وهي تايهة بين أحاسيسها لي كيوليو متضاربين غير ب مجرد ما كيقرب منها وهادشي بدات كتحس بيه من نهار هربات  ونقذها من وسط حي كيتعتابر من أخطر الأحياء لي كاينين فلمدينة ،بدون شعور زيرات بيدها على يدو وطبعات بوسة أخف من الريش على راحة يديه ، وفنفس الوقت تنفسها لي كان مخربق ومسموع )
زيدان(قرب ليهاا و أنفاسو غادين ف نفس وتيرة تنفسها هي ...عض شفايفو وهو هايم ف حركاتها لي رغم أنه ناقصاهم خبرة ..إلى أنهم كانو قاديرن يخرجوه على طوعو ..بخفة هزها وجا بلاصتها وهي فوق منو ..قربها ليه وكيحرك نيفو مع نيفها):اخخ ا إيجااا...
إيجا(حلات عينيها نيشان ف عينيه مباشرة ،ومقادراش تبعد عينيها على عينيه رغم أنه صوت ف أعماقها كيگول ليها متنسايش لي طرا بهاد السهولة ...)
زيدان(قربها من خصرها و أنفاسو متسارعة كأنه الأوكسجين لي ضاير بيه مقادوش...جرهاا من عنقها وبدا كيلتهاهم شفايفها بطريقة بطيئة و عنيفة تقريباا...ف كل شفة كيتلذذ وكيزيد يغرق وسط رحيقها ..عضها عضة خفيفة  حتى حلات فمها وزاد غرق فوسطوو  مستمتع بتجاوبها لي مكانش واضح مقارنة معاه هو ...حبس لوهلة وشاف فيها وعينيه كلهم عامرين بهوسو ليها):قريب غادي يخرج لياا لعقل..
إيجا(بعدات عليه وهي كتلتاقط أنفاسها ...وفداخلها كتلعن ف راسها ...شافت شافت فجهة المستشفى و هي كتصنع اللامبالاة ):احم...يالاه خصني ندير الفحص ..
زيدان(شحطها ف مؤخرتها حتى غوتات):شنو لمك داباا دايرة  فيها ما مسوقاش(قربها كيهمس ليها فوذنيها) اي حاجة كتحسي بيها دابا ..واضحة وضوح الشمس قدامي ..
إيجا(كترمش بعينها وكتحاول تقلب على تخريجة):عادي مولفة ..هادشي عادي جداا بالنسبة لياا ..ما يمشيش بالك بعيد...
زيدان(طلق قهقهة رجولية على هضرتها لي برمشة عين قلعها):جرأة كبيرة هادي منك...
إيجا(خنزرات فيه):مالي كذبت..!
زيدان(بعد شعرها وعضها فعنقها):مغاديش تقدري تخيلي  حتى مجرد التخيل شنو غادي يطرا ليك كون كانت هاد الهدرة بصح أ عمري ..
إيجا(بعدات عليه وخرجات على براا كتعايرو فنفسها ):عمرك غادي تبدل
زيدان(كيقاد شوميز ديالو وجرها من يديها):و مستحيل نتبدل...
إيجا(جرات يديها وزادت قدامو عاقدة حجبانها و كتعايرو ف نفسها)