فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 52

⚜️فتاة البادية و المفيوزي المتملك⚜️
⚜️الجزء الواحد والخمسون ⚜️

❤️‍🔥بعد غيابك لم اعد أمضي الوقت بل اتحمله❤️‍🔥

جوزيف (واقف قدام زيدان ف وسط لپاركينغ ديال المستشفى وحابس اعصابو غير بزز  ):شنو جيتي دير هناا...كان كيصحابلي لهدرة سالات معاك لبارك
زيدان:هضرتي معاك ا جوزيف ما سالاتش و عمرها غادي تسالي ..
جوزيف :كنصحك ا زيدان متلعبش معاياا ..(قرب لعندو ووجهو مقابل مع وجه زيدان مباشرة)واخا تبقى نتا اخر رجل ف الدنيا مستحيل نعطيك بنتي ..
زيدان(هبط راسو للأرض وهو كيلعب ب لسانو وسط فمو ونطق ب نبرة عصبية):ايلا كنت غادي دابا فحالي و ختاريت نبعد ،حيت اناا لي ختاريت  نبعد عليهاا ومبغيتش مزال نعيشها فلعذاب حيت كتعني ليا كتر ما كتصور ...گاع لي غادي نديرو من هنا للقدام  غير على قبلها باش تعيش مرتاحة
جوزيف(هز حاجبو و مشكك فهدرتو):منين هي كتعني ليك لهاد الدرجة لاش مخليها تعيش هادشي كامل
زيدان(تنهد ):تعميت ومكنتش كنشوف قدامي
جوزيف (هز حاجبو و على وجهو ملامح متعجبة ):لعجب ..كون مكنتش كنعرفك  ،منگولش هادا زيدان لي كيهضر...
زيدان(فتح لوطو ديالو و شاف ف جوزيف):انا ليوم غادي نرجع ل إيطاليا ..
جوزيف(تنفس نسبيا و غير كيزيد يتأكد انه مكاينش عقاب لداكشي لي دار من غير هذاا ..عقابو كان هو يبعد على حاجة كانت من لمستحيلات يفكر شي نهار يبعد عليها ):كنتمنى ...
زيدان(ضحك ب سخرية وهو طالع ف لوطو ديالو ):مكتعرف لوقت شنو جايبة ا جوزيف  حتى حاجة ما مستحيلة نخليو لوقت هو لي يحكم بيناتنا
جوزيف(بزز باش شد راسو عليه )
هارون (وقف حداه ):سمعت انه غادي يرجع ل إيطاليا
جوزيف(حاضيه وهو غادي ب لوطو): من هنا للقدام بغيتك تأكد باش ما تجمعناا بيه حتى شي خدمة مرة أخرى..
هارون (حرك راسو ب أه)
زيدان(شاف فيهم من لمرايا لي قدامو وهو ومكمل طريقو و بين عينيه غيير صورتها..):يا تكون ليا ..يا لحتى واحد ا جوزيف ..

هاجر(گالسة مع ايجا ..خلات بلقيس حتى دخلات ل تواليت و شداتها):مبقيتش فاهماك ا إيجا كيف كتفكري ...بعد داكشي كامل لي دار كيفاش قدرتي تعيطي ليه حتى لهناا و تهضري معاه فحال ايلا عمرها وقعات شي حاجة
إيجا(غطات وجهها ب يديها وهي كتنهد ):هاجر ...صافي باراك
هاجر(هزات صاكها و ناضت معصبة ):حتى لاين ...ما عييتيش من هادشي كامل ،وهو سبابك فگاع هادشي .شوفي راسك فين دابا!...راكي فلمستشفى وهاد المرة عوتاني هو السبب ..(رجعات گلسات حداهااا و شدات ليها ف يديها) عقلتي ا إيجا  غير شهر قبل كيف كنااا....واش مكرهتيش نرجعو لديك الأيامات ..كنااا مرتاحين و مكنفكرو ف والووو ..
إيجا(مزال مغطية وجهها ب يديهاا ..نطقات ب نبرة شبه باكية ):مستحيل يرجع كلشي كيف ما كان قبل ...مستحيل ا هاجر
هاجر:اه اناا عارفة انه مستحيل يرجع كلشي كيفماا كان،حيت ماساهلش هادشي كامل لي دزتي منو...ولكن  غيرديري يدك ف يدي  كنواعدك غادي تنساي كلشي ..
بلقيس (سمعات لهدرة لي دازت بيناتهم،خرجات من لحمام و بتاسمات فوجه إيجا):شنو تبغي تفطري ليوم..
إيجا(دوزات يديها على راسها و تنهدات ):ايمتا غادي نخرج من هنا ا يما
بلقيس(گلسات حداها):مزال ...حتى نشوفو مع الطبيب ديالك...
إيجا:مبقيتش قادة نبقى هنا مزال ..عييت بغيت نرتاح
بلقيس(كدوز يديها على ضهرها):ما بقى قد ما فات ا بنتي ..يجي الطبيب ديالك و نهدرو معاه
جوزيف (دخل لعندهم للغرفة  و ف يدو هاز لفطور ):علاش بغيتو تهضرو معاه ياكما كضرها شي حاجة
بلقيس:لا راه غير تخنقات من المستشفى
جوزيف(حط لفطور قدامها و كيلعب ليها فشعرها):واخا..كولي شي حاجة بعدا ونشوفو ليوم تخرجي
إيجا(حركات راسها ب مواقفة)
بلقيس(گلسات حداها كتقاد ليها لماكلة حيت عارفاها مكتعرفش تاكل بحدها و ضروري شي واحد يقاد ليها ):هاكي كولي ا بنتي شوية رجعي فيك الروح..
إيجا(بتاسمات و خداتو من عندها كتاكل )
##عند هاجر لي خرجات وخلاتهم بحدهم...خرجات من المستشفى خدات طاكسي و مشات نيشان للدار عند سهيل باش تبدل عليها حوايجها و تدوش حيت ريحة المستشفى لصقات فيها و خنقاتها..ومنها تنعس شوية من لبارح ما نعسات وهي مع إيجا ...دخلات مع لباب ديال لڤيلا بانت ليها كاينة لوطو ديال سهيل و حتى ديال يوسف و لوطو أخرى معرفتش ديالمن ...بان ليها لباب محلول وكتسمع فحال ايلا شي زوج ديال الناس كيدابزو ..
يوسف:راني گلت ليك شنو كاين..واش ماقادرش تسنى غير شوية...عطيني غير شوية دلوقت ا عادل..
عادل:راه هادا هو المشكل مكاينش لوقت لي نعطيك ...راه لمباراة جاية عندك ف إيطاليا سيمانة الجاية...شمن وقت باغيني نعطيك..
يوسف:عادل ...زيدني غير شوية ديال لوقت بيما هدرت معاهااا
عادل:وا هدر معاها شنو كتسنى ..مناش خايف
سهيل(ضحك ب سخرية):هادشي لي مبغاش يتفهم ليا انا..
يوسف:سكتناا ا صاحبيي
عادل:لأمور ساهلة نتا كتعقدعا...غادي تعيط ليها وگلس معاها و گول ليها انا خوك ..شنو لي صعيب فهادشي ..شحال من عام ونتا كتسنى ايمتا تلقاها ..دابا نهار لقيتيها مقدرتيش تگولها ليها...
يوسف:دابا نتا جاتك ساهلة نجيبها و نگوليها هاجر انا خوك...واناا لي خليتها فلخيرية ومشيت بلا منعقل عليها...واش عارف ديك البنت شحال تعذبات ولا ماعارفش..فلوقت لي اناا عايش مرتاح كناكل ونعس على خاطري هي كان خاصها تفكر فشنو دير باش تاكل و تقرا وتكري...جاتك ساهلة دابا
عادل:اييه ا صاحبي اناا عارف ماشي ساهلة..ولكن دابا كلشي فات ..هادي صفحة جديدة غادي تبداوها بزوج..نسا لي فات و دابا ركز على شنو جاي
يوسف(ناض من بلاصتو ):مبقيتش عارف شنو ن****
وقف مصدوم وهو كيشوف فيها واقفة كتشوف فيهم مصدومة كأنها رافضة تيق داكشي لي سمعات ...قربات لجيهتهم و كتزيد تعاود تأكد من هدرتهم
هاجر(كتبكي)علامن كتهدرو نتوما...
يوسف(بغا يقرب ليها):هاجر...
هاجر(بعدات عليه):علامن كتهضرو..شكون هاجر...ماشي انا ياك،(وقفات كتسناهم يگولو لعكس لكن كاملين كيشوفو فيها بطريقة زادت أكدات ليها انه گاع لي سمعات كان عليها....رجعات بلور وخرجات كتجري على براا..لقات طاكسي قدامها ركبات فيه ومعارفاش ختو لفين غادة ...