فَتَاةُ البَادِيَّة وَ المَفْيُوزِي المُتَمَلِّكْ(بالدارجة المغربية )

الجزء 4

🔸فتاة البادية والمفيوزي المتملك🔸
🔸الجزء الرابع 🔸

بلقيس:وا طلعي لا بغيتي تفكي ...ولا يكمااا...
إيجا(حبستها دغياا):صافي صافي بلا متكمليها...(طلعات فوق لخيل ) يماااا عارفة بعدا راسك شنو كديري...
بلقيس(ضحكات ):عارفة غا زيدي ...كون درت ما دارت ختي من النهار لول گعمااا نرمي راسي فديك جهنم  لكحلة ...
إيجا(حيدات دوك لمقابط لي لصقو ليها فشعرها حتى ترما شعرها وغطااا كتفها كامل...ضارت عند مهااا و بتاسمات )
بلقيس:يالاه قبل ما يبداو يقلبو علينااا...
شافو فبعضياتهم و لبسمة على وجههم كيبانو كأنهم خواتات ماشي ام وبنتها حيت كيتشابهو ف بزااف التفاصيل فملامحهم ...بلقيس رغم لكبر لي ياله بدا يبان فيها ...لكن جمالها بقااا كيفمااا هو ،ومزال داك الطابع الطفولي عايش معاها ..كأنه حياتها توقفااات نهار زوجوهاا للعربي ،فكما كتشوف ف إيجا كتشوف نفسها لي دفناتها شحال هادي ...شافت حتى عيااات وخاطرت ب لي موراها و قداها ف سبيل بنتها لي مبغاتهاش تعيش دكشي لي عاشتو هي  نهار زوجوها للعربي وهي بنت 18 عام ...لعربي لي كان كبر منها شلا أعوام ...كان ديك الساعة مزوج بجوج عيالات مينة و حليمة  لي غير بعد شهور قليلة كانت ماتت وخلات موراها حمد و مصطفى ...اما بلقيس رزقها الله ب بنيتة وحدة لي هي إيجا.....

العدول :عيطو للعروس ...
لعربي (شير لمينة باش تمشي تعيط ليها)
فاطمة:وا خديجة واا خديجة ...فين مشات مي مالها تعطلات ...
خديجة:الله وعلم ....
لعربي (هضر مع عبد الله ):سير عيط ليهم يجيو بالزربة ...راه عدنا ميتقضاا...
عبد الله:واخا ا بااا....
القايد(مبتاسم):غا خليها اسي لعربي على خاطرها ...هادو هومااا عيالات ليوم...
بقاو كيتسنااو مدة ..والناس لي حاضرين بداو كيهضرو بيناتهم و لغاا كتر ..لعربي غير كيشوف و گالس على أعصابو  حتى تم جاي عبد الله عندو و قرب لوذنيه كيهضر...غير سمعو شنو گال ناض مزروب كيجري للبيت... وصل لقااا لباب مهرس وحتى حد ما كاين ...
لعربي (كيغوت ):فيييين هيي ....بلقيييييس....بلقيييييس....
عبد الله:حتى بلقيس ما لقيناهاش ا بااا...
لعربي (كيهضر مع الدراري ):داااباا تجيبوها لياااا ...(شد فراسو)بنت لحرااام دارت ليااا لفضيحة ...كي غادي نزيد نهز راسي فالدواااار....
مينة(كضرب ففخادها):اويلي على بنت لحرام من فعايلهاااا خرجات عليناااا...وعلى رزق خواتاتهااااا ....
لعربي (خرج كيجري ومعاه ولادو ركبو فلهوندة و غادين جيهت المحطة ديال لكيران حيت مكاين شي بلاصة غادي يمشيو ليها من غير داك لقنت...)
حمد (خرج لجيهة العرس غادي لجيهة لبلاصة فين كتگلس حداا لواااد حتى وقفو لقايد )
لقايد:فين مشاو ...فين مشاا باك و خوتك....
حمد (ضحك بفقصة وقرب لعندو لوذنو):عروستك هرباات ا سي لقايد ...
لقايد(خرج عينو و بدا يسرط ريقو):هااا كيفاش هرباات...
حمد(غمزو ):كيفمااا سمعتي ..(ضرب ليه على كتفو) الله يعاونك...
رقية(جات  مور حمد ):اجي نتاااا لهناااا...
حمد:نعام..
رقية(كتهضر بشوية ):دكشي لي گلتي ليه بصح...
حمد:اييه ا مي ...إيجااا و مهاااا هربووو ومعمرك مزال غادي تشوفي وجههم ....عييت ف بااا باش يخليهااا على خاطرهاااا
رقية:لا حول ولا قوة إلا بالله ....
حمد(تم غادي لجيهة بيتو):انا ما بقاا عندي مندييير هنااااا  ا مي ...غادي نرجع فحالي ...و إيجا ومهااا موحال واش يقدرو مزال يرجعو للدوار ..و بااا انا عارفو مغاديش يحبس من التقلاب عليهم ..مبغيتش نبقاا هنااا ونشوف لي ميعجبنيش ....
رقية:اييه سير ا وليدي ...هاداك راه ولد كرشي وانا كنعرفو غير الله يحفظ يا ربي ....

مينة(كتسلت هي وبناتها للبيت لي حاطين فيه لهدية):ا بشوية لا يشوفنااا شي حد ....
فاطمة:مالكي ا مي علا أش كتقلبي...
مينة(كتقلب فلهدية):معرف فين هو الذهب لي جابو فلهدية...
خديجة:ايناااا ذهب تاني....
مينة:و راه قبيلة كان هناااا شفتو بعيني....شلااا ذهوبات كانو هنااااا....
فاطمة:اويلي وفين يكونو مشاااو ....
مينة(شادة فراسها):الله وعلم....
خديجة(ضحكات نص ضحكة):وا باينة متحتاجوش تفكرو فيها...هادي متكون غير بلقيس لي جمعات حب و تبن....قبيلة بانت ليااا هازة رزمة حمرة و خارجة من بيت لخزين ...
مينة(ضربات ففخاضهاا بالجهد ):اويليييي على رزمة حمرة..(خرجات كتجري غادة لبيت لخزين)اويلي على بنت لحرااام من فعايلهاا دات ليااا ذهبيي.

### فجيهة أخرى كانووو مزال راكبين فوق الخيل لي جاهم ساهل يروضوه وملقاوش فيه مشكل ... غادين جيهة لمحطة قبل ما يعيقو بيهم ...حيت مكاينش شي طريقة أخرى لي يخرجو بيها من غير ديك لمحطة....
وصلو لبلاصة قريبة للمحطة بعد وقت قصير وهومااا فالطريق ....ربطو لخيل حدا الشجرة و مشاو كيجرو للداخل ديال لمحطة....
إيجا (شادة  ف يدين بلقيس و غير تابعاها):يماااا فين غادي نمشيو ....
بلقيس: للدار لبيضااء ...
إيجا:هااا.. وعند من غادي نمشيو....
بلقيس:عند ختي ....
إيجا:بصصصصح....وفين غادي نلقاوها...
بلقيس:غااا زيدييي. ها ناري ميمتي ....

لعربي (وصل هو وولادو للمحطة):قلبو عليهم راه مكاين عندهم فين يمشيو ....
دخلو للمحطة كيقلبو فلكيراان ...مخلاو حتى كاار ما قلبو فيه ولا شي حد ما سولوه...
بلقيس(خرجو عينيها ):هبطي راسك....
إيجاا(جات عينيها نيشان على لعربي ):ناريي ...بااا شكيدير هناااا...
بلقيس(هبطات راسها وراس إيجا)
إيجا(كطل من جنب لي كيدوزو فيه النااااس):ناري ميمتي ...فوقاش غادي يزيد هاد لكااار....
الشخص (واحد من الركاااب ):ا سي راه مغاديش نباتو هناااا ...تحرك
الشيفور(طل عليه):هااهو غاديي ...جمااال طلع طلع ..اش كتفرج تماااا ياكمااا شي مقاتلة
جمال:ا لااا ...هادو غير شي وحدين كيقلبو على شي وحدة هربانة من لعرس
الشيفور(كيضحك):وا هادشي كنشوفوه غا فلأفلام ...بشاااااخ ....طلع سد معاك داك لباب...
جمااال :هاهو طالع....
الشيفور (ديمارا لكار ):بسم الله توكلنااا على الله ....
بلقيس(ناضت تكات على لكرسي):اوووف كان غادي يخرج ليااا لقلب ...
إيجا(تكااات على كتف بلقيس):ناري كنت غادي نموت بلخلعة ههههه ...
بلقيس(بتاسمات ورجعات شافت فالطريق )
إيجا(ناضت مخلوعة)
بلقيس:مالك تاني...
إيجا:وحوايجنااا...
بلقيس(رجاا تكاتها على كتفهاا):غا كوني هانية ...كلشي لي غلدي تحتاجيه جبتو فهاد الصاك ....

متنساوش تخليو معاكم شي vote 🌟 و رأيكم ،توقعاتكم للقصة ♥️👇🏻♥️👇🏻

جزء أخر بعد قليييييييييل 😘😘👇🏻👇🏻