المشكله اننا بنحسب اننا مش محتاجينه غير في وقت شدتنا اللي بتخلينا مش قادرين نعيش كويس وعمالين نفكر ليل مع نهار في حلول .. اي حل ممكن .. وفي الاخر هو الوحيد اللي بيحل المشكله .. في الاخر بتتحل عن طريقه هو مش اي طريق تاني
لكن بعد كده بنبعد ...
ما خلاص بقا المشكله اتحلت مش محتاج اني اجري عليه بلهفه في اخر الليل واعيط ليه وادعيه يفك كربي أو يخلصني علي خير من اي ورطه أو ضغط انا اتحطيت فيه
ما خلاص بقا مش محتاج اخشع أو اركز في الصلاة أو اقرا قران أو لو بقرا ابقا عايز اقرا ضعف الورد العادي اللي بقراه
ما خلاص بقا مش محتاج اتصدق أو اصل رحمي أو ابر باهلي خلاص مشكلتي اتحلت
بس هل هيا اتحلت فعلا .. هل انت فاكر أن انت المفروض تقرب منه وقت الشدة وبس
هل انت طلعت بالمغزي المطلوب من وري ابتلائك ؟
مش مكسوف من نفسك وانت بتنقض كل عهد وضعته علي نفسك .. انا هعبدك صح من هنا ورايح .. والله يارب هعمل كذا ومش هفوت فرض في المسجد
مش مكسوف من نفسك وانت بتتعامل معاه بطريقة المصلحة دي اللي هو انا في ورطة فهجيلك غير كده مفيش !!
هو انت ليه مستني الابتلاء عشان تقرب منه ليه متقربش وانت سليم ومعافي .. ليه متقربش محبة ليه ؟
مش يمكن قربك ليه في وقت رخائك يفرق معاك وقت الشدة انت محتاج تقرب منه ديما عشان تحمده علي كل النعم اللي انعم عليك بيها
انت محتاج تفهم أن الابتلاء تذكرة بمكانتك وقدراتك كعبد عشان يفوقك ويرجعك للي خلقك واللي انت مأمور بعبادته
انت محتاجه في كل وقت ..
اعبد ربك محبة 💙
٢/٦/٢٠٢٠
أنت تقرأ
رقائق
No Ficciónمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي بل رأيته أضعه هنا فالشكر لقائلها/لقائلتها 💜
