رقائق

قصص ومقولات مؤثر دة في حياتك

” من أدامَ الحمد تتابعت عليه الخيرات، ومن أدامَ الإستغفار فُتحت له المغاليق “ ❤️

"من عقوبات المعصية أن يُسلب منك التوفيق، تسهر بلا فائدة تنام على إثم، تستيقظ بعد طلوع الشمس، وتُضيِّع صلاةَ الفجر، وبعد ذلك تستقبل يومًا كئيبًا مليئًا بالمشاكل، هي كالأغلال على العنق"

كان في بوست من فترة طويلة كانت كاتباه بنت بتحكي إن مامتها كانت قاعدة تعمل محشي وأذان العصر أذّن فقامت تصلي قبل ماتكمل المحشي، وماتت وهي بتصلي!
البنت لما بَصّت على حلّة المحشي بعدين اكتشفت إن مامتها كان باقيلها آخر سطر بس وتخلص الحلّة، وكانت متأثرة جدا بإعتبار إن آخر سطر في حلّة المحشي بتبقى الواحدة مننا عايزة تخلّصه وتخلص بقى من وجع الدماغ بتاع المحشي وتغسل إيدها كده وتفوق
البنت بروزت فكرة البوست في نهايته بطريقة تهزك، إن لو مامتها كانت قررت تخلص المحشي الأول وبعدين تصلي كانت ماتت وهي بتعمل محشي، فرق شاسع بين الموتة دي ودي، فرق شاسع لما تُبعث على ما ماتت عليه

البوست ده من ساعة ماقريته معلّم معايا جدا، فكرة لحظية القرار، بساطة الاختبار، عادية الموقف!
إنك ممكن تمر بمواقف زي دي كتير جدا وماتلفتش نظرك أصلا..
هخلص آخر حبة محشي وأقوم أصلي
هكمل آخر ورقة في الملزمة وأقوم أصلي
هبعت الإيميل ده بس وأقوم أصلي
هغير للبيبي وأقوم أصلي
هكمل كوباية الشاي دي وأقوم أصلي

من ساعتها وانا كل ما أسمع الأذان، أفتكر الموقف، واستوعب خطورة الاختبار، فأسيب اللي ف إيدي وأقوم أصلي..

ده الدرس الأول
تاني درس بستشعره من القصة دي
إن الأم الجميلة الطيبة الي ماتت موتة نتمناها كلنا دي، أثر فعلها البسيط امتد لِمَ بعد مشهد وفاتها، امتد لحد ما أثّر في حياة ناس عمرها لا شافتها ولا عرفتها، لكنها اتعلمت منها بعد وفاتها، سبحانه اللطيف الخبير، اللي جعل لحظة اختيارها وصِدق نيتها سبب في صدقة جارية أودعتها في نفوس كتير من بعدها
جايز نتعلم إنك لو ركزت مع كل موقف وأخلصت فيه نيتك لله بالشكل ده، ربنا هيجازيك فوق الأجر أجور كتير ماكانتش تخطر على بالك

ونرجع ونقول مَن عاش على شيءٍ - غالبًا- مات عليه، فعِش لله يجعل لك أسعد أيامك يوم تلقاه❤️

- هبة عبدالله أحمد
#حنفاء

" كثرة الإختلاط بالناس تُورثك الهمّ والغمّ ، وتُشتت عزم قلبك ، فخُذ منه علی قدر حاجتك "

- الشيخ الحويني

- ابن القيم.
"ولا تخف من شيء قبل أن يحدث، وابعد عن الخوف من الغيبيات حتى أن تحدث، فإنَّ البلاء إذا نزل على العبد وكان مؤلمًا للنفس ينزل معه اللُطف.. فإذا تصورت البلاء قبل أن يقع فقد استقبلت البلاء بدون لُطف.. إذا الإنسان يجب أن يتيقَّن  أنَّ له رب.. ربٌ قيوم.. ربٌ لا ينام.. فاطمئن بالله، وتوكَّل عليه، واستبشر، وتفاءل."

المجهود اللي بتبذله، مش ضمان لنجاحك ..
لكن ضمان لعدم لومك لنفسك، لو فشلت.

لسة كنت بتكلم مع بابا عن فكرة المنافسة بشكل عام، وازاي الإنسان بيخلق لنفسه منافسة متعبة للأعصاب بدون سبب وجيه ويبنى حياته على مقارنة بينه وبين شخص أو مجموعة، ويعيش على هدف إنه يتفوق عليهم، ويعاقب نفسه لو بقى أقل منهم في أبسط الحاجات! الفكرة مرهقة لوحدها.
ليه اتعب نفسي علشان اتفوق  على فلان، أو اكون أحسن من شخص ما في مجال معين؟ ليه يكون ليا منافسين من الأساس! الحياة أقصر من إني اقضيها بجري في سباق مش هيعود عليا غير بالقلق والحساسية تجاه الناس كده!
وبفضَل إني أكون راضية تمامًا عن اجتهادي، وإني اوصل مستقبلًا - بإذن المولى - للمكانة والمهنة اللي تستحق تعبي، حتى لو كانت المكانة دي - بنظرة المجتمع الضيقة - اقل من  شخص ما كان نفس دراستي أو نفس مجالي.
المهم أنا شايفة ايه وراضية ولا لا، وللأسف المجتمع بشكل عام بيفرض المنافسات بإفراط على الجميع.
وأخيرًا الإنسان بيتبسط اه لما يكون الأحسن في حاجة ولكن ماذا بعد؟ الأول ع العالم ع السبع قارات ماذا بعد؟