لازم متبقاش مخون ربنا
الجملة صادمة أنا عارف و كل اللي بيقراها بيتثبت
بس لو ركزت في المعنى هتلاقي ان معظم الناس بتعمل كده
مش واثق في شئ جايله علشان خبرة سابقة عاشها و تعرضلها
و دايماً بالبلدي كده بنقول "أيوه يعني فين الخازوق؟"
فلما يكون ربنا بيعوضك بشئ عن حاجات عشتها و كانت مؤذية أو متعبة في الماضي، يبقى تحسن الظن لأن ربنا مبيجبش حاجة وحشة
و ربنا بيقول "أنا عند ظن عبدي بي"
هتظن ظن حسن هتلاقي نتيجة حسنة
هتظن ظن سيئ هتلبس أحلى خازوق
زي ما الناس بتوع الطاقة بيقولوا انك بتجذب الطاقة السلبية او الايجابية
و زي ما أهالينا بيقولوا اللي يخاف من العفريت يطلعله
فلازم تبقى واثق في ربنا و تدابيره و في رحلتك اللي بتعشها
مش كل اللي حصلك هيتكرر
احنا مش جايين الدنيا نتعذب
خد هدايا ربنا و اتبسط و متصدعناش ❤️
أنت تقرأ
رقائق
Non-Fictionمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي بل رأيته أضعه هنا فالشكر لقائلها/لقائلتها 💜
