- من الحاجات اللي تبينلك عظمة الإسلام، وتبينلك إن فعلاً النبي صلى الله عليه وسلم بُعث لحفظ حقوق وكرامة الإنسان.. موضوع الحدود..
- لما تتمعن في المقارنه هتلاقي الإسلام فرق تفرقة جذرية بين الحدود اللي فيها حقوق للعباد، والحدود اللي فيها حق لربنا فقط..
- فـ تلاقي مثلاً شرب الخمر اللي من كبائر الذنوب وأعظمها.. حده أربعين جلدة، عشان فيه حق لربنا بس.. وعلى الجانب الآخر، لو واحد شتم واحدة في عرضها حدة تمانين جلدة، ويعتبر فاسق، وشهادتة ماتتقبلش..
- واحد يقول لواحدة يا كذا.. او يقول لواحد يا ابن كذا.. الإسلام يحكم عليه بضعف حد اللي يشرب خمرة!! اه.. عشان في حق لواحده اتشتمت، لكن اللي شرب الخمرة شربها لنفسه..
- من المعاني العظيمة برضو.. إنك تلاقي نفس الفعل له حدين مختلفين تماماً، لو حصل تعدي على حق إنسان تاني أثناء تأدية الفعل دا.. وبتزيد العقوبة مع زيادة التعدي..
- فـ مثلاً تلاقي اللي يسرق حده إن إيده تتقطع، عشان اتعدى على حق غيره.. طاب لو اتعدى أكتر وسرق بالإكراه؟ يبقى هنا الحد هيشتد ويتطبق عليه الحرابه، وحد الحرابه هو قطع الإيد والرجل من خلاف "يعني يقطع رجله اليمين وايده الشمال أو العكس" .. أو القتل.. أو القتل والصلب..
- انت متخيل إن انت لو نايم في بيتك وواحد سرقك من غير ما تحس، حكمة إن إيد واحده تتقطع.. ولو دخل بسلاح وسرقك حتى لو ماسببش ليك أي أذى جسدي.. حده ممكن يوصل للقتل والصلب! متخيل حق فزعتك وترويعك بالسلاح نقل الحد منين لفين!!
- مثال تاني لإخواتنا الفيمينست.. تعرفي إن حد الزنا 100 جلدة؟ عارفه ليه؟ عشان دي غلطة حصلت بالتراضي بين اتنين.. حق ربنا بس هو اللي أنتُهِك.. شوفتي ربنا رحيم ازاي؟
- عارفه بقى لو نفس الفعل دا اتعمل بالإكراه؟ هنا في حق للبنت.. فـ بيتطبق على الجاني حد الحرابه.. يعني حكمه في الإسلام بيبدأ من قطع ايده ورجله.. لحد انه يتقتل ويتصلب.. شوفتي الإسلام حفظلك حقك ازاي؟
- وبعد كل دا عشان التوبة تتقبل عند ربنا.. لازم المظالم تترد.. والمجني عليه ياخد حقه، ويسامح الجاني..
- فـ ماتخليش حد يضحك عليك ويقولك إن الإسلام بيضيع حقوق الناس.. عشان الإسلام عمل العكس تماماً..
أنت تقرأ
رقائق
Non-Fictionمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي بل رأيته أضعه هنا فالشكر لقائلها/لقائلتها 💜
