((دكتور فلان الفلاني... خد شهادة التنين المجنح في الطب الصاروخي و حاصل على وسام شرفنطح للشرق الأسوأ انت عملت ايه بقى في دنيتك!! ))
النوع ده من النعليقات بنلاقيه من الالتراس بتوع ( الظلاميين ) اللي بيقولوا عليهم تنوريين سواء كانوا دكاتره أو علماء فيزيا او احياء، و كان انجازهم العلمي خلاهم في درجه اعلى منك...
هو حقيقي ممكن يكونوا اعلى منك دنيوياً لكنهم ممكن جداً يكونوا اقل منك في الاخرة او حتى لا يدخلون معك في مقارنه لو كنت موحد بالله،
الخلط هنا عند البعض بيحصل لغياب معنى العبودية.... و ان اصلاً اصلاً اصلاً انت مجتش الدنيا عشان تعمرها و لا تخترع فيها و ان كل اللي فات ده مجرد وسائل عشان تنشر دين ربنا لكنهم مش غاية في حد ذاتهم..... يعني و الله المتقدم علمياً ما انجزش شئ اكتر من تقدمه الدنيوي و في الاخر خسرت اعمالهم... فمتجيش تحتج بعملهم الدنيوي لما اجي انتقدهم او انتقد ضلالهم و تقولي انت عملت ايه في دنيتك....
قال رسول الله صلى الله عليه و سلم (لن يدخل أحد منكم عمله الجنة قالوا: ولا أنت يا رسول الله؟ قال: ولا أنا إلا أن يتغمدني الله منه بفضل ورحمة)
تخيل النبي هنا بيتكلم عن العبادات الصالحة... انها لا تكفي اصلاً لدخول الجنة فأي مسكين ده اللي فاكر انه لما اخترع الموبايل هيدخل الجنة
الموبايل لو اخترعه عشان يكسب فخد اجره... و لو عشام البشرية فالبشرية تجازيه و لو عشان الانسانية فالانسانية تجازيه برضو
انما عشان العمل يكون لوجه الله... فلازم تكون اصلاً مؤمن بالله... مش تحاربه و بعدين تيجي تقول له فين حسناتي!!
اسمع كلام ربنا كده
((وَقَدِمْنَا إِلَىٰ مَا عَمِلُوا مِنْ عَمَلٍ فَجَعَلْنَاهُ هَبَاءً مَّنثُورًا))
الكلام ده عن المشركين اللي ممكن يكونوا عملوا اعمال اعمال دنيوية حلوة..... و مع ذلك يوم الحساب ربنا هيجعله زي شعاع الشمس لما تيجي تمسكه شكله حلو و منور لكنه غير ملموس!!!
وزي ما قلت قبل كده واحد بيزرع في جنينة جيراني و جاي يطلب من الاجر!! انا مالي
و لله المثل الاعلى اللي بيعمل للانسانية ياخد اجره من الانسانية و اللي بيعمل لوجه الله بالله لا يضيع اجر المحسنين
فكرة بقى حشر رحمة ربنا في جملة مفيدة مع الكفرة و المنافقين.. ففيها مغالطة منطقية فالله عادل حرم على نفسه الظلم
لا يجوز زي ما قال واحد الله يهديه ( اني اقول ان لو ربنا جه يوم القيامة غفر لابو لهب حد يقدر يتكلم) و كاني جاي اقول ربنا لو ظلم حد يقدر يزعل!!!
قال الله تعالى في حديثه القدسي ( ( يا عبادي إني حرمت الظلم على نفسي ، وجعلته بينكم محرما فلا تظالموا ، يا عبادي كلكم ضال إلا من هديته ، فاستهدوني أهدكم ))
يعني المغفرة لحد ربنا اقر في كتابه انه هالك في النار يعتبر ظلم و حاش لله ان يكون ظالماً و ده تعدي على صفات الله
فخلينا نفهم المغزى من الدين و العباده و متخليش. حد يضحك عليكم بشعارات الرحمة و المغفرة المبالغ فيها
ده اسمه ( ورع كاذب)
#نقطة
أنت تقرأ
رقائق
غير روائيمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي بل رأيته أضعه هنا فالشكر لقائلها/لقائلتها 💜
