متقولش كلمة وحشة علي نفسك قدام حد عشان هياخد عنك الفكرة دي /هيعاملك ع الأساس ده.
لو قلت" انا غبي" و جيت بعد كده تتكلم عادي هيقولك لا يسط انت غبي اسكت هتقوله متقولش كده عليا هيقولك ما أنت اللي قايل ع نفسك من الاول هو انا جبت من عندي لول
لو حسست اللي قدامك بقلة ثقتك بنفسك هيستقل بيك.
خلي مشاعرك الحقيقية لنفسك و لصحابك القريبين الباقي لا.
و بالتدريج كمان متسمحش انك تقول كلام وحش عن نفسك لنفسك عشان انت بتصدقه 🦋
="انا حاسس اني مقصر معاك "
"اه يسط انت فعلا مقصر و زعلان منك"
Vs
="حسيت اني عايز أهتم بيك اكتر و اعبر لك عن حبي"
"يسط تسلم انا كمان بحبك و الله هو ده العشم"
"أنا غبي مش بفهم "
Vs
"أنا مفهمتش الحتة دي كويس لسه محتاج وقت و مجهود زيادة و هعرف اللي بحاول اعرفه ده"
الصياغة بتاعة الكلام بتفرق اكتر مما تتصور، سلام .🦋
٧/١/٢٠٢١
أنت تقرأ
رقائق
Non-Fictionمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي بل رأيته أضعه هنا فالشكر لقائلها/لقائلتها 💜
