رقائق

ازاي تفضل فاكر المحاضرات

في study trick كده أنا بعملها من زمان أوي والحقيقة بتفرق معايا جدًا فحابة أشاركها معاكم لإني اكتشفت إنها رغم إنها بسيطة وبديهية بس في ناس مافكرتش فيها قبل كده

بعد ما تخلص أي محاضرة وخلاص فهمتها وقايم تنام، تعالى على نفسك ١٠ دقايق بس، وافتح الrecorder وسجل شرح المحاضرة سريعًا لنفسك، بأسلوبك إنت بطريقتك+ بتركيزك على النقط اللي عارف إنها ممكن تقع منك

غير إن ده يعتبر over view ممتاز للمحاضرة اللي لسه مذاكرها فهيثبتها معاك أكتر ويخليك تلمها كده في دماغك وترتبها

الأهم من كده بكتير إنك يُعتبر بتقدم لنفسك خدمة جامدة جدًا بعد كام شهر، لما تيجي قبل الفاينال وتكون ناسي أصلًا المحاضرة بتتكلم عن إيه، هتوفر على نفسك مجهود كبير إنك ترجع تذاكر وتفهم مع نفسك من أول وجديد وإحساس هو أنا كنت فاهم الكلام ده؟؟ الريكورد هيقدملك على طبق من دهب شرح وافي كافي يفكرك بالمحاضرة وشرحها وتريكّاتها وكل ما تشتهيه نفسك المزنوقة اللي مش وقته خالص ترجع تدوّر ع المعلومة وتفهمها من تاني
+حقيقي وعن تجاارب، مافيش حد هيفهمك ويساعدك ف مذاكرة قبل الإمتحان قد ريكورد انت اللي شارحه بنفسك، دكتور المادة نفسه مش هيعرف يساعدك ف الوقت ده قد ما انت هتكون مساعد نفسك *عن تجارب* 😂
++طبعا هي ممكن تاخد أقل من ١٠ دقايق لما تسرّعها بأي برنامج، ودي ميزة إضافية إنك هتعرف تفهم نفسك حتى لو مسرع على ×2 على فكرة :"D
وعلى فكرة أحيانا مابحتاجش أذاكر المحاضرة تاني بعد ما بسمع الريكورد وبدخل في اللي بعدها، فده بيوفر وقت لو انت عايز مراجعة سريعة ومافيش وقت للتدقيق وكده

وعايزة أقول حاجة كمان
لما رجعت سمعت الريكوردات القديمة بتاعة سنة ٢ مثلا وسمعت ريكوردات السنادي اكتشفت حاجة مهمة جدا!
أنا بقيت بعرف أشرح كويس أوي 😂
فعلا الطريقة دي بتحسن مهارات الشرح عند الشخص كتييير جدا، الفرق بين لجلجة كلامي زمان والتوهان اللي انا فيه وانا بحاول اوصل المعلومة وطريقة شرحي حاليا فرق رهيب حقيقي انا مش عارفة استوعبه
فغالبًا الطريقة دي بتنمي مَلَكة التدريس وبتفرق لو انت هتـgive a speech يوما ما سواء في presentation أو غيره

طريقة كلها مميزات وانبهارات الحقيقة هاتي بوسة

الطريقة دي فعلًا بتفرق جدًا جدًا معايا من ساعة ما بدأتها ممكن في تانية كلية تقريبًا، حبيت أشاركها معاكم ممكن تفرق مع حد لما يجربها 💜