متحكمش بالظاهر! 🤔
كلمة شكلها كويس، بس خلينا نفصلها
الحكم بالمظهر من ناحية الشكل اللون الجنس الملبس ،منهي عنه مصداقاً لقول رسول الله
" إنَّ الله لا ينظر إلى صوركم، ولا إلى أموالكم، ولكن ينظر إلى قلوبكم وأعمالكم"
بس متحيش تلبيس cut و تقولي ان الله لا ينظر الى صوركم الله يباركلك عشان الحديث بيتكلم عن فخامة اللبس من عدمه او خلقة ربنا فيكي من جمال او عدمه
بس ثانية واحدة دي اسمها مظاهر... مش الظاهر
امال ايه الظاهر ياعم أحمد... الظاهر هو الفعل يعني لما النبي صلى الله عليه وسلم قال ( إِذَا رَأَيْتُمُ الرَّجُلَ يَتَعَاهَدُ الْمَسْجِدَ فَاشْهَدُوا لَهُ بِالإِيمَانِ ، فَإِنَّ اللَّهَ تَعَالَى يَقُولُ : ( إِنَّمَا يَعْمُرُ مَسَاجِدَ اللهِ مَنْ آمَنَ بِاللَّهِ وَاليَوْمِ الآخِرِ وَأَقَامَ الصَّلاَةَ وَآتَى الزَّكَاةَ )
((لما تيجي تقول لي ياما دقون و مغتصبين اطفال و ياما ناس متسترة ورا الدين و هم زفت))
فانت كده غلطت غلطة عمرك..... ليه؟ لانك حكمت باللظن مش بالفعل الظاهر
فاكر لما سيدنا اسامة بن زيد قتل وحد من الاسرى بعد ما قال الشهادتين و لما سأله النبي فقاله مهو قالها عشان خايف من القتل!! رد قاله ايه؟
أفلا شققتَ عن قلبه حتى تعلم أقالها أم لا!!
اهو انت كده عملت نفس الموقف!!
طيب و لو الفعل كان قبيح؟ واحد كان بيشرب الخمرة ( فعل حرام) كل مرة كان بيتنفذ فيه الحد و يُجلد
و لما جه لمجلس النبي و نهروه و كانوا عايزين يطردوه.... النبي منعهم و قال ( انه يحب الله و رسوله)
هنا اهو برضو الحكم بالظاهر رغم انه من جوه كان كويس بس بيرتكب كبيرة في العلن، هل بقى قولنا يمكن يكون عند ربنا احسن منكم فمش هيتجلد؟
طيب امال راح فين احسان الظن؟ ....احسان الظن لما تيجي تشوف فعل يحتمل تفسيرين فاحسن الظن واخد بالك يحتمل معنيين مش تخترعله انت معنى كويس
.التماس الاعذار للاخ يعني الشخص القريب عشان المفروض انك عارف تربيته و اخلاقه فاحسن الظن برضو
انما كلمة ما تحكمش بالظاهر خطأ ❌. لان من جميع ما سبق الحكم بالظاهر فقط و ليس لك الدخول في النية لا بالكويس و لا الوحش
الخلاصة و القاعدة اللي بقالي فترة بحاول اوضحها
لا تسئ الظن في عمل ظاهره صالح
و تحسن الظن في عمل واضح وضح الشمس انه باطل
#بس_كده
احمد سالم
١٢/٦/٢٠٢٠
أنت تقرأ
رقائق
Saggisticaمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي بل رأيته أضعه هنا فالشكر لقائلها/لقائلتها 💜
