يا جماعة والله الموضوع سهل واحنا اللي بنصعبها على نفسنا على فكرة.
قيام الليل ممكن تبقى ركعة واحدة بس ركعة وتر .. فاتحة قل هو الله أحد تركع تسجد تشهد تسلم مبرووووك أنت كدة صليت قيام ليل.
الذكر بيتحسب من اول تسبيحة.
ورد القرآن ممكن تبدأ بآية.
الصيام مش لازم تصوم اتنين و خميس و ١٣ و ١٤ و ١٥ من الشهر العربي.
صوم يوم واحد في الشهر يوم واحد بس و قول ده سُنه عن النبي صلى الله عليه وسلم .. اختار اتنين أو خميس.
الموضوع أبسط ما يمكن والله بس احنا اللي بنعقدها على نفسنا والله يا كل حاجة يا مش واخد حاجة.
شوف النبي عليه الصلاة والسلام علمنا إن علاقتنا بربنا سبحانه وتعالى بهذه السهولة فقال
"أحب الاعمال الى الله ادومها و إن قل"
تداوم على حاجة قليلة احسن من حاجات كتيير تعملها مرة و متعملهاش تاني
ابدأوا يا جماعة .. ابدأوا والله سهلة.
أنت تقرأ
رقائق
Non-Fictionمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي بل رأيته أضعه هنا فالشكر لقائلها/لقائلتها 💜
