هو مين اللي قال إن (الطفلة) المُعتدَى عليها بتكون فاهمه ايه اللي بيحصل وعارفه وقابلة انتم هُبل ..
اذا كنت أنا معرفتش الفرق بين التحرش والاغت صاب غير من كام سنة وده مش حاجه كويسة خالص للأسف بس نظرا لان امهاتنا يتحلون بالحياء والكسوف عشان كده مبيتكلموش مع البنات في المواضيع دي ،بس خلاص معدش ينفع ٩٠٪من نجاة (بنتك)أو طفلك في انك تتكلمي معاهم وتفهميهم ايه اللي بيحصل وتخليهم يفرقوا بين اللمسة البريئة و المؤذية، ومين يلمسهم وانهي لمسة،ومين يحضنهم،ومين يبوسهم ومن انهي حته وايه الاماكن الممنوعه مناعا بااااتا حد يشوفها أو يلمسها ،ويغير هدومه قدام مين،ومين اللي يطمن لقعدته ومين اللي ميقعدش معاه ف مكان واحد ووو الخ..
ولو انتي مش عارفه تقولى ايه وتعملى ايه ما أسهل اليوتيوب وما ارخصه ادخلى ابحثي عن الموضوع واعرفي ووعى طفلك وعرفيه ازاى يدافع عن نفسه مادام كل يوم المجرمين دول بيزيدوا واحد لا بقا احنا نحمي نفسنا حتي لو وصلت لانك تسببله إعاقة عادي جدا لانك ع حق (قولى لابنك كده وقويه وعلميه ميخافش).
نجاة طفلك في لسانك ومعرفته منك وهم كلمتين مش هياخدوا منك وقت،ولو اخدوا يعني فداهم وفدى نفسيتهم وأنهم يبقوا اسوياء .
ومتقوليش مش فاضية والبيت والغسيل وووو لأن ابنك لو حصلت حاجه مش هيجي يلومك ع تقصيرك في الحاجات دي عارفة أنه تعبك متقدر بس في جانب تاني وهي (التربية والوعى)لازم تنجحي فيهم .
حاسه اني خلصت شوية وهحاول اجيب لينكات واحطها هنا تعرف كل ام ازاى تتوعى وتوعى طفلها ربنا يعين.
ربنا يحفظ كل بنت وكل طفل وطفلة ويعين اهاليهم علي رعايتهم وتربيتهم.
أنت تقرأ
رقائق
Non-Fictionمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي بل رأيته أضعه هنا فالشكر لقائلها/لقائلتها 💜
