عارف ايه احسن حاجة تعملها لما تصادف حاجات كتير مضايقاك؟..
"ماتشوفش الحاجات اللي مضايقاك"
بس خلاص .. البوست خلص هنا..
بس لو عايز أفكار مساعدة، ممكن تتأمل في الاحتمالات الآتية:
- احتمال انك تكون انت مش تمام.. مضغوط مثلا او مش في الفورمة 😊.. لما بنكون مضغوطين صبرنا وسعتنا بيبقوا أضيق، وبنبدأ ناخد بالنا اكتر من حاجات بتضايقنا وكمان نتضايق منها اكتر (بنأڤور يعني)
- - ما تروحش المكان اللي الحاجات دي فيه
- ما تفتحش الصفحة اللي الحاجات دي فيها
- - ما تسمعش عن الحاجات دي.. أو أحسن ما تقعدش أصلا مع اللي بيتكلموا فيه
- ما تقولش رأيك فيها، إلا لو بنية النهي عن منكر، وعندك مقومات النهي ده
- - صلي وإدعي.. العب رياضة.. اتعلم.. اشتغل.. اقرا في مجال بتحبه.. تواصل مع ناس بتحبهم.. يعني توكل على الله واعمل حاجة تانية
حيتبقى في الآخر شوية حاجات مش نافع معاهم أي وسيلة من دول.. أو مش عايز تعتزلهم لاعتبارات مهمة ليك..
كويس.. يبقى احتفل بحرية اختيارك في الابقاء على بعض المنغصات؛ تقبلهم عادي واعتبرهم تدريبات لزيادة النمو والتحمل والنضج 😊
فتكم بعافية
#بسيطة
#مرّوا_كراما
أنت تقرأ
رقائق
Non-Fictionمقولات، حكم، خواطر، نصائح، عادات، عبادات، علوم .. الخ كل شيئ اعجبني لم تكتبه يدي بل رأيته أضعه هنا فالشكر لقائلها/لقائلتها 💜
