رقائق

صباحكم ايجابي

صباح الفل النهاردة هكلمك عن خطوات بسيطة تقدر تحسن بيها موودك

1- اول حاجة علاقتك الروحية بربنا.. صلاتك و افعالك الكويسة سبب كبير في تحسين نفسيتك.... ارتباطك بقوة اكبر و اعلى منك ديماً هيديك أحساس بالأمان و الطمأنينة

2- أكلك : الاكل هو البنزين بتاع جسمك... هتحط فيه بنزين 80 ( اكل من الشارع و مش صحي)  هيقطع منك و هيكسفك في اي مطلع... هتحطله 90 ( اكل بيتي نضيف)  هيأدي معاك كويس ( هتحطله)  92-95 ( اكل صحي من غير محمر و لا مسبك)  هيأدي معاك آداء عربيات السباق... في الاخر مخك بيحتاج طاقة بيستخلصها من الأكل ده...  فمتستهونش بإيه بيدخل معدتك لانه هيأثر على مودك

3- اشرب مايه طول الوقت.... مفهولها سحري.   هتقلل كسلك و روحك المعنوية هتلاقيها مختلفة

4-؛ اتكلم عن مشاعرك ديماً خلي عندك الشخص اللي تقدر تكلمه عن مشاعرك سواء كويسة او وحشة طلعها و متكبتهاش هترتاح و صحتك النفسية هتكون أحسن
( في حالة انك introvert  يعني لا تميل للفضفضة بطبعك عليك بالفضفضة لرب العباد 👌)

5- العب رياضة : الرياضة هتخلي دورتك الدموية أحسن و بالتالي هتكون مركز أكتر و نشيط... كمان هتساعدك في تحسين نومك اللي هتكلم عن اهميته في النقطة الجاية

6-  النوم : انك تنام من 6 ل 8 ساعات... بالاضافة لانك تنام في وقت من 9 ل11 بليل و تصحى من الفجر او لحد الساعة 6 الصبح... هيضمنلك عملية تعافي وبناء كل الخلايا اللي اتدمرت و اتحرقت في جسمك من اليوم السابق و بالتالي هتأخر  علامات الكبر و الشيخوخة قدام مع تقدم سنك
الناس اللي شكلها اصغر من سنها بتنام كويس

7- تواصل مع الناس : ربنا خلقنا شعوب وقبائل مختلفة عشان نتعارف... متصدقش الكلام الفارغ بتاع ابعد عن الناس هتكون احسن... التواصل الدائم وجها لوجه بيحافظ عليك كأنسان سوي و بيقلل احتمال اصابتك بالاحباط او الاكتئاب

8- ديما اسأل عن المساعدة لو فيه حاجة وقفت قدامك... احساس المساندة من اهم الأحاسيس اللي بتحتاجها كإنسان صحيح  و دي ممكن تكون عن طريق صديق،  كوتش او  متخصص في الدعم النفسي

#صباحكم_إيجابي