ကော်ဖီခြံမှပြန်ရောက်သည်နှင့် ခဏသာနားလိုက်ပြီးလျှင် ဒီနေ့ရိုက်လာသောပုံတွေကို အသေးစိတ်ပြန်ကြည့်ရန်အတွက် laptop ထဲသို့ အကုန်လံုးကူးထည့်လိုက်သည်။ပြီးလျှင် တစ်ပုံချင်းစီသေချာကြည့်ေနရင်း အဆင်ပြေအကြိုက်တွေ့သောပုံလေးများကိုရွေးထုတ်ကာ file သတ်သတ်ခွဲသိမ်းထားလိုက်သည်။ထို့နောက် video တွေကိုပါ တစ်ခါတည်းကူးထည့်ပြီး ပြန်ကြည့်နေမိသောကြောင့် အတန်ကြာအောင် ဈာန်ဝင်နေမိပြီးမှ Bar.B.Q စားဖို့သတိရ၍ အချိန်ကိုကြည့်လိုက်လျှင် ခြောက်နာရီခွဲနေေလပြီ။သို့နှင့်ပင် ကမန်းကတန်းနှင့်ရေထချိုးကာ ခေါင်းပါလျှော်ပစ်လိုက်ရင်း တစ်နေကုန်နေပူထဲလျှောက်ထားရသည့် ခန္ဓာကိုယ်နှင့်မျက်နှာကို သေချာရေဓာတ်ဖြည့်ပြီးလျှင် သက်တောင့်သက်သာရှိသည့် အဝတ်အစားကိုသာဝတ်ဆင်၍ အကင်စားမည့်နေရာသို့ ထွက်ခဲ့လိုက်တော့သည်။
သူမ ရောက်သွားချိန်မှာ သီဟတို့က အကင်တွေတောင်ကင်ပြီးသွားပြီမို့ အဆင်သင့်တန်းစားရုံပင်။ထို့ကြောင့် ဝင့်ဝါကတော့ သူမကိုမြင်သည်နှင့် ချက်ချင်းပင် မျက်စောင်းထိုးကြည့်လာရင်း
"မြင်လား...၊လူလည်မကြီးလာပြီ...။သူများတွေကင်ပြီးပြီဆိုမှ အရန်သင့်လာစားတော့မှာ..."
"စားရမှာပဲလေ ဘာဖြစ်လဲ...။နင်က ငါ ဒီနေ့ပင်ပန်းထားတာတောင် အကင်ကင်ခိုင်းဖို့ စိတ်ကူးရှိသေးတာလား..."
"အမလေး...ကင်ခိုင်းဖို့စိတ်ကူးရှိရင်တောင် ဘယ်တုန်းကကင်ဖူးလို့လဲ...။တစ်သက်လုံးက အရန်သင့်စားလာပြီးတော့များ...၊အွန့် ဟ.."
ပါးစပ်ကသာပြောနေပေမဲ့ လက်ကတော့ သုံးထပ်သားကို ဆလတ်ရွက်နှင့်ထုပ်ကာ ခွံ့ကျွေးလာသည်။သူမက ပလုတ်ပလောင်းဝါးနေရင်းမှ
"ဘာလဲ Bar.B.Q က ကိုရီးယားစတိုင်ရောလား..."
"ဟုတ်တယ်လေ...၊သုံးထပ်သားတင်မဟုတ်ဘူး ဒီမှာကြည့်.."
"ဟွန်.....ဆိုဂျူတွေက ငါမှမသောက်နိုင်တာကို..."
"ဟင်းဟင်း ဆိုဂျူတင်မဟုတ်ပါဘူးကွယ်...။ဒီမှာ နင်သောက်တဲ့မက်ကောလီ...ဟိဟိ"
VOCÊ ESTÁ LENDO
You are the only Exception!
Romanceအချစ်ဆိုတာက သူ့အရွယ် သူ့အနေအထားအရ အာသာပြေရုံလောက်ပဲ မြည်းစမ်းကြည့်ချင်ရုံ သူမနဲ့ကျမှ... ရှိုင်းသူရိန်လင်း အိမ်မက်တွေ တစ်ပုံတစ်ပင်နဲ့ ပေါ့ပေါ့ပါးပါးသာ နေလာတဲ့ သူမက အချစ်ဆိုတာကို သူမဘဝအတွက် အရေးတယူ မစဉ်းစားဖြစ်ခဲ့ပေမယ့် မျက်နှာများတဲ့ဒီလူကို မချစ်မိသေ...
