Your Dream ကိုပြန်ရောက်လျှင် ကားရပ်လိုက်သည်နှင့် သူလာချီမှာစိုးကာ သူမက ကပျာကယာဆင်းရန်ပြင်လိုက်သော်လည်း ခြေထောက်ကမထောက်နိုင်။ထို့ကြောင့် သူက အမြန်သွားပြီး ပွေ့ချီရန်ပြင်လိုက်သော်လည်း သူမ၏လက်တွေက ဇွတ်အတင်းတွန်းထုတ်လာရင်း အလန့်တကြားပြောလာသည်။
"ကျွန်မဘာသာ လျှောက်နိုင်အောင်လျှောက္မယ် ဘာမှမဖြစ်ဘူး...။ဒီမှာကျွန်မကိုထိဖို့စိတ်မကူးနဲ့..။ဝန်ထမ်းတွေရော သီဟတို့ေရာရှိတယ် ဖယ်..."
"ခြေထောက်ကဒီလောက်နာနေတာ ဘယ်သူ့ကိုဂရုစိုက်ေနရဦးမှာလဲ... "
ပြောပြီးသည်နှင့် သူမကိုပွေ့ချီပြီး ကားထဲမှထုတ်လိုက်လျှင် ရုတ်တရက်လေပေါ်မြောက်သွားရသည်မို့ လန့်သွားရသောသူမက ပြုတ်မကျစေရန်အတွက် သူ့လည်ပင်းအား အမြန်သိုင်းဖက္မိသွားသည်။ထိုအခါ သူက သဘောကျသလို တစ်ချက်ရယ်လိုက်သောကြောင့် ဒေါသထွက်သွားရသောသူမက သူ့ပုခုံးကို လက်နှင့်ထုလိုက်ရင်း
"ရှင် ဘယ်လိုဖြစ်နေတာလဲ...။ဝန်ထမ်းတွေရှေ့မှာ ကျွန်မကိုအရှက်ခွဲချင်နေတာလား...။အခုချက်ချင်းလွှတ်နော်..."
"ခြေထောက်နာလို့ပွေ့ချီလာတာကို ဘယ်သူက ဘာပြောမှာလဲ...။ပွေ့မချီဘဲနဲ့ သူတို့စီးအိုကို ဒီအတိုင်းလမ်းလျှောက်လာခိုင်းမှသာ ကိုယ့်ကိုပြောကြမှာ...။ငြိမ်ငြိမ်နေ..မင်း ဒီလိုရုန်းနေမှ ပိုထူးဆန်းနေလိမ့်မယ်..."
သို့နှင့် သူ့စကားကြောင့်ရော ရှေ့မှာ သီဟတို့လင်မယားနှင့် ဝန်ထမ်းတွေကိုမြင်လိုက်ရသည့်အတွက်ကြောင့်ရော သူမက ဘာမှပြန်မပြောနိုင်ဘဲ ငြိမ်သွားရသည်။
"ဘယ်လိုဖြစ်တာလဲ..."
တွေ့တွေ့ချင်း သီဟက ချက်ချင်းမေးကာ ဝင့်ဝါကတော့ သူမအနားသို့ပြေးလာသည်။
"ချော်လဲပြီးတော့ ခြေကျင်းဝတ်လည်သွားတာ...။ဆေးတော့လိမ်းထားပြီးပြီ...။ဒါပေမဲ့ ဆေးခန်းတော့ ထပ်ပြဦးမှဖြစ်မယ်...။ေခြကျင်းဝတ်လည်သွားတာဆိုေတာ့ မနက်ကျရင် ပြန်ရောင်လာမှာစိုးလို့.."
ထိုသို့သော တည်တည်ကြည်ကြည်ပြောစကားေတွကို ဘာမှမသိသောသီဟကတော့ လေးလေးစားစားခေါင်းညိတ်ပြရင်းမှ သူမအား ကြည့်လာသည်။
ESTÁS LEYENDO
You are the only Exception!
Romanceအချစ်ဆိုတာက သူ့အရွယ် သူ့အနေအထားအရ အာသာပြေရုံလောက်ပဲ မြည်းစမ်းကြည့်ချင်ရုံ သူမနဲ့ကျမှ... ရှိုင်းသူရိန်လင်း အိမ်မက်တွေ တစ်ပုံတစ်ပင်နဲ့ ပေါ့ပေါ့ပါးပါးသာ နေလာတဲ့ သူမက အချစ်ဆိုတာကို သူမဘဝအတွက် အရေးတယူ မစဉ်းစားဖြစ်ခဲ့ပေမယ့် မျက်နှာများတဲ့ဒီလူကို မချစ်မိသေ...
