You are the only Exception!

သူ့ရဲ့အသက်ကလေး

မန္တလေးကိုခြေချမိချိန်မှာ သူအရင်ဆုံးသွားတွေ့သည်က ကိုဇော့်ကိုပင်ဖြစ်သည်။ရောက်ရောက်ချင်း သူ့ဆီရောက်လာ၍ ကိုဇော်က အံ့ဩသလိုရှိနေပေမဲ့ အရေးကြီးကိစ္စတစ်ခုမှန်းသိနေသောကြောင့် သူ ph ဆက်လိုက်သည်နှင့် မအားအားအောင်အချိန်‌ေပးကာ သူနှင့်တွေ့ပေး‌ေလသည်။

"ပြောပါ သူရိန်...။ကျွန်တော့ကို ရောက်ရောက်ချင်းလာတွေ့တာဆိုတော့ ကိစ္စက တော်တော်အရေးကြီးမယ်ထင်တယ်..."

သူက အလေးအနက်ထားရမည့်ကိစ္စမှန်းသိသာအောင် တည်ကြည်စွာဖြင့် ခေါင်းညိတ်ပြ၍

"ကျွန်တော့ရဲ့မင်္ဂလာပွဲအတွက်ပါ...။ဒီပွဲဖြစ်ဖို့အတွက်က ကိုဇော်ကူညီမှရမှာဆိုတော့ အကူအညီတောင်းစရာလေးတွေလဲရှိလို့ပါ..."

ထိုအခါ သူ့စကားကြောင့် ကိုဇော်က အကြီးအကျယ်အံ့ဩသွားရသောပုံစံနှင့် သူ့ကို ဝမ်းသာအားရပြန်ကြည့်လာရင်း

"သူရိန်မိန်းမယူတော့မှာလား.....၊ဟား..Congratulations ပါဗျာ...။ပြောပါဦး...ဒီက God of love ရဲ့ကောင်မလေးကဘယ်သူလဲ...၊စလုံးကပဲလား...။ပြောပါ ကျွန်တော်ကူညီနိုင်တာ အကုန်ကူညီပေးမယ်..."

သူက နှုတ်ခမ်းထောင့်စွန်းလေးတွေကို အပေါ်တက်ရုံသာ ပြုံးလိုက်ရင်းမှ

"ကျွန်တော်လက်ထပ်မှာ ရွှေခေတ်နဲ့ပါ..."

"ဗျာ..ရွှေခေတ်။ဟို ကျွန်တော်တို့ရဲ့ချာတိတ် Your Dream က ရွှေခေတ်လား..."

"ဟုတ်ပါတယ်..."

ထိုကဲ့သို့ အပြုံးတစ်ချက်နှင့် ခေါင်းညိတ်ပြီးဖြေလိုက်လျှင် ကို​​​ဇော်က နားထောင်နေရင်း မျက်စိလည်သွားပုံပေါ်သည်။

"နေပါဦး...။အဲ့ဒါဆို Your Dream မှာတည်းရင်း ရွှေခေတ်နဲ့ ချစ်သူတွေဖြစ်သွားကြတာလား အဲ့လိုလား..."

သူက ခေါင်းခါလိုက်ရင်းမှ အကုန်ပြောပြရန်ပြင်လိုက်တော့သည်။

"မဟုတ်ဘူး ကိုဇော်...၊ချစ်သူဖြစ်ဖို့နေနေသာသာ သူက ကျွန်တော့ကို လောလောဆယ် ကြည်တောင်မကြည်ဖြူဘူး...။ကျွန်တော့ဘက်ကပဲ တစ်ဖက်သတ်ဖြစ်နေတာ...။အခု ကျွန်တော်ပြောမဲ့အကြောင်းအရာတွေက ကို​​ဇော့်ကို တကယ်ယုံကြည်လို့ပြောတာဆိုတော့ ဖြစ်နိုင်ရင် ဘယ်သူ့ဆီကိုမှ ပေါက်ကြားလို့မရဘူး..."