កាយតូចអង្គុយដោយក្ដីខ្សឹកខ្សួលកង្វល់ក្នុងចិត្តពុំបាត់ ដៃម្ខាងស្ទាបលេីបន្តោងត្បូងបៃតងដែលតភ្ជាប់ជាមួយខ្សែរ ក ពេជ្រស្ដេីងសាកសមជាខ្លាំងសម្រាប់ខ្លួន។ ហេតុអ្វីបែរជាត្រូវមកស្រងូតស្រងាត់ហាក់មិនពេញចិត្តជាមួយរបស់មានតម្លៃដែល ជុងហ្គុក បានប្រគល់ឲ្យដូច្នឹង? បានហេីយ! គីមថេហ្យុង ឯងផ្ដេសផ្ដាសណាស់.. បេី ជុងហ្គុក គេដឹងថាឯងមិនចូលចិត្តរឿងច្រើនបែបនេះអារម្មណ៍គេនឹងទៅជាយ៉ាងណា?
" ដុកទ័រចន នៅឬអត់? " ចេសុី ដេីរចូលមកបញ្ញែឬកបង្អួតបង្អរគិតថាគេនឹងសរសេីរចំពោះកាយវិការបែបនេះឬ?
" នាងមករកគេមានការអ្វី? " ថេហ្យុង សម្លឹងចំចិញ្ចៀនពេជ្របាញ់តម្រង់មកកែវភ្នែកចាំងពន្លឺព្រាកៗសឹងតែខ្វាក់សរសៃចក្ខុរហ័សងាកមុខចេញភ្លាម។ នាងក្រមុំរូបស្រស់ឈរញញឹមញញែមយកម្រាមដៃដែលបំពាក់លេីកឡេីងច្រត់លេីផ្ទៃមុខទាំងដៃទំនេរម្ខាងទៀតឱបព័ទ្ធនឹងពោះ។
" គឺចិញ្ចៀនរៀងចង្អៀត.. ក៏ មិនអីទេ! ចាំគេទំនេរខ្ញុំនិយាយជាមួយគេដោយខ្លួនឯង " នាងក្រមុំស្រដីរួចបែរជំហានហៀបនឹងចាកចេញតែ ថេហ្យុង ក្រោកមកប្រឈមមុខលឿនទាំងមន្ទិលសង្ស័យលេីនាង។
" នាងនិយាយពីអីមុននេះ? ចិញ្ចៀនអ្វី? " ថេហ្យុង ក្ដាប់ដៃនាងណែនទាំងប្រញឹកទាមទារនូវចម្លើយឲ្យឆាប់រហ័ស។
" ស្អីលោកហ្នឹង? គួរឲ្យធុញទ្រាន់! " ចេសុី រលាស់ដៃចាញ់ពីការកណ្ដាប់ពីអ្នកម្ខាងទៀត។
" នាងចង់បានអ្វី? ចូលមករក ជុងហ្គុក ហេីយថែមទាំងលេីកនិយាយពីចិញ្ចៀន! ចិញ្ចៀនលេីដៃនាងនោះមែនទេ? ហេីយពាក់ព័ន្ធអ្វីជាមួយនឹង ជុងហ្គុក? " ថេហ្យុង ចាប់ផ្ដេីមមិនប្រក្រតីដៃគេញ័រតតាត់ក្នុងទ្រូងញាប់ញ័រសឹងតែស្ទះម្ដងៗ
" ខ្ញុំប្រាប់ហេីយថាចាំនិយាយជាមួយ ជុងហ្គុក! លោកថ្លង់ទេឬ យ៉ាងម៉េច? " នាងក្ដៅក្រហាយទាំងខ្លួនជាអ្នកកាន់នាំភ្លេីងមកទីនេះបញ្ឆេះដុតរោលមនុស្សខាងមុខ។
" ជុងហ្គុក ទិញចិញ្ចៀនឲ្យនាងមែនទេ? " ថេហ្យុង ដាច់ចិត្តសួរនូវសំណួរដែលតែងកង្វល់សួរខ្លួនឯងជារឿយៗ។
" គីម ថេហ្យុង ឥឡូវឆ្លាតណាស់តេី ហាហា " ចេសុី និយាយទាំងស្នាមញញឹមសម្លេងសេីចដ៏គួរឲ្យស្អប់មុនបោះជំហានទៅផ្លូវដែលចាកចេញបាត់បន្សល់នៅកាយតូចទន់ខ្សោយសឹងតែទច់ជង្គង់ដួលមួយកន្លែងសន្សឹមចូលដាក់អង្គុយនឹងកៅអីមុន។
" ម្ដេចបានក្លាយជាបែបនេះ? " ថេហ្យុង ដាក់សំណួរទៅខ្លួនឯងទាំងមិនយល់នូវអ្វីដែលកំពុងកេីតឡេីងមកកាន់រូបគេ។
ВЫ ЧИТАЕТЕ
វិលត្រឡប់ព្យាបាលបេះដូង
Любовные романыការវិលត្រឡប់សារជាថ្មី ជួបគូស្នេហ៍ចាស់ដែលបានបែកបាក់អស់រយៈពេលជាច្រេីនឆ្នាំ។ ស្រលាញ់គេតែម្ខាងវាមិនមែនជាកំហុស កាលដែលគេប្រងេីយជាមួយក្ដីស្រលាញ់ធំធេងរបស់ខ្លួន នោះទេីបជារឿងដ៏គួរឲ្យខូចចិត្តបំផុត។ ប្រលោមលោកមនុស្សធំ និព...
