ព្រឹកព្រាងវេលាដែលព្រះអាទិត្យមិនទាន់រះត្រដែតឡេីងខ្ពស់នាំឲ្យមនុស្សតូចចេញពីខាងក្នុងតង់ធ្វេីលំហាត់ប្រាណតែម្នាក់ឯងដោយឡែក ជុងហ្គុក គេស្នាក់នៅទិសខាងត្បូងដេីរដប់នាទីទេីបទៅដល់ទីនោះ។
" ហ្ហឹម! ស្រួលខ្លួន... " ថេហ្យុង ពត់ខ្លួនទៅមកសម្រួលដល់សរសៃឈាមឲ្យរត់បានស្រួលក្នុងចិត្តចាប់ផ្ដេីមផុសនូវគំនិតមួយឡេីងមកភ្លាមពីល្ងាចមិញកាលដែលសុំ ជុងហ្គុក រៀបការទាំងដែលគ្មានចម្លេីយតបតនៅឡេីយ។
" ជុង.. ពួកយេីងរៀបការជាមួយគ្នាទៅ " គ្រាន់បញ្ចប់ប្រយោគជាមួយសាច់ដុំខាងក្នុងទ្រូងដូចដាល់មួុយដៃឲ្យខ្ទ័រភ័យទទ័រកន្ត្រាក់ញាប់ៗរង់ចាំនូវចម្លេីយចេញពីបបូរមាត់របស់មនុស្សខាងមុខដែលគិតតែពីសម្លឹងមុខរបស់ខ្លួនឥតរង្វេីល។ ចុងក្រោយ ថេហ្យុង ទទួលបានត្រឹមស្នាមថេីបត្រង់ភ្នែកដែលគេបានផ្ដល់ឲ្យទាំងស្ងៀមស្ងាត់ប៉ុណ្ណោះ។
ខ្ញុំដូចជាញាប់ញ័រជាមួយរឿងរៀបការលឿនពេកទេដឹង? តែពួកយេីងអាយុក៏ច្រើនណាស់ហេីយ.. មិនមែនទេ! សារភាពតាមត្រង់ចុះការរៀបការមិនបានកត់សម្គាល់ជាមួយអាយុ តែដោយសារចិត្តដែលមានលេីសលប់ទៅកាន់គ្នាទាមទារសិទ្ធិជាធំក្នុងឆាកជីវិតរបស់បុរសដែលយេីងស្រលាញ់.. កាលដែលមានអារម្មណ៍ថាហួងហែង ប្រចណ្ឌ ស្រលាញ់ខ្លាំងយូរទៅក៏មានអារម្មណ៍ថាខ្លាចបាត់បង់ កាន់តែធ្វេីឲ្យយេីងចង់បាននូវដំណែងខ្ពស់ក្នុងចិត្តរបស់គេដូចគ្នា ការសុំរៀបការផ្សារភ្ជាប់សំបុត្រអាពាហ៍ពិពាហ៍ចំណងដៃគូរួមនឹងអេតាសុីវិលជាសំខាន់.. បានហេីយ ថេហ្យុង ឯងឈប់ស្រម៉ៃខ្ពស់ទៀតទៅ។
កំពុងតែភ្លឹកគិតជាមួយនឹងបញ្ហាក្នុងចិត្តស្រាប់តែមានមនុស្សមកកាត់ផ្ដាច់ចង្វាក់ភ្លាម ឲ្យម្ចាស់កាយចំលៀវក្រឡេកភ្នែកទៅកាន់បុរសបីនាក់ដែលជាទាហាននៅទីនេះសាច់ដុំហាប់មាំដូចគេញាត់មានអីពួកគេក៏រួសរាយគួរឲ្យចង់រាប់អានជាមួយដូចគ្នា។
ŞİMDİ OKUDUĞUN
វិលត្រឡប់ព្យាបាលបេះដូង
Romantizmការវិលត្រឡប់សារជាថ្មី ជួបគូស្នេហ៍ចាស់ដែលបានបែកបាក់អស់រយៈពេលជាច្រេីនឆ្នាំ។ ស្រលាញ់គេតែម្ខាងវាមិនមែនជាកំហុស កាលដែលគេប្រងេីយជាមួយក្ដីស្រលាញ់ធំធេងរបស់ខ្លួន នោះទេីបជារឿងដ៏គួរឲ្យខូចចិត្តបំផុត។ ប្រលោមលោកមនុស្សធំ និព...
