ចិញ្ចេីមស្អាតបង្រួបបង្រួមចូលគ្នាបង្ករឲ្យផ្ទៃមុខក្រញឹមហាក់មិនសប្បាយចិត្តកាលមានសម្លេងដាស់រំខានស្លឹកត្រចៀកពេលកំពុងរលីវលក់ចូលក្នុងសុបិន្តស្រស់ស្អាតរបស់ខ្លួនម្ដងទៀត។ ជុងហ្គុក អស់សំណេីចលេីកដៃទាញចិញ្ចេីមដែលខឹងឲ្យមកសភាពដេីមវិញមុនយកដៃទ្រចង្ការខ្លួនដែលដាក់កាយគេងផ្កាប់មុខក្បែរមនុស្សតូចសម្លឹងផ្ចង់យកភាពស្រស់ស្អាតមកបំពេញទុកក្នុងកែវភ្នែកបន្ត។
" ហ្ហឹម... " ថេហ្យុង ប្រាស់ខ្លួនបែរចេញពីនាយធំដែលសម្លឹងមិនដាក់ភ្នែកមុននេះត្រូវកាត់ផ្ដាច់យកភាពស្រស់ស្អាតដែលបញ្ជូនបង្ហូរចូលខួរក្បាលអម្បាញ់មិញនេះអស់។
" ថេយ៍? ថេយ៍? " ជុងហ្គុក ល៎ស្រដាស់ហៅរសេវតិចៗក្បែរត្រចៀកយ៉ាងណាកាយកម្ជិលល្មោភគេងរបស់គេមិនរហេីបដែរ ទេីបលូកដៃចូលក្រោមពោះ ថេហ្យុង ទាញបង្វែរគេយកមកឱបក្នុងទ្រូងម្ដងទៀត កាលមានមនុស្សទាញឱបបែបនេះនាយតូចក៏លេីកដៃស្របព័ទ្ធចង្កេះបាវខ្សាច់ជាប់ជ្រៀតជ្រែកចូលទ្រូងក្រអូបក្លិនសំណព្វចិត្តរបស់ខ្លួនបន្ថែម។
ពេញមួយរាត្រីពោរពេញទៅដោយភាពកក់ក្តៅទៅកាន់គ្នារហូតដល់ស្អែកថ្ងៃថ្មីឈានចូលមកដល់ម្ដងទៀតហេីយ សឹងតែមិនអាចត្រៀមចិត្តបានដែលត្រូវប្រលែងកាយដែលធ្វេីឲ្យខ្លួនគេងលង់លក់ស្រួលពីយប់ឲ្យក្រោកដេីម្បីធ្វេីភារកិច្ចរាងខ្លួនបន្ត។
" ជុងហ្គុក..? " ថេហ្យុង មិងមាំងញីភ្នែកដែលមិនទាន់ស្វាងងងុយបន្ទរហៅឈ្មោះមនុស្សជាទីស្រលាញ់មុនគេបង្អស់នារវេលារះព្រឹកប្រលឹមបែបនេះឲ្យងាកមករកពេលកំពុងផ្លាស់ឈុតថ្មី។
" ហ្ហឹម? " ជុងហ្គុក គ្រហឹមតបកាយស្ដេីងដែលក្រោកឈរជំហានដេីរបោះមកចំពោះមុខមនុស្សស្អាតញញឹមមុនស្រដីឡេីង៖
" យប់មិញអូនយល់សប្តិ.. ហ្ហឹម គឺយល់សប្ដិល្អណាស់ ហិហិ " ថេហ្យុង ក្រអឹមក្រអៀមឲ្យនិយាយយ៉ាងម៉េចបេីប្រាប់ថា ជុងហ្គុក សុំរៀបការក្នុងយល់សុបិន្តពីយប់មកនោះវាដូចជាបង្ខិតបង្ខំឲ្យគេធ្វេីនូវអ្វីដែលគ្រាន់ជាការប៉ងស្រម៉ៃតែឯងពេកតែបេីរឿងនេះក្លាយជាការពិតក្នុងថ្ងៃណាមួយ.. ខ្ញុំច្បាស់ជាគិតថាខ្លួនជាមនុស្សដែលសំណាងបំផុតក្នុងលោកនេះ! ឈប់សិន.. សុបិន្តពីយប់ហាក់ដូចជាការពិតពេកហេីយទេីបធ្វេីឲ្យស្នាមញញឹមលេីផ្ទៃមុខមិនអាចរលត់ទៅងាយ ពេលឮច្បាស់ពេញត្រចៀកតែម្ដងប្រហែលមកពីខ្ញុំគិតពីរឿងនេះច្រេីនពេកក៏មិនដឹង។
KAMU SEDANG MEMBACA
វិលត្រឡប់ព្យាបាលបេះដូង
Romansaការវិលត្រឡប់សារជាថ្មី ជួបគូស្នេហ៍ចាស់ដែលបានបែកបាក់អស់រយៈពេលជាច្រេីនឆ្នាំ។ ស្រលាញ់គេតែម្ខាងវាមិនមែនជាកំហុស កាលដែលគេប្រងេីយជាមួយក្ដីស្រលាញ់ធំធេងរបស់ខ្លួន នោះទេីបជារឿងដ៏គួរឲ្យខូចចិត្តបំផុត។ ប្រលោមលោកមនុស្សធំ និព...
