خدنا الاجازة خلاص والمفروض افرح وكده بس انا اكتر حاجه بكرها ف حياتي هي الاجازة طبعا عشان أحلام وعمايلها فيا .. ومفيش حد اشتكيله غير ربنا وكفي .. الحمد لله ربنا صبرني عليها هي الاجازة اسبوعين بس والترم التاني بدأ طبعاً انا جري روحت ع السكن اول ما الدراسة بدأت مش مهم هبدأ محاضرات ولا لاء المهم أمشي وخلاص.. السكن كان مريح نفسياً وافضل حاجه فيه طبعاً هي المسجد ال ف وش السكن ع طول . صوت الامام اللي فيه هادي وجميل جدا ...
الأوضة بتاعتي كنت فيها أنا وهدير و منه . منه صاحبتي الجديدة من السكن هي لسه سنة أولي آداب عربي . اتعرفت عليها حسيتها شبهي أوي عكس هدير . عدي أول شهر لينا ف السكن وكل حاجه بقت حلوة ف حياتي بوجود منه معايا . أخيراً لقيت حد بيصلي معايا ونقرأ ورد يومي مع بعض من القرآن ونشجع بعض ع طاعة ربنا. كنت مفتقدة الجو ده اوي من بعد وفاة ماما الله يرحمها . من بعدها مش بصلي جماعة ومحدش بيقرأ معايا قرآن ولا بنتبادل المعلومات الدينية . راحت ماما وراحت معاها كل حاجه حلوة .. بس بدأت احس الاحساس الجميل ده تاني من بعد م اتعرفت ع منه . صحيح شهر واحد قعدنا مع بعض بس بقت أقرب صاحبة لقلبي .. هدير بدأت تغير منها وحسيتنا بدأت تكرهني او تضايق مني معرفش بالظبط . بس هي اللي مش بتسمعني ياما نصحتها تقرب من ربنا وتصلي وتغير من لبسها عشان هي لبسها كلو بناطيل جينز وميكب اب وبرفان وحاجات من دي وبتكلم شباب وكده . ياما قولتلها عشان خايفة عليها والله من عذاب ربنا بس دايما كانت بتزعقلي وبتقولي انتي هتعملي فيها شيخة عليا ملكيش دعوة . وفعلاً لما حسيت انها مش متقبلة نصيحتي بعدت تماماً ومش بكلمها ف الموضوع ده أبداً وبدعيلها ربنا يهديها ويهديني ...
بعد مرور شهر ...
أشرقت : ايه دا مين الشيخ ده اللي بيقرأ فين الشيخ اللي صوته هادي هو ده بيزعق كده ليه وبيبكي كده ليه وهو بيقرأ !!
منه بسعادة :الله هو الشيخ ده رجع تاني دنا كنت فاكراه مش جاي أخيراً ..
أشرقت : هو ايه اللي أخيرا محسساني صوته حلو يبنتي مش سامعة بيزعق ازاي . ده صوته مخيف وهو بيقرأ اقفلي الشباك ده خلي صوته يوطي شوية انا مش قادرة اسمعه .
كان الشيخ بيقرأ من سورة ق الآيات سكرات الموت ... وانا بخاف اوي من الآيات دي واللي زود خوفي بكاءه فيها ...
وَجَآءَتۡ سَكۡرَةُ ٱلۡمَوۡتِ بِٱلۡحَقِّۖ ذَٰلِكَ مَا كُنتَ مِنۡهُ تَحِيدُ ٩١ وَنُفِخَ فِي ٱلصُّورِۚ ذَٰلِكَ يَوۡمُ ٱلۡوَعِيدِ ٠٢ وَجَآءَتۡ كُلُّ نَفۡسٖ مَّعَهَا سَآئِقٞ وَشَهِيدٞ ١٢ لَّقَدۡ كُنتَ فِي غَفۡلَةٖ مِّنۡ هَٰذَا فَكَشَفۡنَا عَنكَ غِطَآءَكَ فَبَصَرُكَ ٱلۡيَوۡمَ حَدِيدٞ ٢٢ وَقَالَ قَرِينُهُۥ هَٰذَا مَا لَدَيَّ عَتِيدٌ ٣٢ أَلۡقِيَا فِي جَهَنَّمَ كُلَّ كَفَّارٍ عَنِيدٖ ٤٢ مَّنَّاعٖ لِّلۡخَيۡرِ مُعۡتَدٖ مُّرِيبٍ ٥٢ ٱلَّذِي جَعَلَ مَعَ ٱللَّهِ إِلَٰهًا ءَاخَرَ فَأَلۡقِيَاهُ فِي ٱلۡعَذَابِ ٱلشَّدِيدِ..
منه: غريبة ي أشرقت انتي اول واحدة ف السكن ده ميعجبهاش صوته ده كل البنات هيتجننوا عليه وع صوته ..
أشرقت : دول سمعهم بايظ يبنتي فيه ايه صوته ده عشان يتحب . صوته مخيف أوي خلاص بقي كفاية كلام عنه وكفاية الحسنات اللي خدها مني .. اوووف ياربي آسفة والله يارب مش قصدي اغتابه . اللهم اغفرلي واغفر لمن اغتبته . قومي بقي ي منه اتوضي عشان نصلي العشا جماعة بعد صوت الشيخ ده حاسه هموت دلوقتي من غير ما أصلي ..
منه : والله بجد آيات سكرات الموت وهو بيقرأها بخشوع كده مخيفة بس جميلة ...
أشرقت : جميلة اي بس يشيخة سلكي ودانك شوية . يووووه قومي ي منه بقي كفااية ذنوب .
منه: خلاص اهو هقوم ي ست أشرقت لما أشوفك هتصلي بينا بسورة اي .
أشرقت : استني دنا هبهرك جامد أوي متخافيش مش هقرأ سورة ق ..
منه: ههههههههه يبنتي هو انتي تعرفي تقرأيها زي الشيخ ده اللي مش عارفه اسمه ليا سنة ونص بسمعه اهو .
أشرقت : يبنتي قومي بقي اتوضي كفاية رغي . وانتي ي هدير مش ناوية تسيبي الفون ده وتقومي تصلي معانا جماعة اللي بيصلي العشا جماعة فكأنما أقام نصف الليل . هدير : لاء صلوا انتو انا مش بعرف اصلي جماعة شوية كده هقوم اصلي .
أشرقت : طيب براحتك ..
