كانت أشرقت في حالة يُرثي لها .. وكأن الدنيا تزيد من همومها وتضعها دائماً في مواقف صعب التأقلم عليها .. كانت تنجو من يومها بأعجوبة . تذهب في الصباح إلي المدرسة وعندما ترجع إلي البيت تبدأ ف وصلة الحصص الخصوصية وتنتهي في آخر اليوم وتقرأ وِردها من القرءان تارةً وتحفظ تارةً أخري فأخيراً تحقق حلمها ووجدت مُعلمة قرءان وبدأت معها في الحفظ وها هي في طريقها الذي طالما أرادت أن تسلكه . كانت حلقة القرءان المكان الوحيد ع الأرض القادر ع نسيانها كل همومها . كانت تتمني أن يهدأ قلبها وتنام بعد كم التعب والضغط اليومي لكن هيهات ... ما عرفت عينيها النوم قط .. كان كل جسدها به ألم من كثرة الضغوطات وقلة النوم . لكن تعب روحها كان أقوي بكثير .. كانت تستعين بالله ع الدنيا ومتاعبها ..
* في حلقة القرءان *
المُعلمة إيمان :ما شاء الله عليكِ ي أشرقت تثبيتك للحفظ جميل .. أشرقت: بجد؟ يعني مستوايا مش وحش؟ مُعلمة إيمان: لا خالص بالعكس . انتي كنتي بتحفظي قبل كده؟ أصل بصراحه لما دخلتك ف المجموعه دي وهما ف سورة الفتح قلت الله المُستعان ع الأجزاء ال فاتتك وخوفت يبقي صعب عليكِ تحفظي جديد مع المجموعة وكمان قديم .. لكن اللهم بارك أثبتي صدق نيتك وجهدك . أشرقت: بجد شكراً جداً معلمتي ع كلامك ده متعرفيش شجعني ازاي . اه أنا كنت بحفظ من ابتدائي خدت سنتين تقريباً مع شيخ ف الجامع عندنا وبعدها حصلتله ظروف ووقفنا حفظ ورجعت أحفظ ف اعدادي سنة تقريباً مع شيخ ووصلت لسورة (يس) بس وقفت برضو حفظ . فعشان كده كل ده يعتبر حفظته قبل كده ف مش بياخد معايا وقت ف الحفظ . مُعلمة إيمان: بس من اعدادي لغاية ما اتخرجتي من الجامعه ده سنين كتير ف ازاي لسه فاكرة حفظك القديم . أشرقت: عشان من وقتها وأنا بقرأ وِرد يومي والقرآن كله عدي عليا كتير ف تلاقيني بسهولة بفتكر بسبب الوِرد اليومي والتكرار . مُعلمة إيمان: جميييل 💙إذا كان كده بقي ف أسرعي شوية ف الحفظ مش لازم تمشي مع المجموعة اي رأيك بدل ما كل حلقة بتاخدوا وجه واحد .. تحفظي ربع كامل .. أشرقت: اممممم بلاش دلوقتي ؟ مُعلمة إيمان: ليه كده مستواكِ حلو عشان تختمي بسرعه .. أشرقت: مش هقدر صدقيني صعب عليا أنا بحفظ بالعافية واللهِ مش هتصدقي لو قلتلك بحفظ وأنا بعيط . بحس حاجات غريبة كده بتمنعني من الحغظ بس بجاهد نفسي والله المُستعان . مُعلمة إيمان: خلاص زي ما تحبي مش هضغط عليكِ .. استعيني بالله وخيراً إن شاء الله ..
*بعد مرور شهر*
كانت الحياة تزداد صعوبة مع أشرقت في كل شئون حياتها . حتي حفظها للقرءان بدأت في التراجع شيئاً فشيئاً .. كانت تغيب عن حلقاتها بشكر متواصل . نعم كانت لا تترك وِرد الحفظ ولكن دون متابعة مع المعلمة . كان هذا أكثر شئ يؤلم روحها ! هي لا تدري ما الذي يحدث بداخلها حتي تعالجه ! أهي كثرة الضغوطات من مدرسة وحصص خصوصية وحفظ قرءان أم قلة النوم أم الألم ف جميع أنحاء جسدها دون علم المصدر ! أم أنه شئ آخر تجهله ! كانت ليلة ذهابها لحلقة القرءان تجتهد ف الحفظ وتسهر الليل كله تحفظ وتردد وِردها دون كَلَل أو ملل بل كانت تواجه صعوبة شديدة ف تثبيت الحفظ حتي تفيض عيناها بالدموع لعجزها.. عيناها لا تري النوم في هذه الليلة مهما حدث وقبل موعد الحلقة بنصف ساعه تنام دون أن تشعر وع موعد انتهاء الحلق تستيقظ فجأة!!؟ كيف هذا وكأن شيئا ما يعمل ضد ذهابها لحفظ القرءان !
أشرقت : طمنيني عليكِ ي منه عامله اي ؟ منه: الحمد لله بخير انتي مالك صوتك مش تماام وحاسة فيكِ حاجه انتي كويسة! أشرقت: اه كويسة الحمد لله . منه: بت بطلي الرسمية دي قولي مالك يعني انا مش عارفاكِ انتي فاكره عشان بتكلميني فون مش هعرف من صوتك انك مضايقة ؟ أشرقت :مفيش جديد ضغوطات الشغل بس والأرق وحتي حلقة القرءآن مش بقدر اروح ي منه هتجن واعرف ليه . بفضل طول الليل صاحية ومستحيل أنام وقبل الحلقة بشوية صغيرين أتعب وأدوخ ومقدرش أقف وأنام وأصحي بعد ساعتين بالظبط يعني بيكون خلاص وقت الحلقة عدي وحتي الشيخة زعلت مني عشان مش بعتذر ع الغياب ده وأنا مكسوفة منها مش عارفة أقولها اي ولا لاقيه مبرر للغياب ده وبحس كلامها بيضايقني اني لازم أجتهد ف دين الله وحفظ القرءان مش سهل ولازم استمرار . بس محدش عارف أنا بقاوم ازاي وبتعب ازاي عشان أحفظ أنا نفسي مش عارفه افهم ده ليه ؟ وحتي الدرس بقيت بتعصب من أقل حاجه ع الأطفال برغم اني بحبهم والله بس بحس اني اتخنقت منهم وعايزة أبطل حوار الدرس ده لكن بلاقي حب كبير منهم ومن أولياء الأمور ف بتراجع عن قراري وبحس لازم أشغل وقتي ف أي حاجه عشان لو قعدت فاضية كده هتحصلي حاجه . وحتي المدرسة حاسة أربع فصول صعب اوي عليا وحدي دي أول مرة أواجه حاجه زي دي والتعامل ف المدرسة أصعب عشان العدد أكبر . حاسة حاجات كتير فوق دماغي ومش عارفه أنجز حاجه فيهم وحاسة إني فاشلة فكل حاجه . والأرق بيزود الاكتئاب وأتفه مشكلة بحسها كبيرة . عارفة أنا لما بروح المدرسة مش ببقي فاضية غير وقت الفسحة بس .. باخد جنب بعيد عن الطلبه والمدرسين وبفضل أعيط وبس ... بعيط كأني لسه ف حضانه وعايزة أمي أتخبي ف حضنها من كل ده . بس مش بلاقيها ومش هلاقيها خلاص .. منه:لا حول ولا قوة إلا بالله اهدي طيب والله كل حاجه بتحصل من ربنا لحكمة ما احنا منعرفهاش .. ومتقوليش انك لوحدك أنا معاكِ وعمري ما أقدر أسيبك وانتي أقوي بكتير مما تتخيلي ومش فاشلة ولا حاجه من دي بالعكس مفيش حد بيشغل نفسه ف كذا حاجه كده وبينجح فيهم . أشرقت: لا منجحتش ي منه ولا حاجه ماشية صح كل حاجه بايظة .. منه: لا محصلش وبدليل انتي دايما بتحكيلي عن حب الأطفال ليكِ سواء ف المدرسة أو ف الدرس وخاصة المدرسة . عارفة يعني اي فصل مكون من ٦٠ طالب بالعدد الكبير ده يحبو الميس ويتعاملو معاها ع أساس أختهم الكبيرة ويقربو منها ويحضنوها عادي كده ! نسيت الموقف ال حكتهولي لما جرس الحصة بيرن وبتبقي خلاص خارجه من الفصل الأطفال بيجروا يحضنوكي ويقفلو عليكِ الباب ومش عايزينك تسيبيهم ! ولا حب أولياء الأمور ليكِ وكلامهم إنك غيرتي كتير في أولادهم وحببتيهم ف المادة ! ده أكبر نجاح ي أشرقت ال وصلتي ليه. المُدرس ال يخلي الطلبة بتوعه يحبوه بالشكل ده يبقي مُدرس عظيم ويستحق الدعم . ناسية أيامنا كنا بنخاف من المُدرسين ازاي وكانو معقدينا ف حياتنا !!
أشرقت: تفتكري يعني أكمل !!!؟ منه: اه طبعاً تبقي عبيطة لو وقفتي والله .. أشرقت: طيب ده تماام بس حفظ القرءان بغيب كتير عن الحلقات وغصب عني والله . منه: مش انتي بتحفظي الوِرد برضو حتي لو غبتِ أشرقت: أيوه . منه: خلاص ده انجاز كمان مش أحسن من مفيش خالص ! أشرقت: أنا بس نفسي أنتظم ف الحضور . ادعيلي بالله عليكِ ربنا يهديني ويصلح حالي ويجعلني كما يُحب ويرضي .. منه: اللهم آمين . مش بنساكِ من دعاءي أصلاً . أشرقت: ربنا يديمك ف حياتي . طمنيني عليكِ انتِ عامله اي ف الكلية معلش بقي من بدري دوشك بمشاكلي .. منه:متقوليش كده أنا بحب أسمعلك فأي وقت . أشرقت:حبيبي حبيبي مفتقداكِ والله جداً منه: وانتي أكتر والله مش كنتِ كملتي دراسات عليا وقعدتي معايا سنه كمان . أشرقت: يبنتي هو أنا فاضية من كل الهم ال ورايا ده .. سيبك مني المهم انتي عامله اي؟ منه: اهو ماشي الحال الحمد لله باقي تقريبا شهر ونص ع امتحانات الترم الأو وصاحبتك مش فاتحة كتاب لسه . أشرقت: 😂😂ده الطبيعي بتاعنا بنموت ف زنقة الكلاب ليلة الامتحان . منه: حصل .إنما صحيح ندي جالها عريس ؟ عشان كده نزلت البلد؟ . أشرقت: أيوه فعلاً عريس من طرف مامتها .. منه: مامتها اه ربنا يستر بقي .. أشرقت: خير ان شاء الله شكلهم فرحانيين . منه: أختك الأصغر مننا هتتخطب واحنا لسه يسطاااا .. أشرقت: نصيب بقي كل واحد بياخد رزقه .. منه: عندك حق ..
*بعد مرور يومين*
أشرقت: اللهم بارك ي ندي شكلك قمر أوي . ندي: بجد ي أشرقت شكلي حلو ؟ أنا خايفة العريس وأهله يقولوا عليا حاجه او ميحبوش شكلي . أشرقت: مين العبيط ده ال ميعجبوش القمر ده كله . ادخلي وانتِ واثقة ف نفسك كده يبت دنتي قمر هو يطول ..
أحلام: وقت رغي ده ي أشرقت ؟ ما تسيبي ندي عشان الناس بتسأل عليها برا .. يلا بسرعه جهزي نفسك ي ندي أول ما أنادي عليكِ تدخلي بالعصير وحاسبي ل الصنية تقع منك وتخربي الدنيا عارفه خيبتك أنا .. ندي: يووووه بقي ي ماما انتِ ال بتوتريني بكلامك ده ع فكره ... أحلام : انتي لسه هتتناقشي اخلص يلا ..
