كلمت منه وحكيتلها ال حصل ..
أشرقت: بصي طيب كاتب اي قال حزين وحيد لا يشعر به أحد كل ال انا فيه ده وبيقول لا يشعر به أحد!!😒
منه: معلش ي أشرقت مهو ميعرفش برضو انتي حاسة بايه وبعدين انتي الفترة الأخيرة كل بوستاتك عادية وبنهزر مع بعض فيها ومش باين انك حزينة زي الأول .. أشرقت: هو انا يعني لازم اقلبها كآبه زيه حتي ع السوشال ميديا .. انا جوايا حزن كبير وربنا عالم بيا وبحالي ال اتغير 180 درجه ده ولا بقيت انام كويس ولا باكل كويس وع طول مرهقة وتعبانه وبلاقيني لوحدي بفكر فيه وحاسه انه مضايق بس مش ف ايدي حاجه اقدمها غير الدعاء. مش معني اني بهزر وبشير ميمز يبقي مبسوطة ! انا بس بحاول اخرجني من مود الكآبة ال انا فيه ده . منه: حاسة بيكي والله يقلبي وهو كمان اكيد حاسس بيكي زي ما انتي حاسة بيه .. لغة الارواح لا تخطئ ابداُ هو بس تلاقيه عاوز يتأكد اذا مازلتي بتابعي اخباره ولا نسيتيه ؟ أشرقت: وربنا بفتح صفحته اكتر ما بفتح صفحتي دنا بفتحها ف الساعه ولا 100 مرة عشان لو كتب حاجه جديدة اشوفها بس فضل شهر زي ما قولتلك مكتبش حاجه ويوم ما يكتب يكتب وحيد حزين لا يشعر به أحد 😒🙂 انا افتكرت انه من بعد آخر مرة كتبت ف البايو عندي لا استطيع ان اخرجك من عقلي لكني لا استطيع فعل شئ آخر وهو كتب عاجز قليل الحيلة عن اي شئ ممكن يسعده .. قلت بس كده تمام انا وضحتله وهو وضحلي نسيب الامور تمشي بتدبير ربنا بقي لكن هو كائن كئيب 🙂
منه:😂😂 يبنتي حرام عليكي هو تلاقي عاوز يتأكد مش أكتر ! أشرقت:والله محدش عايز يتأكد اكتر مني .. منه تفتكري هو كتب كده عشاني انا ولا مجرد صدفة؟! منه:ياربيييي هتشليني.. تاني هترجعي تقولي صدفة !؟ لاء طبعاً مش صدفة .. ازاي صدفة يعني ووقت ما عرف صفحتك بس بدأ يكتب الكلام ده . تحديداً من بعد الرسالة بتاعت صراحه دي ال كان فاكرك انتي ال بعتيها وكان محتار وبيقول ممكن اعرف مين ! عاوز ارتاح من التفكير واتأكد من ال ف دماغي ..هما كلمتين بس طب هتسيبني كده كتير من غير ما تتكلم . هستني رسالتك وقت ما تكون قادر تتكلم والكلام ده كله .. انتي بنفسك عارفة صفحته من وقت ما كنا ف امتحانات السنة ال فاتت .. شوفتي حاجه زي دي قبل كده ع صفحته ؟ أشرقت: لاء مكنش بيكتب كده مكنش بيكتب حاجه أصلاً .. منه: اهو شوفتي يبقي انا عندي حق اهدي واطمني بقي وبطلي ترهقي عقلك وقلبك .. أشرقت: هحاول حاضر ..
دايماً منه هي أكتر حد فاهمني وبيطمني وبحمد رينا انها موجودة ف حياتي . فكرت اعمل اي ل ياسين عشان يحس اني انا الوحيدة ال حاسة بيه .. مش مجرد كلمة بقولها بس حرفياً عمري ما حسيت بحد كده قبل كده ابداً بستغرب ازاي بحس بحزنه من قبل ما يكتب كلمة واحده تدل ع حزنه وفعلاً بيكون حزين !! اعمل اي ياربي طب اكتب حاجه ف البايو مثلاً توضحله ! لاء خلاص مش هعمل حاجه هفضل اشير ميمز زي ما انا كأني ولا دخلت ع البروفايل بتاعه .. عشان لا يشعر به أحد دي يا ياسين ماشي هتشوف الفرق بين لما يشعر بك أحد وبين لما تفضل وحيد فعلاً 😒🙂🙂 . اهو منها اتأكد كمان لو فعلاً حزنه ده بسببي انا ولا بسبب حاجه بعيدة عني !
فضلت حوالي يومين من غير ما اكتب اي حاجه توضحله انه يهمني حزنه .. بس جوايا يهمني جداً والله وكنت بدعيله ع طول ربنا يفك كربه ويصرف عنه الحزن ده .. لقيته كتب بوست المرة دي .. انا حزين يا الله وأعلم انكَ تسمعني . قد أرهقتني الحياة كثيراً فكل شئ حولي يؤذيني ...
بمجرد ما قرأت البوست دموعي نزلت مش مبالغة بس كل اللي جه في بالي ان انا ممكن فعلاً اكون سبب حزنه ده بشكل او بآخر .. هو اكتر حد يهمني ويهمني جداً انه يكون مبسوط وميحسش بالحزن ده . حاسة عايزة اعمل اي حاجه تحسسه اني معاه وحاسة بيه ومش لوحده زي ما هو فاكر .. مفيش حل غير رسائل الصراحة روحت بعتله .. لا تحزن ياصديقي . هون عليك انت مش لوحدك .. انا بدعيلك ف كل صلاة والله . ربنا يسعد قلبك ويجبر بخاطرك ويفك كربك .. افتكر دايماً انه لا يُكلف اللهُ نفساً إلا وُسعها .. ربنا عالم انك هتقدر تتخطي سبب حزنك أياً كان السبب يمكن تتعب شوية وتحس انك لوحدك بس تذكر قول الله تعالي ونحنُ أقرب إليه من حبل الوريد .. ربنا أرحم بيك من الأم ع رضيعها . خلي عندك يقين انك هتفرح يوماً ما .. ارتحت لما كتبتله كده حاولت اقوله أي حاجه تجبر بخاطره وتفرحه .. اترددت قبل ما ابعت المسدج عشان ممكن يعرف انها مني بس هيعرف ازاي !! مستحيل يعرف عشان مش هيظهر اسم ودي حاجه كويسة بالنسبالي منها اطمنه شوية ومنها ميعرفش مين ال بعت .. دخلت ع البروفايل اشوفه لقيته أونلاين بعدها بساعتين كان عامل اسكرين للمسدج بتاعتي ومنزلها بوست وكاتب .. يُرسل اللهُ بعضنا لبعض رحمات . شكراً جداً ع الكلام الجميل ده كنت محتاجه فعلاً .. وشكراً ع دعواتك ولك المثل يارب ❤
