أشرقت :خدت اسكرين لرده ع رسالتي فرحت جداً انه رد عليها خاصة ً متوقعتش يشوفها أصلاً آخر مرة منزل رسالة صراحه من أكتر من سنة باستثناء الرسالة ال غيرت كل حاجه دي واضطرتني أكلمه .. وقتها كنت شايفاها شر كبير بس فعلاً وراء كل شر خير لا يعلمه إلا الله .. فضلت متابعة الكومنتس ع البوست وأدهم صاحبه كان بيرخم عليه وبيقوله . الله يسطا مين ال باعتها دي شكله حد بيحبك اوي 😉 ياسين : جبت التايهة يعني هيكون حد بيكرهني ويكتبلي الكلام الجميل ده! أدهم : بقولك اي تعالي خاص عاوزك .
ياسين: خير ي أدهم في اي ؟ أدهم: طمني عليك انت كويس ؟ ياسين: في نعم كتير والله الحمد لله انت اخبارك اي. أدهم : بخير الحمد لله . اخواتك وخالتي عاملين اي عندك ياسين: بخير الحمد لله. أدهم: اومال انت مالك مضايق ليه ؟ ياسين : مفيش يسطا عادي . أدهم: مفيش ازاي يبني هو انا مش عارفك ولا اي! ياسين: الشغل الأيام دي مش زي الأول ي أدهم .. ومصاريف علاج أمي واخواتي البنات .. مريم ال فرحها بعد سنة دي ولسه مخلصتش جهازها .. ومصاريف أميرة وكليتها وكورسات والدنيا بايظة ع الآخر يصاحبي . أدهم: معلش ي حبيبي انت هتعمل اي اكتر من انك بتشتغل ف كل حاجه حديد وبتشيل نقاشة واشتغلت سباك واشتغلت صدقني انت عامل ال عليك وزيادة كمان وواثق لو والدك كان لسه عايش كان هيبقي فخور بيك جداً انك بتصرف ع والدتك واخواتك البنات ال معدش ليهم حد غيرك . وانا معاك يصاحبي لو محتاج فلوس قولي اي مبلغ واحنا واحد والله . ياسين : عارف يسطا انت عمرك ما اتأخرت عليا ف أي طلب . ربنا يباركلي فيك . أدهم: وفيك يحبيبي بارك . فك بقي ي هندسة مش كده اومال .. أدهم: هندسة اي بقي والله الواحد نسي انه ف هندسة من كتر ما اشتغل ف كل حاجه يكش نتخرج ونلاقي شغل عشان نرتاح شوية ي هندسة .. أدهم: قول بقي كده انك عاوز تتخرج وتتجوز يسطاااا😉 ياسين: يبني انت أهطل جواز اي بس ال دلوقتي هلاقي من فين . مش هيحصل إلا لما أطمن ع اخواتي البنات ان شاء الله. أدهم: إن شاء الله ي حبيبي ربنا يرزقك ببنت الحلال بقي ال تدعيلك ع طول ف كل صلاة هاا واخد بالك انت 😉😉❤ الحب ولع ف الدره يسطااا 😉 ياسين : ياخي بطل رخامتك دي اكيد مش ال ف دماغك يعني .. اكيد حد من أصحابنا ف الكلية 😒 أدهم :وماله ممكن برضو يعم الشيخ او يمكن حد كان بيسمع صوتك الجميل ف الصلاة وقال أما ادعيله شوية عشان جمال صوته 🤭🤭 ياسين: انا عارف مش هتبطل رخامتك دي تماام يسطا انت صح ..
ياسين: فضلت أفكر ف كلام أدهم .. معقول تكون أشرقت فعلاً هي ال بعتت الرسالة! معقول لسه فاكراني للدرجه دي وبتدعيلي كمان !! وليه لاء أكيد مش قلبي انا بس ال حاسس بيها أكيد هي كمان حاسة بيا .. ياااارب أخرجني من ضيق تفكيري إلي سعة تدبيرك يارحيم .
منه: أشرقت : عامله اي طمنيني عليكي مختفية ليه انهارده اليوم كلو . اول ما شوفتك أونلاين قلت أكلمك . أشرقت : في نعم كتير والله الحمد لله انتي اخبارك اي . منه: كويسة الحمد لله قوليلي مالك مختفية ليه ؟حد مزعلك! أشرقت: مفيش ي منه بس بحاول أخلص الأبحاث ال عليا دي منهم لله مش كانو خلونا نمتحن أحسن بدل المتاهة ال انا فيها دي حسبي الله انا مبقتش انام عشان خلاص آخر الأسبوع ده تسليم الأبحاث . منه: ي بنتي وانتي تاعبة نفسك ليه ما كنتي جبتيهم من المكتبة عادي كل الدفعة عملت كده وانا كمان عملت زيهم وسلمتهم كمان بلا وجع دماغ .. أشرقت: انا عندي سبع مواد والمادة ب 150 ولو قولت ل بابا ع فلوس دلوقتي أحلام الزفتة هتدخل وتقول مش مكفيكي مصاريف الكتب والكارنية وكمان عايزة تشتري الأبحاث وأسطوانة طويلة هسمعها ملهاش أول من آخر .. انا عموماً خلصت 5 مواد واهو شغاله ف المادة ال 6 وأكيد ربنا مش هيضيع تعبي طول الفترة دي هتعدي بلطف الله زي كل مرة .. منه :إن شاء الله ي حبيبتي خلاص هانت فاضلك سنة وتتخرجي يروحي وتبقي أحلي سينيور شوفتها فحياتي 🥺 عارفة ي أشرقت مش عايزاكي تتخرجي وتسيبيني آخر سنه اقضيها وحدي من غيرك 😢 أنا مكتئبة من دلوقتي والله وكل ما افتكر انك هتخلصي قبلي بسنة أعيط .. منهم لله كل ده تأجيل دراسة وقولنا أكيد هنرجع عشان نمتحن واهو بقينا ف شهر 6 وبنعمل أبحاث بدل الامتحانات .. أشرقت : متزعليش ي منه ولا تعيطي والله دموعك دي غالية عندي اوي ان شاء الله هنفضل مع بعض طول العمر انا مقدرش اسيبك أصلاً انتي جوا قلبي والله وربنا عالم بحبك ازاي .. يااه ي منه لو اتجوزنا اتنين أصحاب ونبقي ع طول مع بعض .. منه: يااارب يااارب بقي أي حاجه المهم ابقي معاكي ع طول ❤❤
عدي الوقت ببطئ شديد وبحزن أكبر وأكبر.. سلمت الأبحاث خلاص وعدي شهر ولسه مظهرتش النتيجة .. مش عارفه ازاي قدرت أتخطي أربع شهور كاملين بدون ما اشوف فيهم ياسين كل ما افكر ان المفروض من شهر 3 ل 6 وانا بشوفه واسمع صوته كل يوم بتخنق .. حاسة وكأن أصابتني لعنة كل ما حبيبت حاجه تختفي وتسيبني أعاني .. أكتر حاجه كانت بتصبرني ع مُر الأيام دي هي الريكوردات ال كنت بسجلها وكأن قلبي كان حاسس هيحصل حاجه تمنعني أسمع صوته .. كان أكتر ريكورد بحب أسمعه سورة طه بتاريخ 20/2/2020 ف صلاة الفجر ..كانت آخر صلاة فجر بصوته💔 كنت بسمعه أكتر واحد فيهم حرفياً بفضل أسمع فيه من أول ما أصحي لغاية ما أنام . لسه فاكره اليوم نفسه وهدوء صوته وخشوعه فيه .. من كتر ما بعيده حفظت جزء كبير من سورة طه بسبب ياسين وبدأت أصلي بيها كمان وأصبحت أكتر سورة بحبها .. كنت بتعمد مسمعش قرءآن غير بصوت كرلوله بس عشان ياخد حسنات بسببي واني أحفظ من السور ال كان بيصلي بيها عشان يبقي له الأجر .. مفيش حاجه بعرف أقدمهاله غير الدعاء واني اشغل قرءآن بصوته عشان ع مدار اليوم ميزان حسناته يزيد عن كل حرف بيقرأه 💙💙
