عدي شهر واحنا ف البيت بسبب فيروس كورونا .. كان شهر صعب اوي عليا عشان مكنتش مستعدة نفسيا لغياب ياسين عني بالشكل ده كنت بشوفه كل يوم وبسمع صوته كل يوم كان اكتر وقت بيفرح قلبي وانا سامعاه بيصلي .. بس خلاص كل حاجه خلصت ياعالم هنرجع تاني ولا لاء .. فضلت زي ما انا ادخل ع بروفايله كل يوم ولا 100 مره ولو انه مش بينزل بوستات غير كل فين .. مكنش بيكتب اي حاجه ليها علاقه بينا او اذا مضايق من بعده عني زي ما انا مضايقة .. زعلت بصراحه وقررت انا كمان مش هبينبه حاجه خالص ومش هنزل اي حاجه ع البروفايل بتاعي اصلا مش متاكده اذا عو بيدخل عندي ولا لاء!!؟
فعلا كنت عايشة حياتي ع السوشال ميديا عادي وبشير بوستات هزار كتير مع اصحابي وبضحك وبهزر ولا فارق معايا .. لكن من جوايا العكس .. حزن العالم كله فقلبي ولا عارفه انام ولا باكل كويس وع طول تعبانه ودايخة وطول اليوم عياط وسهر كتير وعياط اكتر وحياتي بايظة حرفيا ومن ناحية تاني احلام وبنتها وكرههم ليا مبقتش عارفه اعمل اي ولا اهرب اروح فين كل الهموم دي كتير اوي ع قلبي .. مهربي الوحيد كانت شقتنا ال ف الدور الارضي هي صغيرة اه بس مفهاش غيري كنت بقعد فيها لوحدي وبنام وحدي فيها برغم اني بخاف لكن اهون من كلام احلام .. كنت بطلعلها الشقة ال فوق عشان اساعدها ف شغل البيت عشان ارتاح من زنها وخناقها وبعدين بنزل اقعد وحدي تحت .. ف مره بالليل فتحت بروفايل كرلوله لقيته اونلاين وبعدها غير البايو بتاعه وكتب فيه .. يبدو ان الامر هذه المرة اصعب بكثير ان اتجاهله .. يبدو ان الحزن سيظل رفيقي للابد ..
اول ما قراتها زعلت اوي عليه حسيت حزنه اكتر حاجه بتهمني نفسي افرحه باي حاجه مش هاين عليا ابدا حزنه ده حتي لو معرفش عن اي ..للحظة حسيت انه بسببي او يقصدني بالكلام ده بس حاولت اتجاهل الاحساس ده اصل فعلا ممكن مش عني !!؟ مش عاوز اوهم نفسي وقلبي بحاجات موجودة ف خيالي وبس .. وفعلا كملت زي ما انا بشير ميمز والحياة جميلة ..
لقيته بعدها بكام يوم غير البايو تاني! وكتب ..
انت عبارة عن اجزاء كتير متفرقة جوا كل ال سابوك ومشيوا وفضلت انت لوحدك ..
طبعا هو هنا قصده ع نفسه ال فضل وحده وكله مشي وسابه .. قلبي وجعني اوي عليه ومش هبقي اوفر لو قلت فضلت اعيط عشانه وعشان احساسه ده .. يمكن الظاهر له فعلا اني سبته ومشيت بسبب ان عموفتحي كلمني عنه كذا مرة وانا رفضت ويمكن اتاكد اكتر من الشات ال كان بينا بس انا كنت هقوله اي يعني غير ال حصل !!؟ كان نفسي اقوله صدقني انا مش سبتك ولا مشيت انا معاك واكبر دليل اني مش عارفه انساك اهو وحزنك ده فارقلي اكتر من حزني ع نفسي .. مكنتش عارفة اعمل ايه ولا افرحه ازاي .. منا مستحيل ارجع اكلمه تاني مهو يمكن ميكونش قصده عني مش هكدب احساسي بس هتجاهله عشان مش عاوزه اكسر قلبي اكتر من كده .. وصلت لحل وسط وهو اني هنزل بوست وكتيت فيه ..
ليتني استطيع ان انسي .. عقلي لا يتوقف عن التفكير وقلبي يؤلمني وبشدة كيف لي ان اعود لحياتي العادية !!؟ وبطلت اشير ميمز وكلها كانت بوستات حزينه جدا .. محصلش حاجه تاني ولا غير البايو لكن حصل حاجه غريبة احزنتني جدا ..
كنت سهرانه عادي او بمعني اصح انا مش بنام اصلا لا ليل ولا نهار .. ف كونت فاتحه البروفايل بتاع كرلوله واذ فجاة الاقيه منزل اسكرين ل صراحه جاتله بس مشخبط علي معظم الكلام ال ف المسدج ومش باين غير ..
- اخبرني مما خلق قلبك .. هل تفتقدني كما افعل ! ام انك لا تبالي ! ما عاد بامكاني التظاهر انني ع ما يرام .
وهو رد : حقيقي مش عارف المفروض افرح ولا ازعل من الرسالة دي واضح اني اذيتك ولو اني عمري ما اذيت حد عموما اسف لو صدر مني اي فعل ضايقك او اذاك بدون قصد ..
زعلت اوي اول ما شوفتها واتعصبت وعيطت .. واضحة اوي المسدج دي من بنت يعني مش محتاجه ! يعني هو بيحب حد غيري !! طب ليه كان بيقف يستناني عند السكن ! ليه كان بيروح السوبرماركت!! اكيد عشانها مش عشاني .. بس عشان مين؟مكنش بيكون فيه اي بنت غيري فالوقت ده .. الله اعلم اصلا احسن براحته مش عاوزه حاجه منه خليه يروحلها ولا يزعل ع فراقها وانا مالي انا غلطانه اني عبرته .. خلاص كده مش هبين باي بوست ان حزنه مش بيهون وهبقي عادي بشير ميمز وبضحك حتي لو مش دي الحقيقة وحتي لو ف الحقيقة بموت كل يوم مش مهم .. حاولت امنع نفسي مدخلش ع البروفايل بتاعه بس مقدرتش خصوصا انه غريبة حذف البوست وكان بيرد ف البايو وقال .. تماام اهو حذفت البوست ممكن اعرف مين حضرتك؟
تقريبا كده الست هانم مضايقة انه شير المسدج للعامه وطلبت يحذفها .. معرفش ليه رجعت ليها تاني كنت خدت اسكرين للبوست وقريته تاني قلبي دق بسرعه لما شوفت رده وركزت فيه ! بيقول :حقيقي مش عارف المفروض الرسالة دي تفرحني ولاتزعلني . حاسس اني اذيتك .... بس اسف لو صدر مني اي فعل ضايقك او اذاك بدون قصد .. اي ده معقول !!؟ ده نفس رده عليا ف الشات لما كلمته وقال اسف الغلط من عندنا احنا وعموما هكلم عموفتحي ف الموضوع ده عشان ميحصلش ان حد يتأذي او يضايق مني ..
معقول يكون فاكرني انا ال بعتها !؟ معقول يكون عارف اني بحزن لحزنه وكلامه ال بيكتبه ف البايو ف بعت المسدج دي عشان اطمنه وعشان كده هو مش عارف يفرح اذا كنت انا ولا يزعل اذا حد بسببه حاسس انه اذاه ؟؟! بس المشكلة مش انا ال بعتت المسدج دي هيكون مين طيب !!؟
