تاني يوم ..
أشرقت : منه بقولك ايه تعالي نطلع السطح بدل الحر اللي احنا فيه ده
منه: يووه لسه هنطلع من الدور التالت للسادس حرام عليكي مش قادرة
أشرقت : انتي عجزتي ولا اي قومي يلا وهاتي الاسدال وسجادة الصلاة معاكي عشان هنصلي العشا فوق .
منه: ماشي هدخل اتوضي .. أشرقت : هدير تعالي اقعدي معانا فوق . هدير : لا لا روحو انتو مليش مزاج . أشرقت : ماشي ع راحتك ..
بعد مرور ربع ساعة .
أشرقت : الله شايفة الهوا النقي الجميل ده .. منه : ايوه والله الجو حلو أوي انهارده . قوليلي بقي انتي هتنزلي البيت امتي لينا شهر هنا . أشرقت : ليه السيرة النكد دي بس يعني انا اقولك تعالي نطلع السطح نشم هوا تقوليلي البيت ده ايه الغلب ده ياربي .
منه: مش قصدي والله . صحيح افتكرت انك بتكرهي البيت بسبب أحلام . أشرقت : متقوليش عليها أحلام دي مجموعة كوابيس ف بعض . منه : ههههههههههه يبنتي انتي غريبة حتي ف وقت حزنك قادرة تهزري . أشرقت : عشان انا نعنوشة . منه : هههههههههه حصل وأشهدلك بكده . رن فون أشرقت.
أشرقت : ايوا ي بابا وانت كمان وحشتني عامل اي انت واخواتي . محمود والد أشرقت : الحمد لله كلنا كويسين انتي هتيجي امتي . أشرقت : لسه مش عارفة والله ي بابا هحاول انزل ع آخر الاسبوع ده ان شاء الله . محمود : ماشي ي حبيبتي خدي كلمي محمد اخوكي . أشرقت : ازيك ي محمد وحشتني . محمد : وانتي كمان ي شوشو وحشتيني تعالي بقي انا قاعد وحدي . أشرقت : حاضر يروحي هجيلك وهجيبلك معايا حاجه حلوة كمان . محمد : بجد هيه هيه انا بحبك ي شوشو . أشرقت : وانا كمان بحبك ي محمد . يلا بقي سلام عشان العشا بيأذن ومش هعرف اسمعك . سلملي ع ماما و ع أختك . محمد : حاضر . سلاام .
منه : شكلك بتحبي محمد اوي ي أشرقت . أشرقت : ايوه بحبه اوي . منه : غريبة ان مامته وحشة معاكي بس بتحبيه . أشرقت : علاقتي ب مامته حاجه وحبي ليه حاجه تاني هو صغير وملوش ذنب ف اللي بيحصل وهو لسه برئ مش زي مامته . انما ندي هي اللي مش بتحبني زي مامتها ولو اني بحبها والله وعمري ما عملتلها حاجه تزعلها مني . منه: أكيد مامتها هي اللي مخلياها متحبكيش . أشرقت : الله اعلم بقي مش مهم . صحيح كان من زمان نفسي يبقي ليا اخت كده واشاركها اسراري ونضحك ونهزر ونتخانق زي باقي الاخوات بس هعمل اي نصيبي كده الحمد لله . منه: انا معاكي ي شوشو واعتبريني اختك الصغنونة بقي وكدا . أشرقت : انا بحبك اوي ي منه والله وبعتبرك أختي بجد . بس بلاش تقوليلي شوشو دي بدل م اغوزك فوشك دلوقتي وبعدين ايه اختك الصغنونة دي انا اكبر منك بسنة بس . منه : هههههههههه بتفصليني ضحك والله ي شوشو . أشرقت : يبنتي بقي بطلي استفزاز مبحبش الاسم ده . منه: الله مش محمد لسه كان بيقولك ي شوشو وانتي قولتيله حبيبي و وحشتني وروحي . وجات ع قرمط يعني وتقوليلي اغوزك فوشك ربنا يسامحك . أشرقت : ههههههههه يبنتي محمد عشان اخويا وبابا متعود ف البيت يناديني باسم شوشو عشان ماما كمان الله يرحمها كانت بتقولي شوشو. بس انا عمري م حبيت الاسم ده تحسيه اسم واحده منحرفة كده . انا بحب اسم أشرقت وبس . منه : ههههههه واحدة منحرفة! مش بقولك بتفصليني ضحك . أشرقت : ربنا يسعدك دايما يلا بقي قومي نصلي العشا .. كنت لسه هبدأ اقول الله اكبر .لكن الشيخ اللي صوته عالي بدأ يصلي .
أشرقت : يوووووه بقي هو مفيش غير صوت الشبخ ده كل يوم كده .. فين يعم الشيخ اللي اول م جيت السكن كان صوته هادي اوي مش زي ده . ده بيخوفني وبيبكي من خشوعه ما شاء الله طبعاً بس برضو صوته مخيف . منه: هو الشيخ ده اصلا اللي ماسك المسجد من السنة اللي فاتت . بس حرام عليكي صوته حلو والله . أشرقت : صوتك انتي يحبيبتي اللي حلو . يلا ننزل شقتنا نصلي عشان الصوت خرم وداني السماعة بتاعت المسجد حاساها ف وداني من جوه .
منه: خلاص يلا ننزل نصلي تحت احسن عشان اسمعك وانتي بتقرأي كمان ..
بعد الصلاة : أشرقت : منه بقولك ايه تعالي ننزل نتمشي شوية لينا فترة مش بننزل نتمشي .
منه : كنت لسه هقولك والله ننزل نتمشي لغاية السيد كده ونشتري عصير قصب ونسمع قرآن ف الطريق زي ما عودتيني الله عظمة والله . أشرقت : اشطا يلا قومي البسي بقي بسرعه عشان منتأخرش . منه : حاضر يسطا. أشرقت : ايه يسطا دي كمان يبنتي انتي حد مسلطك عليا تقوليلي كل الكلام اللي مش بحبه . منه: ههههههههه مالها يسطا كمان كل الناس بتقولها . أشرقت : مش بحبها . منه بضحك: خلاص يسطا مش هقولك يسطا تاني . أشرقت : ياربي ع الاستفزاااااز قومي من وشي يبت .
