بعد ما البنت ال بعتت المسدج ل كرلوله قالتله يحذفها وهو مبقاش ينزل اسكرين للكلام ال بتبعته .. كان بيرد عليها ف البايو عنده .. دخلت البروفايل بتاعه لقيته كاتب . تماام اهو حذفتها ممكن اعرف مين حضرتك !؟
كانت الساعه وقتها 1 بالليل وفضل البايو كده حوالي ساعتين ومفيش أي تغيير وواضح البنت مش بترد .. بعدها بساعتين غير البايو وكتب .. طب اي مش هترد يعني انا لازم اعرف مين .. وبرضو مفيش رد ولا تغيير .. تاني يوم بقي كتب .. طب اي هتسيبني كده كتير ؟ انا محتاج اعرف مين ضروري .. مفيش رد كمان !! بعدها بشوية ممكن تكون ردت وممكن لاء الله اعلم بس هو كتب .. محتاج اعرف اي حاجه طيب حتي لو مش هينفع تكلمني . وضحلي باي حاجه انا محتاج اتأكد من ال ف دماغي .. مفيش رد .. بعدها بشوية كتب . فعلاً محتاج اتأكد من ال ف دماغي انا تعبت من كتر التفكير طول الفترة ال عدت .. اول ما قال كده معرفش ليه حسيت انه قاصدني انا بالكلام ده مش حد تاني كان عندي احساس قوي بكده .. بعدين بشوية غير البايو تاني وكتب . . انا محتاج اتكلم حتي لو كلمتين بس هستناك تكلمني وقت ما تكون قادر تتكلم ..
كان عندي احساس قوي جدا انه عني انا .. مهو ممكن فعلاً بسبب ال حصل بينا يفتكرني انا ال بعتله الكلام ده ! والبنت الزفتة ال بعتت دي معرفش مين وكمان مش بترد يعني واضح حد عاوز يخليه حيران ومضايق وميعرفش مين . اكيد حد يعرفني ويعرفه وعمل كده بقصد مش مجرد صدفة !! مكنش هاين عليا أبداً خنقته دي وكل شوية يغير البايو ويكتب . يارب انا تعبت والله وفرهدت من التفكير . ممكن نتكلم .. طب أي حاجه !هتسيبني كده لامتي ؟ليه مش بتتكلم ؟
زعلت اوي ع زعله ده وحسيت لازم ادخل بس ازااي؟ لازم يفهم مش انا ال بعت حاجه ! لازم يرتاح من التفكير والفرهدة ال هو فيها دي .. فكرت كتير اعمل ايه وقررت هبعتله ع لينك صراحه انا كمان وفعلاً كتبت ..
مش انا ال بعت المسدج بتاعت ألم تعد تفتقدني .. معرفش ليه جاية اقولك اني مش انا ال بعتها مجرد احساس انك شاكك فيا عشان ردك عليها كان نفس ردك ع الحوار ال حصل قبل كده .. ف معرفش ممكن متكونش فكرت فيا أصلاً وممكن ميكونش ليا علاقة بالمسدج . مجرد احساس مش اكتر انك شاكك فيا .. وبس حبيت اعرفك مش انا وخلاص ..
لقيته بعدها بشوية كتب ف البايو .. طب بدل الحوارات والفرهدة دي كلها ممكن تكلمني حتي لو من اكونت فيك ! رديت عليه وقولتله ..
لاء طبعاً واكلمك ليه يعني !؟انا بس حبيت اوضحلك اني مش انا عشان متفكرش كتير ومش عاوزه اكون سبب في أذي نفسي لحد يفتكرني عملت حاجه وانا معملتهاش ! ومعرفش مين ال بعتها ولا ليا علاقة أصلاً بكل حاجه بتتبعتلك .. لقيته رد وقال .. يعني مابعتش حاجه خالص ؟ قولتله اه مش انا .. فرد وقال :طيب حصل خير كده انا فهمت وكل حاجه وضحت .
احتارت اكتر !! قصده اي بكل حاجه وضحت وفهمت ؟ معني كده انه فعلاً شك فيا اني بعت المسدج مهو مقالش لاء وافكر فيكي ليه وانتي مين أصلاً وحوار اي ال حصل ده ! يبقي هو عارفني فعلاً ومش ناسيني ولا ناسي الموقف ال حصل . بس ايه اللي فهمه ووضحله له واشمعنا قال كده من بعد رسالتي انا ؟ هو ليه حوالي 3 أيام محتار مين ال بيكلمه ومحدش بيرد عليه؟ كلامي أضاف له ايه عشان فهم كده وفهم ايه!؟؟
يوووه انا احترت ومش عارفه افكر وحتي منه قافله نت ليها اسبوع ومش عارفة اوصلها عشان احكيلها ع اللي حصل ! بس شيرين كانت بتفتح لكن هي بالذات مينفعش اكلمها عن الموضوع ده .. تاني يوم بالظبط لقيت كرلوله كتب ف البايو بتاعه ..
(هوِّن عليكَ يامسكين فما خالطت قلبهم يوماً ولكن شُبِّهَ لكَ وُدهم . ) يادي النيلة ليه بتقول كده يبني منا لو انت مش هاممني ولا خالطت قلبي ونسيتك زي ما انت فاكر ايه اللي هيخليني متابعه البروفايل بتاعك كده والبايو ال كل شوية تغيره ده وليه ابعتلك اني مش انا اللي بعت اول مسدج مهو كل ده عشان انت تهمني ويهمني متفضلش سهران كده ومش عارف تنام من كتير التفكير. يبقي ازاي بقي شُبه لكَ ودي .. اعملك اي يعني عشان تفهم! 🙂 مفيش ساعتين لقيت منه بتكلمني وحكيتلها ع ال حصل كله بالتفصيل وكنت عملت اسكرين كمان لكل مرة كرلوله بيغير فيها الباسو وبعتلها كل حاجه . منه: يلهوي ي أشرقت مش هتبطلي الدبش ده شوية ! هو اي ال مش انا ال بعت الرسالة وابعتلك ليه ولاء طبعاً اكلمك ليه .. يبنتي حرام عليكي ال بتعمليه فيه ده وكمان زعلانه انه بيقول هون عليك يا مسكين فما خالطت قلبهم يوما ولكن شبه لك ودهم ! طبعاً هو مسكين فعلاً وفاكرك معجبه بيه زي ما هو معجب بيكي ومش ناسياه لكن بكلامك الدبش ده أكدتيله انه مش ف بالك!
أشرقت: ليه يعني عاوزاني اقوله ايه ؟ ما فعلاً مبعتش حاجه وبعدين ازاي مش ف بالي وانا بنام وبصحي ع البروفايل بتاعه ومتابعه كل حاجه هو عبيط يعني ! ازاي هرد ع الكلام ده برغم انه مسح البوست من كام يوم يبقي شوفته ازاي غير لو بفتح صفحته كل شوية! وبعدين مين اللي بعتله كده ! منه: اممم مش عارفة لبه حاسه ممكن تكون شيرين ال عملت كده ؟ أشرقت : شيرين ! اكيد لا ء مش هي ..
