كنت حرفياً طايرة من الفرحة وأخيراً بعد كل الوقت ده وكل العياط والخنقة وكل الوِحدة ال كنت حاسه بيها ف غياب كرلوله هو دلوقتي قدامي وخلاص كلها كام ثانية بس واسمع صلاة المغرب بصوته 🥰 احساس قلبي كان صح قلبي كان بيقلي ان صلاة المغرب انهارده هتبقي بصوت كرلوله بدون أي دليل ملموس قلبي كان حاسس واحساس قلبي صح 🥺 آخر مرة كنت واقفة نفس الوقفة دي ع السطح وبسمع صوت ياسين كان يوم 21/2/2020 فصلاة الفجر وقتها صلي بسورة السجدة والإنسان.. وانهارده 2/11/2020بعد حوالي 8 شهور رجعت لنفس المكان ونفس الوقفة ودموع الفرحة فعيوني مش مصدقة والله وأخيراً 🥺💙💙 منه:يروحي انتي بتعيطي !!🥺 أشرقت: لاء انا فرحانه بس ومش مصدقة اني شوفت كرلوله تاني .. انا هسجل كل صلاة ليه دي آخر سنه لينا هنا وصوته هو ال بيصبرني ع مُر الأيام ..بالله عليكي متتكلميش أثناء الريكورد .. عشان إقامة الصلاة اهي وياسين هيصلي المغرب 🤭💙 منه:حاضر يسطا مش هتكلم 😁.. وقفت أسمع الصلاة وأخيراً ارتوي قلبي بصوت ياسين من تاني فقد طال اللقاء ..
كنت مبسوطة جداً وانا بسمع صوت ياسين بعد غياب طويييل جداً.. حتي هو صوته كان جميل جداً وباين عليه انه مبسوط وكله حيوية كده .. اول ركعه صلي بسورة النساء والركعة التانية كانت من سورة الزمر .. هو صحيح نسي آيه ف سورة النساء بس عداها كأنه مغلطش او ممكن مخدش باله اصلاً.. خلصت الصلاة وطبعا عملت ريكورد بس منه جات فنص الريكورد ورخمت عليا واتكلمت 🙂 . بعد ما فصلت الريكورد بعد الركعة التانية صليت انا ومنه ع السطح قبل ما ننزل .. خلصنا صلاة ووقفنا ف البلكونة اشوف ياسين خرج من المسجد ولا لسه .. منه: الناس كلها مشت من المسجد اومال فين ياسين ليكون مشي! اشرقت: لاء لسه جوا .. منه: عرفتي ازاي احنا كنا بنصلي اكيد مشي من غير ما ناخد بالنا.. اشرقت: لسه والله جوا اكيد مش هيمشي .. منه: عرفتي ازاي متقوليش احساسي 🙄 اشرقت: صح يسطااا احساسي 😁 منه: بقيتي حبيبة بقي واحساسي وقلبي والكلام ده !! اشرقت: مش كده بس هو بيصلي السنه الاول وبيتاخر شوية مش بيخرج بسرعه .. منه:اممم .. اشرقت: هتشوفي دلوقتي لما يخرج انه ممشيش لسه .. وانا بتكلم فعلا خرج ياسين فقولتلها باندفاع وثقة اهو شوفتي 🤭😌 منه: اوعااا الحب .. بس هو ياسين خس ولا انا بيتهيألي .. اشرقت: اه فعلا عشان بيروح الجيم بصي العضلات بقي فورمه خلاااص.. وشكله اتغير حتي مش جاي انهارده الصلاة بالجلابية بتاعت الصلاة ال كان بيلبسها زمان 😥.. وبقي يلبس كاجول عادي.. منه: ومالك بتقولي كده وانتي زعلانه ليه .. ده شكله بقي احلي من الاول .. اشرقت:محصلش.. بالنسبالي الاول كان احلي بكتييير انا حبيته بشكله الاول مش عايزاه يتغير باي شكل من الاشكال.. حباه زي ما هو بدون اي تغييير فيه . منه: الله يسطا يبقي هو ده الحب الحقيقي بيعيش يحبيبي مش عارفه ولا اي ولا عارفه باقي الاغنيه .. اشرقت: اغنية اي بس بوظتي المود يشيخة🙂 .. منه:خلاص يسطااا.. بصي بصي ادهم بيعمل اي ل ياسين .. ادهم كان واقف وبيشد ياسين من ايده وكانه بيقوله يلا نمشي وياسين واقف مش بيتحرك .. اشرقت: في اي يلااه يرخم انت كمان متسيبه يجدع شوية بقالي 8 شهور مش بشوفه وهو معاك كل يوم 😒 عشان انا ف الدور الاخير مش سامعه حاجه من الناس ف الشارع بس ع حسب ما فهمت ان ادهم بيشاور لياسين يلا نمشي ومفيش حد غيرنا ف الشارع ف ياسين مردش عليه وسابه يخلص كلام وبعدها راح قعد ع سلم سوبر ماركت عمو فتحتي .. السوبر ماركت مقفول اصلا ومحدش موجود ف الشارع غير ياسين وصاحبه .. ادهم بيحاول يقنع ياسين يمشوا وياسين بيعاند معاهم ومش بس كده ده قاعد ع السلم وكمان بص لفوق وهو مبتسم وكأن نظرته عارف اني واقفة ف البلكونه وشايفاه .. كان عنيد جدا وبرئ شبه الاطفال وقعد حط رجل ع رجل وبيظبط الشبشب ال لابسه يبني بتعمل ايييي ده شبشب مش شوز يعني !!😂😂🤦🏻♀️ هو مش عارف بيعمل اي بس بيستفز ادهم وخلاص .. صاااحبي يسطا عليا النعمة انا بحب الاستفزااز جدااا 😁 ادهم قال حاجه تاني ل ياسين اكيد بيقول يلا كفاية .. ف ياسين وقف فعلا وتقريباً قاله مش هرجع السكن تعالي نتمشي شوية ومشي فعلا وهو ماشي من الشارع خلاص بص تاني ع البلكونة بتاعتي وضحك ف ادهم ضربه ع كتفه .. اشرقت: يعيني يبني ده مش انتي بس ال اتهبلتي لما شوفتيه ده انتو الاتنين دماغكم طاارت يعيني الاجازة عملت فيكم كل ده !! اشرقت:بس يظريقة هو عمل اي يعني مهو طبيعي اهو..! منه: مين ده ال طبيعي ده كويس محدش كان ف الشارع كان افتكر فيه حاجه .. اشرقت: اصلا عادي هو بس كرلوله اكيد مش عايز يروح السكن عشان ليه فترة كبيرة مجاش أكيد وحشه المكان والمسجد وأصحابه وكده يعني .. منه: لا يشيخة وقعدته ع السلم دي وهو بيبص ع بلكونتنا وبيضحك وقاعد بينفض الشبشب!! ويقلعه ويلبسه تاني .. ده الواد دماغه طارت خاالص . اشرقت: بنت تقوليش كده ع كرلوله تاني 😒🔪 منه:وربنا انتي وكرلوله دماغكم باظت .. اشرقت: عادي يسطا الحياة تحتاج بعض من الجنان الحياة الروتينية الهادئة مملة .. منه:حصل .. صحيح انتي منزلتيش الشارع ليه ! مش كنتي بتنزلي بعد الصلاة! اشرقت:لاء مش بنزل غير بعد ما اصلي العشا عشان لو نزلت بعد المغرب يدوب شوية والعشا ياذن وبرجع اصلي وانا مكسلة ف بالمرة لما اصلي .. منه: اشطا يعني هننزل انهارده .. اشرقت : ان شاء الله بس تلبسي بدري بقي عشان منتاخرش .. منه:منتاخرش برضو ولا عشان تشوفي كرلوله!!😉 متقلقيش بعد ال عمله انهارده ده اكيد مش هيمشي العشا غير بعد ما يشوفك..
