تاني يوم وقت صلاة العشاء كنت واقفة باصة من الشباك معرفش ايه الفضول اللي جاني مرة واحدة كده عايزة اشوف الشيخ ده اللي كنت هخبط فيه .بس هعرفه ازاي وانا معرفش شكله أصلاً!! ومكنتش عايزة منه تلاحظني ولكن هي لاحظت طبعاً .
منه:واقفة عندك بتعملي اي يست أشرقت دلوقتي . أشرقت : امممم واقفة عادي يعني هكون بعمل اي . منه : اوعي يكون اللي في بالي صح . أشرقت : فيه اي يبنتي مالك غريبة كده ليه !! منه: أصل انتي مكنتيش بتبصي من الشباك فالوقت ده خالص ودايما وقت الصلاة بتقوليلي اقفل الشباك عشان صوت الشيخ اللي مش بيعجبك ومعرفش ازاي . أشرقت : اممممم معرفش ليه عايزة اشوفه .. منه : الله الله .. أشرقت : بس بقي حركاتك دي هو انا قلتلك هخطبه عايزة اشوفه بس يعني .. منه: اشطا هوريهولك عشان انتي متعرفهوش .. استني أهو الآذان خلص وهتلاقيه جاي من الناحية دي دلوقتي ...
بعد خمس دقايق.. منه: أشرقت بصي بصي بسرعه اهو هو ده اللي لابس عباية بني .. أشرقت : ياااه ده طلع صغير انا افتكرته حد كبير . منه: لاء يبنتي بيقولو طالب بس معرفش ف كلية اي ولا سنة كام . أشرقت : اها.. ما شاء الله الشارع كله وهو باصص ع الأرض ومش مركز مع حد معدي.. منه: ايوه فعلا الصراحة هو مش بيبص ع بنات ولا اي حاجه من اللي بيعملوها الشباب الايام دي هو محترم جدا دايما بيصلي ويمشي ع طول .. أشرقت : اللهم بارك ربنا يزيده قرب منه ... منه :امممم بقينا ندعيله كمان الله الله . أشرقت : خالتي اللتاتة مخلاص بقي في ايه . يلا عشان نصلي ..
تاني يوم الصبح ... أشرقت : سلاام بقي ي منه لو عوزتي حاجه رني عليا. منه: عايزة سلامتك. خليكي انهارده طيب وروحي بكره . أشرقت : ياريت كان ينفع بس قولت لبابا اني جاية انهارده . متقلقيش يومين بالظبط وهتلاقيني هنا. منه: إن شاء الله . توصلي بالسلامة . أشرقت : الله يسلمك يروحي . يلا سلام .منه محتضنة أشرقت : مع السلامة رني عليا اول ما توصلي طمنيني عليكي . أشرقت : حاضر .
في البيت ..
أشرقت : خد يمحمد يقمر انت بص جبتلك اي . محمد: الله حلوة اوي اللعبة دي . أشرقت : انتي احلي هات حضن . محمد محتضن أشرقت : شكراً ي شوشو
ندي: بعصبية محمد اسكت بقي مش عارفة اذاكر بسببك . محمد بحزن: طيب خلاص تعالي ي شوشو ف أوضتك نلعب مع بعض . أشرقت : يلا بينا .. أحلام : انتي هتعملي فيها صغيرة ولا ايه مين هيحضر الغدا دلوقتي. أشرقت بعصبية : وانا مالي انا لسه اللي راجعة وتعبانة وبعدين نص ساعة وبابا يجي من شغله. غدا ايه ده اللي احضره ف نص ساعة .. أحلام: طب غوري من وشي دلوقتي .. دخلت أوضتي من غير م أرد عليها عشان مش طالبة معايا خناق بصبر نفسي كلها يومين بالظبط وارتاح منها ..
عدي يومين وأخيراً رجعت السكن . بقيت احبه جدا وبرتاح نفسياً فيه وكأنه بيتي التاني ..
وقت صلاة العشاء . منه: أشرقت قومي يلا نصلي .. أشرقت : استني عايزة اسمع الصلاة . منه: ايه ده بتقولي اي ؟ أشرقت : اي يبنتي هو حد قالك اني مرات أبولهب ولا ايه ؟ اي الغريب ف اني اسمع الصلاة !! منه: سبحان مغير الأحوال مش ده اللي صوته وحش ومخيف . أشرقت : احم الفترة الأخيرة بقي يقرأ بخشوع ومش مخيف وصوته حلو شوية . منه :اها قولتيلي بقي . أشرقت : منه اسكتي بقي مبحبش الحركات دي وانتي عارفة. متروحش دماغك لبعيد. منه : ولا بعيد ولا قريب اهو هسكت .
انا مبقتش عارفه ايه اللي بيحصل جوايا . ازاي كنت شايفة صوت الشيخ ده مش حلو ومش بحب اسمعه وفجأة كده حبيت صوته وحبيت خشوعه اوي وبكاءه ده اللي كان بيخوفني . بقيت احب بكاءه وبيحسسني بعظمة الآية بجد وبيخليني ابحث عن معني الآية واشوف هو ليه متأثر بيها اوي كده . معرفش بيحصلي اي . بس اللي متأكده منه انها حاجه غريبة عمري م جربتها قبل كده...
