رجعت السكن أنا وندي . وندي حكت ال حصل ل منه ..
منه: أجمل حاجه ف ال حصل انك يا ندي وانتي بتحكي عن أشرقت بتقولي أختي عملت ... جميلة منك كلمة أختي ربنا يبارك فيكم ويديم المحبة بينكو يارب .. أشرقت: شوفتي ي منه بقي يتقال عليا أختي ازاااي 🥺🥺💙💙 ندي: انتي أجمل أخت ف الكون والله .. أشرقت : ياربي طب أرد عليكي بايه دلوقتي طيب هاتي حضن هاتي حضن ..
منه: أشرقت أكتر واحدة ف الكون مبتعرفش ترد ع الكلام الحلو ولما تتزنق بتقول هاتي حضن !! 😂😂
أشرقت:حصل . يبنتي الحضن ده أحلي حاجه وأعمق شعور تعبري بيه عن حبك. بقولك اي انتي كمان هاتي حضن عشان بحبك 😂😂💙 منه: روحي وأنا بحبك 😘😘💙 ندي: الحب ولع ف الدرة . بقولكم اي انا جعاااانه وبالمناسبة السعيدة دي قررت أعملكم أنا الغدا
منه: اشطا هنتغدي اي ؟ ندي: مكرونه وبانيه اي السؤال العجيب ده معروفه سكن يبقي مكرونه وبانيه . أشرقت: اوعي الثراء الفاحش يجدع طالما هناكل مكرونه وبانيه انهارده يبقي احنا أَغنِيه 😂😂 منه: حصل أنا معدتي وجعتني من كتر سندوتشات الجبنه .
_ اتغدينا وذاكرت ساعة وحسيت اني تعبت ومحتاجه انام شوية كان فاضل ساعة ونص ع آذان المغرب . طبعاً مستحيل أنام ع طول لازم عقلي الباطن ينكد عليا قبل ما أنام . فاضل خمس أيام ويخلص شهر 12 ونبدأ امتحانات ف أول شهر 1 ده طبعاً في حالة لو الدراسة مشت تمام ومحصلش تأجيل .. ولو انه الكل متوقع فيه تأجيل السنة دي كمان 🙂🙂
ياسين هو ال صلي المغرب انهارده . معرفش ازاي نسيت اظبط المنبه وأصحي قبل ما يجي عشان اشوفه . ده حتي مسمعتش آذان عمو فتحي !! معرفش ازااي صحيت بسرعة أول ما ياسين قال الله أكبر وهيبدأ يصلي !!
كرلوله دايماً مش بيطول ف صلاة المغرب زي صلاة العشا بيقرأ أكتر ف صلاة العشا. انهارده ف صلاة المغرب صلي بآيات من سورة الكهف عشان انهارده الجمعة . هو دايماً كل جمعة بيصلي من سورة الكهف بستني كل جمعة عشان أسمع سورة الكهف بصوته . أقرب يوم لقلبي هو يوم الجمعة . بحب جداً الوقت من بعد صلاة العصر أقعد ع السطح لغاية المغرب وأنا بصلي واقرأ قرءان وأذكر الله . بحس براحة نفسية اوي ف الوقت ده وكأن ربنا بيدينا هديه كل أسبوع بيوم الجمعة وساعة الاجابة فيه .. بس للاسف انهارده معرفتش اعمل كده بسبب اني كنت تعبانه كمان قلة النوم أثرت عليا فنمت بدون ما أحس بنفسي ..
بعد صلاة العشا كان نفسي جداً أنزل اشوف كرلوله . هو اه كل مره مستحيل اقدر ابص عليه والله لغاية دلوقتي عمري ما شوفت ملامحه عامله ازااي!! بس يكفيني جداً مجرد وجوده فنفس الشارع ال أنا فيه . من ناحية كنت برداانه جدا جدا ومكسلة أنزل ومن ناحية وده السبب الأكبر انه ندي دلوقتي بتقعدمعانا أغلب الوقت .. حتي بقت تنام ف اوضتنا فمش عايزاها تلاحظ حاجه .. بس فضلت واقفة ع السطح كتييير وانا شايفة ياسين واقف ف الشارع بس المرة دي مش لوحده كان معاه أدهم صاحبه .. وفجأة لقيت منه من ورايا بتنادي عليا ..
منه:اي يسطااا لسه ملبستيش ؟ مش نازلة انهارده ولا اي . أشرقت: مش قادرة أنزل الجو برد وتعبانه . منه: يشيخة قولي كلام غير ده بلا تعبانه . ده انتي بتكوني مطبقة من يومين ولا تلاتة ومش قادرة تتحركي واول ما بتسمعي صوت ياسين بتبقي زي الفل وبتنزلي تشوفيه جري !! ولا الفجر والجو تلج ع السطح بتطلعي هنا لوحدك ف البرد والضلمة عشان ياسين !في اي انهارده ! أشرقت: بصراحة مش عايزة ندي تلاحظ حاجه .. منه: طب وفيها اي ما تلاحظ ؟ أشرقت :ممكن بحُسن نية تحكي حاجه لمامتها ووقتها مش هقولك أحلام هتستغل الموقف ازاي وتخترع حاجات من عندها وتقول لبابا وانتي عارفة بابا ف الحاجات دي معندوش تفاهم . انا اه مش هخاف من بابا مثلا وأنسي أخاف من ربنا . حاشاه لله والله . أنا بحاول ع قد ما أقدر أراعي ده ومعملش ال يغضب ربنا مني وربنا وحده عالم الصراعات جوايا ..
منه: اننا نحب حد من قلبنا كده مش بإيدنا . ال هو انتي تكوني رافضة الحب ورافضة كل البشر ومش عايزة حد وفجأة تتكٍفي ع وشك كده وتلاقيكي غرقانه بالحب من قلبك ومتفهميش اشمعنا الشخص ده دوناً عن كل البشر خاصةً ف حالتك انتي وكرلوله كده .. بتحبو بعض من بعيد بدون ما تتكلمو زي ما بيحصل .. انا مش بلاقي تفسير لكل ده غير ان ربنا هو ال بيزرع جوانا الحب والقبول وربنا وحده القادر يزيل المشاعر دي . لا بُعد ولا إهمال ولا مسافات ولا أي حاجه قادرة تزيل الحب ده . وعشان انتو الاتنين بتراعو ربنا ومش بتكلمو بعض بدون حاجه رسمية عشان متغضبوش ربنا ف أنا واثقة بقُرب جبرك وربنا هيجمع بينكم ف النهايه .. وانتي بالذات مبتعرفيش تتصرفي وبتفضلي تزني عشان تنزلي تشوفيه وأول ما بتنزلي مش بتقدري تبصي فوشه حتي وبتمشي من الشارع. أشرقت : يارب ي منه ادعيلي كتيير بالله عليكي . منه: بدعيلك كتيير لا تقلقي ويلا ننزل عشان فاضلي سيكا واتجمد من البرد ده مش جايبة حاجه تقيلة معايا البسها .. أشرقت: لو عايزة تنزلي انزلي أنا هستني ياسين لما يمشي .. منه: يلهوي هو لسه واقف لوحده ف البرد ده من وقت ما صلي العشا لدلوقتي ؟؟ أشرقت: لا أدهم معاه .. منه: خديني جنبك كده اشوفهم بيعملو اي كل ده .. أشرقت: واقفين عادي اهم تلاقي وراهم حاجه ولا مستنيين حد وهيروحو مكان .. منه: هما مستنيين حد اه يسطا 😉 . أشرقت: اسكتي عشان انا هاين عليا أمسك أدهم ده أفشفش دماغه 🙂🙂🔪 منه:ليه يبنتي ما الواد غلبان اهو. أشرقت: شايفه الجاكيت الاسود ال لابسه ده اهو الجاكيت ده بتاع كرلوله ومعرفش يعني كتبه باسمه ولا اي وربنا بيلبسه اكتر منه شخصياً 😒 منه: 😂😂😂 انتي غيرانه من صاحبه يسطا !!. أشرقت: مش كفايه انه معاه كل يوم ليل نهار واكل شارب نايم وهو معاه كمان بيلبس هدومه كده كتير عليا النعمه 😢 منه: طب ما يمكن أصلا الجاكيت بتاع أدهم ! أشرقت:لاء بتاع ياسين بيلبسه من زمان من قبل ما يجي أدهم معاه أنا عارفه كل هدوم ياسين .. منه: عادي يبنتي ما احنا بنلبس من بعض وكل الصحاب كده .. أشرقت 🙂🙂🙂 منه: بصي بصي أدهم بيعمل اي ل ياسين ماله ده شكله اتعصب عليه وليه بيشده من هدومه كده! وربنا زي الأطفال هما الاتنين بيتخانقو ف الشارع ولا اي !! 😂😂 أشرقت: مش عارفه بس ال فهمته عشان احنا ف السادس ومستحيل نسمع بيقولو اي . بس من حركاتهم كرلوله واقف من بدري ف الشارع وكل شوية يبص ف الساعة وأدهم واقف جنبه وكل شوية يشاور بإيده وكأنه بيقوله يلا نمشي وياسين مش راضي .. منه: 😂😂 يلهوي أطفال أوي ..
في الشارع
أدهم : انت يعم انت الجو برد اخلص يعمل العاشق الولهان اخلص عايز امشي انا .. ياسين : ياخي استني شوية متبقاش غتت كده 😒 أدهم: شوية اي تااااااني ألطم !! وربنا ألطم !!! انت مش ملاحظ انه مفيش غيرنا ف الشارع ف الجو ده كل الناس قاعدين تحت البطاطين إلا احنا تقولش داخلين مسابقة مع البطاريق في تحمل درجات البروده !! ياسين : انشف شوية يلااه الجو جمييل اهو في اي؟ أدهم :حقك يسطا شكله الحب بيدفي ربنا يوعدنا 🙂 دنت حتي لابس نص كُم تحت الجاكيت ف التلج ده ! اخلص بقي ي ياسين زفت عشان فاضل لحظه وأسيبك لوحدك وأمشي عشان انت رخم وبقالنا كتير واقفين والساعة عشرة إلا يسطا مش هتنزل . مساكن البنات آخرها الساعه 10 ف يلا بينا جدع . وأدهم كان ماسك ياسين من الجاكيت بتاعه وبيشده معاه .
ياسين :مساكن بنات وتنزل اي بس !! انا واقف ف الشارع عادي ع فكره مش مستني حد 🦦
أدهم: اوماااااال وسايب كل الشوارع وواقف ف الشارع ده ليه يباشا ؟ ياسين : الجو هنا طراوة 😁😁 أدهم: امشي يلاه هتشلني قريب . اومال لو الدراسة اتأجلت هتعمل اي ي مسكين .. ياسين :ياخي اسكت بلاش السيرة دي . أدهم: طب اجيبلك قهوه ونيجي نعتكف هنا ف الشارع لغاية الفجر ؟ ياسين : مصاحب زنانه عليا النعمة امشي يلا لما اشوف آخرتها معاك ..
ع السطح عند أشرقت
منه: العيال دي اتهبلت ولا اي . شكلهم زي الأطفال والله وهما بيشدو ف بعض كده 😂😂 ده الحمد لله انه مفيش حد ف الشارع يشوف هبلهم ده .. أشرقت : احنا شوفنا 😁😁 منه: عملتي اي ف ياسين بس ي أشرقت حرام عليكي . أشرقت: أنا معملتش حاااجه .. يلا بينا ننزل عشان بردت . منه: سبحان الله دلوقتي ال حسيتي بالبرد !!😏😏😒
