منه: الصراحة انا لاحظته أكتر من مرة بيبصلك مش انهارده بس فاكرة كمان من كام يوم لما كان عندك سيكشن ع العصر كده هو كان خارج من المسجد وبصلك وحسيته اتوتر شوية . حتي انتي اتوتري وبصتيله بصة مش لطيفة وكأنك عايزة تتخانقي معاه. أشرقت :اها فاكرة وانتي عرفتي ازاي؟ منه: كنت باصة من الشباك وشوفتكم . أشرقت : اهو يعني مش بيتهيألي زي ما بحاول اقنع نفسي. يبقي هو فعلاً قليل الأدب وبيبص ع بنات وعامل فيها شيخ ربنا يهديه .. منه: لاء محصلش . الصراحة كده ومن غير ما تزعقيلي .. عشان عارفاكي مبتحبيش الشباب ال بتبص ع بنات ولا ليكي ف الحوارات بتاعت المراهقين دي.. بس هو الصراحة مش بيبص غير عليكي انتي بس.. أشرقت : ازاي يعني لاء اكيد مش واخدة بالك انتي بس .. منه: والله زي ما بقولك كده انا هنا من السنة اللي فاتت من قبلك واعرفه كويس عشان بحب ابص من الشباك وعمري ما شوفته بص ولو لبنت واحدة حتي .. انتي اول حد الاحظه يبص عليها .. مش يمكن ي أشرقت يبقي معجب بيكي ويخطبك بقي ونفرح . أشرقت : اي اللي انتي بتقوليه ده اكيد لاء يعني مفيش تفسير غير انه صايع واهو بنفسك شوفتي بيبصلي بتناحة ازاي دي اكيد مش اول مرة يعمل كده وفالح يعمل فيها شيخ . منه: ياشيخة حرام عليكي يعني اللي عنده الخشوع ده كله ف الصلاة هيبقي صايع برضه ؟!! أشرقت : معرفش بقي... وبعدين مش سمعتي البنت اللي قالت آخر سنة ليه واهو خلاص الاسبوع الجاي داخلين ع رمضان وبعدها الامتحانات وسلام بقي مش هيجي تاني .. منه: قولي كده بقي انك زعلتي عشان هو آخر سنة ليه. وانا اقول مالها دي قلبت فجأة ليه كده . أشرقت هاااا ولا زعلت ولا حاجه وانا مالي بيه . منه بقولك اي فكك مني عايزة انام عندي محاضرات الصبح بدري .. منه: بتهربي من الاعتراف ماشي ماشي بكره تيجي وتحكيلي ي أبيض يجميل انت ياللي ساحر عيون المشايخ .. أشرقت : منه بطلي بقي كلامك ده واطفي النور عايزة انام . منه: ماشي يسطا متنسيش تظبطي المنبه ع صلاة الفجر ولا اه نسيت صح الشيخ الكيرلي هيصحيكي بصوته ههههههه حرام عليكي ده اسم الكيرلي ايه الاسم ده . أشرقت حدفت منه بالمخدة:نامي بقي ي رخمة بطلي غلااسة .
معرفتش انام اليوم ده مشاعر مختلطة ما بين الفرح والحزن . معرفش ليه فرحت اوي من كلام منه انه الكيرلي مش بيبص لحد غيري انا ... متسألوش عن اسم الكيرلي الغريب ده اللي اخترعته بس انا معرفش اسمه وقررت اسميه الكيرلي عشان شعره كيرلي 😂. فرحت انه انا بس من وسط كل البنات لفت نظره . ونظرته ليا مش مفارقة خيالي ... صحيح كنت ف الأول بضايق لما يبصلي وكنت بقنع نفسي انه مش باصص عليا بس اهو حتي منه لاحظت يعني اكيد مش بيتهيألي . بس زعلت انه خلاص كلها شهر وشوية ومش هشوفه تاني. طب انا فرحانه دلوقتي ليه؟ وزعلانه انه ماشي ليه !!! يووووه يارب بقي خليني انساه انا كان مالي بس جيت السكن ده ليه .. فضلت افكر كتير لغاية قبل الفجر بساعة ف قومت صليت قيام الليل وقرأت شوية قرآن لحد آذان الفجر وصحيت منه وصلينا وطبعا كنت مركزة مع الكيرلي وهو بيصلي حبيت صوته جدا وبقيت استني الصلاة بصوته بفارغ الصبر وصوته ال مكانش عاجبني دلوقتي بقيت اسجله ودي بصراحة حاجه كل مالها ما بتخوفني اكتر ... عدي أسبوع وجيه رمضان وكان أحلي رمضان في حياتي كلها .. منظر الناس وهي بتصلي ف الشارع يفرح القلب... ولو انهم كانوا سادين الشارع وكمان بيصلوا قدام باب السكن فكان مستحيل حد يعرف يخرج غير بعد التراويح . بس منظرهم كان جميل اول مرة اشوفه كده . طبعا الكيرلي كان هو الامام طول شهر رمضان ف التراويح وكان ما شاء الله كل الناس بتحبه سواء كبير او صغير . فيه حاجه لله كده اي حد بيشوفه بيحبه من غير سبب..
-بعد صلاة التراويح.. نزلت انا ومنه نجيب خضار من عمو فتحي .. أشرقت :ازيك ي عمو عامل ايه . عمو فتحي : الحمد لله يبنتي انتو عاميلين ايه . منه وأشرقت : الحمد لله . منه: عمو عايزين كيلو بطاطس وكيلو بصل . عمو فتحي : حاضر من عنيا .. عمو فتحي ل أشرقت : ما شاء الله عليكي ي بنتي انتي وصاحبتك محترمين ولبسكم محترم مش زي بنات الأيام دي . أشرقت : شكراً ي عمو ادعيلنا بالهداية . عمرفتحي : ربنا يكرمكم ي بنتي والله . بقولك ايه رأيك ف الشيخ اللي بيصلي الفجر .. منه هامسة ل أشرقت : اوبااا في اي يسطا ....
