عدت الأيام وخلصت سنة 2019 خلاص أخيراً داخلين ع 2020 يوم رأس السنة كان نفسي انزل أتمشي وكده بس الشوارع كانت زحمة بغباء واحتفالات ملهاش اي تلاتين لزمه وانا مبحبش الدوشة ف مكنش ينفع أنزل .. بس نزلت يوم 1/1/2020 بعد صلاة العشاء وأخيراً الكيرلي جاه ياخي فينك كده من زمان مش بشوفك 🥺 حسيت قلبي فرحان جداً وانا بسمع الصلاة بصوته بعد غياب أكتر من أسبوع أخيراً .. كنت مخططة اني مش نازلة خاااالص بس معرفش ليه اول ما لقيته واقف عند المسجد لوحده حسيت برغبة شديدة اني لازم انزل .. قمت بسرعه لبست ونزلت لقيته لسه واقف فرحت جداً .. كان واقف مع واحد بس بيتكلم معاه عديت من جنبه كده كان شعور جميل جداً اول مرة ف حياتي امشي جنبه كده .. قلت الحمد لله هعوز ايه اكتر من اني سمعت صوته وعديت من جنبه كده رضي اوي .. دخلت الماركت اجيب شيبسي ع شوكولاتات ع بيبسي كده ل منه عشان بكره عيد ميلادها وانا بصراحه مفلسة بسبب الملازم والورق ال بجيبه الامتحانات خلاص بعد اربع أيام .. المهم عموفتحي كالعادة بيرحب بيا جداً وبيدعيلي .. بحب اروحله عشان دعواته دي والله . بحب جداً حد يدعيلي .. المهم جبت الحاجات خلاص ورايحة احاسب عشان امشي واذ فجأة الاقي الكيرلي داخل الماركت ... اتخضيت جداً اول ما سمعت صوته بيقول السلام عليكم بصيت بسرعه ايوه ده هو والله هو .. اول مرة اشوفه مبتسم كده وهو داخل مبتسم وباصصلي وكأنه بيكلمني انا .. الكيرلي : السلام عليكم . عموفتحي :وعليكم السلام ورحمة الله وبركاته . الشيخ ياسين عاش من شافك ياخي فينك كل ده .. الكيرلي : معلش بقي ي عمو فترة امتحانات وكده . انا قلت أجي أسلم عليك وماشي ع طول ..
هما بيحكو وعموفتحي تقرياً نسي انه ياخد الفلوس .. احساسي وقتها ان عموفتحي عاوزني اشوف ياسين أكتر .. أصل ازاي بيقوله عاش من شافك وفينك وهو كان بيصلي معاه المغرب والعشاء يعني معقوله مشوفتوش لا قبل ولا بعد الصلاة يراااجل دنا شايفاكم من الشباك واقفين بتسلمو ع بعض 😂🤦🏻♀️ . المهم الكيرلي بيقوله انا جاي أسلم عليك وماشي ع طول وهوب خد الكرسي من عند الباب وجابه تقريباً جنبي بمسافة قصيره .. انا اتوترت بغباء عشان فضل يلف حواليا مرة وقف من ناحية الجنب اليمين ومرة من الجنب الشمال ومرة تاني ورايا .. وانا ف سري بقوله .. يعم اتهد بقي واقعد بطولك ده وإلا هنخبط ف بعض من ام التوتر ال انا فيه ده والله اغوزك فوشك عشان تقعد يعني ولا ايه .. وأخيراً قعد بس كان قريب جدا مني .. انا اتكسف ف بعدت ع طول من جنبه ووقفت قصاده .. عشان تبقوا متخيلين هو الماركت ف النص كده فيه ترابيزة صغيرة وعمو فتحتي قاعد ع الكرسي كده نفس قعدة المدير . والكيرلي قاعد قصاده .. وانا واقفه من ناحية عموفتحي وقصاد الكيرلي بالظبط..
عموفتحي: ملكش حق يا ياسين تغيب الغيبة دي كل الناس اللي بتصلي بتسألني اومال الشيخ ياسين فين مبيجيش ليه .. ياسين : معلش ي عمو والله ورايا كورسات الفترة دي وامتحانات والدنيا ملغبطة معايا جامد .. دعواتك بقي .. عموفتحي: ربنا يوفقك ي شيخ .. طب ايه طيب ي عموفتحي انا هفضل واقفه شبه كيس الجوافة كده بينكم يعم خد فلوسك وهاتلي الباقي بقي خليني أمشي انا أعصابي سابت ومش قادرة اقف حتي .. أخيراً يعني عموفتحي حس بيا وانا بقول احم احم وخد حسابه وانا مشيت جري .. الحمد لله ان السكن ف نفس الشارع وأصلاً قصاد الماركت ع طول .. عشان كنت مبتسمه جداً لاء مبتسمة ايه انا كنت منشكحة جداً جداً😁😂. وانا طالعه السلم مفيش حاجه بتتردد ف دماغي غير .. الله ده جاه ورايا شوفتي ي بت ي أشرفت لما شافك دخلتي الماركت جاه وراكي ازاي .. الله دي اول مرة تحصل كل مرة هو اللي بيروح الاول بس المرة دي اثبتلك اكتر انه لما بيدخل الماركت بيكون عشانك انتي .. ولا ابتسامته ليكي.. ياااه هو لسه في حاجات جميلة كده ف الدنيا دي ..
في السكن : أشرقت : كل سنة وانتي طيبة ي أحلي أخت في حياتي .. منه: ايه ده !! اه صحيح ده انهارده عيد ميلادي دنا كنت نسيت خالص .. أشرقت: انا فاكره عيب عليكي يسطا .. منه: ربنا يباركلي فيك ي أجمل أخت فالكون كله .. أشرقت : ويحفظك ليا يروحي معلش بقي ي منه والله كان نفسي اجيبلك حاجه احلي من كده بس أختك فلست يختااااي 😂😂. منه: متقوليش كده ي حبيبتي والله وجودك معايا هو اكبر هديه ليا.. حضنت منه وفرحنا بعيد ميلادها .. منه: سيبك يسطا من عيد ميلادي والجو ده ايه الانشكاح ال انتي فيه ده مقبله ع الحياة كده ما شاء الله وعيونك بتطلع قلوب كتشييير اوي 😂 . أشرقت : يسطا انتي عارفة يسطا شوفتك اصلا وانا ف الشارع بصيت ع الشباك ولقيت باصه منه . منه:حصل حصل 😂 احكيلي بقي حصل ايه؟! أشرقت : انتي متخيلة كرلوله جاه ورايا الماركت !!؟ . منه: ايه كرلوله دي بقي دلع الكيرلي وكده 😂 أشرقت : ايوا خلاص هسميه كرلوله أحلي من الكيرلي واخف منها . منه: والله يبنتي انتي مجنونه وهتجننيني معاكي 😂🤦🏻♀️ يعني الراجل طول بعرض ما شاء الله وحافظ قرآن وفي الآخر يبقي اسمه كرلوله !؟
