بعد يومين كنا سهرانيين انا ومنه ع السطح بنحكي ولما نزلنا شقتنا لقينا شيرين واقعة ع الأرض وأغمي عليها حاولنا نفوقها بس مفيش فايدة .. أشرقت : ي منه مش بتفوق مفيش حل غير نروح المستشفي دلوقتي حالاً . منه :مستشفي ! بس الساعة 2 الفجر دلوقتي هننزل وحدنا ؟ أشرقت :مش مهم يعني هنسيبها تروح مننا ! البسي بسرعة ع بال ما اروح اقول للمشرفة عشان تلحق تلبس هي كمان ... نزلت عند ا لامشرفة ف الدور الأول وقولتلها ع ال حصل .. لبسنا كلنا بسرعة حتي انا نزلت بالشبشب من كتر ما كنت خايفة تحصل حاجه ل شيرين لو اتأخرنا عن كده . بس الحمد لله نزلنا بسرعة وخدنا تاكسي وروحتا ع المستشفي .. الدكتور هناك فوقها الحمد لله بس قالنا دي حالة نفسية وانها أكيد حد زعلها عشان يحصلها كده وانه لازم ناخد بالنا منها الفترة الجاية .. وطلب شوية حاجات من الصيدلية نجيبها .. روحت انا ومنه نشتريهم وسيبنا المشرفة مع شيرين . الصيدلية مكانتش بعيدة عن المستشفي كانت ف نفس الشارع .. واحنا راجعين حصل ال محدش يتوقعه .. انا كنت ماشية بسرعة جدا ومش مركزة ف الطريق للأسف كان فيه بلاعة صغيرة ف الأرض مفتوحة ومن غير ما آخد بالي وقعت فيها وعشان كنت لابسة الشبشب معرفش يحميني .. صباع رجلي الكبير اتجرح جرح عميق جدا معرفش دا ازاز ولا حديد من الأرض ولا ايه بالظبط . بس ال اعرفه اني كنت بموت حرفياً من الألم .. منه حاولت تهديني بس انا لما شوفت كمية الدم ال نازلة من رجلي اتخضيت أكتر كنت بعيط بغباء مش عارفة اهدي .. بتاع الأمن جابلي كرسي متحرك ودخلني بسرعة عند الدكتور .. الدكتور . هو اي ال حصل ايه الدم ده كله . هات يبني قطنة ومعقم من عندك بسرعه . منه هي ال كانت طول الوقت بتكلم الدكتور انا مكنتش عارفة اوقف عياط .. منه :كنا داخلين المستشفي بس في بلاعة برا عند الباب وقعت فيها واتجرحت . الدكتور : ايه دا حصل هنا ف المستشفي يعني ؟ منه :ايوه وع فكره ده اهمال منكم ازاي انتو مستشفي وتسيبو البلاعة مفتوحة يعني مش عارفين الخطر ف كده .. منه كانت هتتخانق مع الدكتور عشان الاهمال ال هما فيه بس انا شاورتلها تهدي خلاص ده قضاء وقدر ومفيش حاجه هتتغير خلااص . الدكتور طلب من التمريض ينضفو الجرح .. كنت فاكرة كده خلاص ومفيش حاجه بس الألم كان مش طبيعي .. الدكتور راح ورجع معاه اتنين دكاترة تاني ولما شافوا الجرح .... الدكتور : لا لا الجرح عميق جدا ي دكتور مش مجرد تنضيف وبس ده محتاج خياطة و فوراً كمان .. ومحتاج حقنة عشان لقدر الله ميحصلش تسمم ولا اي حاجه تاني مضرة .. وشاور للتمريض يجهزوا اوضة العمليات . انا اول ما سمعت عمليات وخياطة وحقن كنت مرعوبة وانهارت اكتر .. أشرقت :لا لاء انا انا كويسة مفيش حاجه بتوجعني خلاص مش محتاجه حقن ولا عمليات .. الدكتور: اهدي ي بابا لاوم الجرح يتخيط فوراً ولازم تاخدي الحقنة المضادة للتسمم عشان لقدر الله لو حصل تسمم ولا حاجه ف رجلك ممكن توصل انها تتقطع ... انا اترعب اكتر ومعرفش الدكتور ده بيتكلم بجد ولا بيضحك عليا عشان اخيط الجرح . بس فوضت أمري لله ومفيش نص ساعة وكنت ف أوضة العمليات .. قبل ما ادخل العمليات طلبت من منه تروح تشوف شيرين اخبارها ايه .. والحمد لله كانت حالتها مستقرة مفيش غير محلول بس هتخلصه وهتبقي أحسن ..
دخلت العمليات وحرفياً أصعب وقت عدي عليا ف حياتي . الألم كان لا يحتمل خاصةً الحقنة ال خدتها كانت ف الجرح نفسه ال انا أصلاً مش مستحملة حاجه فيه .. كمان اخدت حوالي خمس غرز عشان الجرح كان عميق . وكأن حقنة البنج مأثرتش بحاجه خالص . كل غزره منهم كانت بتطلع روحي معاها .. حاسة بكل الألم كنت هموت من كتر العياط ومش عارفه اوقف .. كنت بذكر الله ف سري عشان يخفف عني . الحمد لله ربنا اداني القوة واتحملت شوية .. الممرض ال كان واقف كان بيبصلي بشفقة ع اللي كنت فيه . سبحان الله داخلة المستشفي بكامل قوايا الجسدية وجاية مع صاحبتي المفروض انها هي اللي تعبانه . هي يدوب خدت محلول وبقت كويسة وانا اللي دخلت اوضة العمليات وخدت خمس غرز . القدر غريب وحرفياً محدش عارف بعد ثانية واحدة هيحصل فيه ايه !؟؟
بعد ما الدكتور خلص خياطة قالي لازم أغير ع الجرح كل يوم ومينفعش أبداً يجي عليه مايه واداني شوية تعليمات. .. ارتاحت شوية وبعدها مشينا من المستشفي وكانت الساعة 4 الفجر ..
