كانت أشرقت تجلس بغرفتها مع أخيها محمد الصغير كانا يلعبان سوياً ولكن هناك من جاء ليعكر عليهم ضحكاتهم ويقلب لحظات السعادة تلك ..
عم محمود والد أشرقت: أشرقت . فيه حاجه كده لازم نتكلم فيها . أشرقت: أكيد ي بابا اتفضل . عم محمود:ابن واحد صاحبي كلمني عشان يجي يتقدملك وأنا ادتهم معاد ع بكره بعد العشاء ان شاء الله. أشرقت بصدمة : نعم !! عم محمود : الولد كويس ومناسب وجاهز من كله وشقته مش ناقصها غيرك .. الخطوبة شهرين ونعمل كتب كتاب وفرح ان شاء الله .. جهزي نفسك بقي لبكره ..
كانت صدمة لا تصدق ل أشرقت . مرت عليها الأيام وكأن جبال العالم كله فوق قلبها . كادت تجف عيونها من الدمع ..
*في شقة أشرقت*
زوجها: انتي يا بومه هو انتي مش هتزهقي بقي وتبطلي تهربي مني كل يوم! منا بجيبك تاني انتي غبية ليه! انتي فاكرة هتعرفي تهربي مني ؟ الجن الأزرق ميقدرش يخفيكي عن عيني مهما حاولتي مش هتقدري . أشرقت: ياخي بكرهك بكرهك انت اي معندكش دم انا بكرهك وبتمني أبعد عنك حسبي الله فيك عمري ما هسامح بابا ع ال عمله فيا . لو آخر يوم ف عمري مش هبطل أهرب منك لغاية ما تختفي من حياتي نهائي ..
زوجها :ههههههه بتحلمي ومش هتعرفي تحققي الحلم ده خلاص أنا عرفت الحل الوحيد معاكي اي ..
*وجدت أشرقت نفسها في غرفة قديمة مظلمة تنبعث منها روائح كريهه وحولها آلاات حادة وكانت في غير وعيها بالكاد تفتح عينيها ببطئ وتعب شديدين .. كانت يدها مربوطة بحبال قوية لن تستطيع فكها مهما حاولت هي بالكاد تشعر بنفسها أصلاً .. أما عن رجليها ف الوضع مختلف تماماً ..
زوجها : رجلك دي ال بتمشي بيها وبتهربي بيها مني أنا هحرمك منها خااالص هقطعهالك وابقي وريني هتهربي مني تاني ازاي ..
أشرقت ببكاء بهستيريا : خلاص والله مش ههرب تاني هعملك ال انت عايزه بالله عليك سيبني اوعي تعمل كده والله هسمع كلامك بس سيبني حرام عليك .. زوجها : هههههههههه بحبك وانتي مذلولة ليا كده بس للأسف ده كان زمان خلاص بقي معدش ينفع يحبيبتي . أنا بعمل كده لمصلحتك عشان عايزك جنبي ع طوووول قلبي .
ظل هذا المجنون يضحك ويقهقه وهو يقطع رجلي أشرقت كاملتين وهي المسكينة تصرخ وتري الموت بعينيها حتي استيقظت من ذلك الكابوس المروع ..
أشرقت ببكاء : يا الله الكابوس ده تاني يارب رحمتك بحالي يارب تعبت والله ... ظلت أشرقت تبكي طوال اليوم وتشعر بخوف من حدوث ذلك الكابوس حتي أن رجليها كانت تشعر فيهما بألم غير طبيعي وتري أمامها نفسها وهي تتعذب من ذلك المجنون . هذا المشهد لم ولن يذهب من عقلها الباطن بسهوله !
*بعد مرور أسبوع*
منه: مش قادرة أصدق إنه السنة الجديدة ف الدراسة بدأت خلاص وهروح السكن من غيرك يا أشرقت . أشرقت: معلش يقلبي اهي آخر سنة وتتخرجي . وبعدين مش هتبقي وحدك ندي معاكِ . منه: محدش هيعوض غيابك يا أشرقت لو العالم كله مش هيعوض غيابك عني .. أشرقت: يا الله كسفتيني وربي 🙈 هاتي حضن بقي 🫂💙. منه: مش هتتغيري ي أشرقت مش بتعرفي تردي ع الكلام الحلو ودايماً ردك بحضن 😅 أشرقت:حصل 😅 منه:ياعيني عليك ي كرلوله لما هيقولك كلام حلو مش هتعرفي تردي عليه وهتقوليله هات حضن 😂😂 . أشرقت: والله يبنتي حتي الحضن هتكسف أقوله ربنا يصبره عليا
. منه:حصل ده أنا هدعيله كتير ربنا يصبره عليكِ 😂 أشرقت: شكراً 🙂 مش لما يجي بس الأول 🙂🙂 منه: (إِنَّهُۥ عَلَىٰ رَجۡعِهِۦ لَقَادِرٞ ) ربنا قادر يرجع غائبك . قادر يرجع فرحتك . قادر يرجع سعادة قلبك . قادر يرجع شعور الطمأنينة لقلبك . اطمني الله لطيفٌ بعباده وهيرجع إن شاء الله وهتكونوا من نصيب بعض .
أشرقت: آمين آمين .. عارفه امبارح جات في بالي آية (ٱللَّهُ لَطِيفُۢ بِعِبَادِهِۦ) وحسيت إني سمعتها بصوت كرلوله رغم إنه ليا زمان مسمعتهاش بصوته أصلاً . حتي هو مكنش بيصلي بيها غير مرة واحدة بس لما كنت منزلاها ع الفيس وهو كان لسه مجاش من بلده وجه تاني يوم وكانت صلاة المغرب وأول آية قالها بعد الفاتحة وقتها حسيت بسعادة مش طبيعيه وعمري ما أنسي اليوم ده كان بتاريخ 24/5/2021 . منه:ياااااه انتي كمان حافظة تاريخ اليوم ال جه فيه !! أشرقت:أيوه مش بس اليوم ده .. كل مرة كان بيجي فيها بحفظ تاريخها .. لأنه بيكون يوم مميز بالنسبالي وفرحتي فيه لا توصف . كل يوم كنت بشوفه فيه كان بالنسبالي يوم مميز . خاصةً اليوم ده لأنه وقتها نزل بلده فجأة وقعد 11 يوم وبعدين رجع. منه: يا الله وكمان حافظة الوقت ال بيقعده ف البيت . أشرقت: أيوه طبعاً ده المرة دي بالذات كنت هتجن منه معرفش نزل ليه وكان خلاص يعني الامتحانات وآخر سنة . المهم كنت واخدة قرار مع نفسي إني مش هنزل ولا هشوفه خالص عشان كل ده غاب عني . ف للأسف كان عندي كورس ف نفس اليوم ال جه فيه طبعاً مكنتش أعرف إنه جاي وكنت راجعة من الكورس بعد الصلاة فشوفته واتفاجئت وفرحت . بس بصتله كده 😒وكان باين عليا إني مضايقة منه . ف هو كان ماشي بس لما لمحني وقف مع واحد وخلاص . وأنا جبت حاجات من الصيدلية والسوبرماركت وكل ده ياسين واقف وأنا عامله نفسي مش شايفاه وخلاص بقي جاية أدخل السكن ف كنت قريبة منه وسمعته بيكلم الولد ال واقف معاه ف بيسأله اي الغبيبة دي . فهو بص عليا وعلّي صوته وقاله كنت ف أجازة والله .. وبعدها قاله اسم الكريم اي ؟ وربنا اتصدمت يعني هو كل الوقت ده بيحكي مع شخص أصلاً ميعرفوش !! منه: 😂😂😂أيوه فاكره اليوم ده كويس . أشرقت: أيام بقي وراحت كنت وقتها مبسوطة عكس دلوقتي . بس هي كده الدنيا.. السعادة فيها مؤقتة . سبحان الله تبقي فرحانه وحاسة قلبك طاير من الفرحة لدقائق معدودة وبعدها تزعلي عادي ولا كأن قلبك داق الفرحة قبل كده . وأشخاص بنحب وجودهم معانا ومفيش بينا مسافة خالص . وفجأة الحياة تبعدنا عنهم ويبقي بينا وبينهم جبال وبلاد ومسافات لا تُعد ولا تُحصي.. منه: دي سُنة الحياة وإن شاء الله ربنا هيجمعكم من تاني . أشرقت: آمين .
