تاني يوم لقيت كرلوله غير البايو عنده وكتب فربما تجمعنا أقددارنا ذات يوم بعد أن عز اللقاء ..
فرحت جداً انه غير تُنسي كأنك لم تكن .. اتاكدت انه بيدخل البروفايل عندي أكيد مفيش شك .. كنت فرحانه جداً ورجعت شغلت قصيدة ياولدي لا تبكي بصوته .. كانت اكتر حاجه بتواسيني ف الفترة دي كنت بسمعها اليوم كله يا اما هي او قرءان بصوته .. بحب صوته جداً ف القرءان بالنسبالي احلي صوت هو ف القرءان . كنت حابة انه ياخد حسنات كتير بسببي اني دايما بشغل قرءان بصوته . اطمنت جداً عن الاول وحسيت انه اكيد هو كمان مهتم بيا زي ما انا مهتمه بكل حرف بيكتبه ..كان جوايا احساس كبير انه في حاجه معاه مزعلاه حاسه انه مش طبيعي .. حتي احساسي ده مأثر ع أحلامي كنت دايماً بحلم بيه وهو قاعد وحده مهموم وبيقولي خليكي معايا .. يا اما احلم بيه بيصلي ف مسجد جنب بيتنا ويبكي جداً ف الصلاة وصوته حزين .. الحلم ده بيتكرر معايا كتير وبكون سامعه كل آيه بيقولها وبصحي فاكره الآيات ال كان بيقرأها كمان .. كأنه واقع مش حلم ابداً.. حسيت عايزة اطمنه اني حاسه بيه وبحزنه بدون ما يعبر عن حزنه ده ف كتبت بوست عند وانا كل كلمه كاتباها ليه هو ..
صديقي البعيد والأقرب لقلبي ..
أنا أشعرُ بك.. أشعرُ بألمك الذي لا تبوح به لأحد ياصديقي.. أعلم أنك في حالٍ سئ ولا تهتم بنفسك كثيراً ، وقد تكون تعاني من أرقٍ شديد وتفكيرٍ زائد يَحرمُك من الراحة والنوم...
لا تفعل هذا بنفسك يا صديقي. أنا هنا أحتاجك .. أنت أقوي مما تتخيل . لا تدع الهموم مصدر تعاستك في هذه الحياة . اتركها تأتي كما كتبها الله واعلم إن كان لك نصيب في شئ ما ستأخده مهما طال الأمر.
الله يدبرُ أمرك بينما أنت غارق في الأحزان. الله يدبرُ أمرك بينما أنت بسوء ظنك تعتقد أنها النهاية.
أُريد منك أن تبتسم قليلاً فأنت مصدر كل ما هو جميل في حياتي. بدونك الحياة لا تساوي شئ. سَأظلُّ معكَ للأبد. أنا هنا لن أتركَك. اللهُ معنا ولا شئ قادر علي أن يَجعلنا تُعَسَاء . نحن سُعداء بوجودنا معاً ..💙
مكتبش حاجه تدل انه فاهم البوست ده ليه .. بس اطمنت لما لقيته رجع يكتب بوستات تاني ويشير ميمز ويهزر مع أصحابه .. لما بيكون مضايق مش بيكتب او بوست ولا اي حاجه بيفضل اونلاين كده وبس..
عدي فترة كبيرة شهر مثلا او اكتر واحنا عادي مفيش جديد يعني زي محنا الا ان مرة بفتح بروفايل كرلوله لقيته كاتب ف البايو ايوه حصل فعلاً بس مكنتش اعرف ان الموضوع كبير للدرجة دي يعني!!..
زعلت جدا دي كانت اول مرة يكتب حاجه ومتكونش ليا .. معرفش ليه حسيت انه ممكن يكون فيه واحدة تاني ف حياته غيري وكل ال فات كان صدفة عادي وجات اللحظة ال كنت خايفة منها.. روحت غيرت البايو عندي وكتبت .. يؤلمني ان صديقي المفضل لديه صديق آخر مفضل غيري ..
مفيش نص ساعه كده غير البايو عنده وكتب .. صديقي العزيز لقد انهكتني المعارك واوخزت سهام الحزن قلبي مشهوه قليلا ولكن الي هذا الحد!!!؟
ال فهمته منها انه هو مخنوق وحزين لوحده ومش ناقص يعني وقد يكون فعلاً مش واضح ومشوه ف التعبير عن مشاعره لكن مش لدرجه اني افهم ان فيه واحدة تاني فحياته غيري .. حسيت اني اتسرعت وروح النكد حضرت بدري معايا. وحسيته اكيد مفيش شك الكلام ده ليا انا.. فحاولت اصلح ال عملته وكتبت .. اتمني لو استطيع حمل كل حزنك واخبئه في قلبي .. فقط لتكون بخير ياصديقي.. بعدها ع طول غير البايو عنده وكتب صديقي العزيز لقد انهكتني المعارك وأخزت سهام الحزن قلبي لكني بخير ..
حسيت بفرحه غرببة كده انه وبلا شك بيرد ع كلامي يعني انا بقول لتكون بخير وهو رجع عدلها وكتب لكني بخير .. لاء وال فرحني أكتر انه اول مرة يستخدم كلمة صديقي برغم انها عادية أصلاً بس مستخدمهاش قبل كده ابداً غير من بعد ما كتبت البوست ليه بتاع صديقي البعيد والأقرب لقلبي .. اتأكدت من هنا انه فهم اقصده هو بالكلام ده .. كنت فرحانة جداً وروحت حكيت كل حاجه ل منه .. منه: يروحي شوفتي عشان اقولك اهو متابعك يسطااا وربنا 😉 عارفه ما تقولي صدفة ومش عليا ونينينينيني هغوزك 🔪🙂
أشرقت:😂😂 لاء يسطاا اقتنعت خلاص انه متابعني .. قلبي حاسس بكده جداً.. بس انا حزينة لحزنه بيقولك انهكتني المعارك وأوخزت سهام الحزن قلبي .. يروحي كل ده ! معرفش اي ال في حياته مخليه يقول كده ربنا يفك كربه ويسعد قلبه .. هقوم أصلي قيام وادعيله .. منه: وانا ادعيلي انا صاحبتك من قبل ما تعرفيه ع فكره 😒 أشرقت: يسطاا وربنا بدعيلك من غير ما تطلبي عيب عليكي .. منه: 🙂🙂🙂🙂 أشرقت: اوباااا روح النكد حضرت اهي .. مالك يبنتي زعلانه ليه ؟منه : مفيش وازعل ليه يعني منا زي الفل اهو 🙂.. أشرقت: 😂😂واااااضح يسطاا شكلك بتغيري عليا .. عليا النعمة بتغيري عليااا يسطااا 😁
منه:ايوه يختي بغير وبغير جداً كمان 😪💔 أشرقت: عارفة انتي هتقوليلي .. فاكره لما كنا ف السكن واي واحده من بنات السكن تكلمني ونهزر مع بعض كنتي بتعملي فيا ايه 😂🤦🏻♀️ منه: اها فاكره 🙂 أشرقت: يبنتي وربنا انتي اكتر من اختي مش مجرد صديقة سكن انتي جوا قلبي والله ومكانتك مستحيل حد ياخدها مهما كان حتي لو ياسين .. كل واحد فيكم ليه جزء ف قلبي غير التاني .. انتو اقرب ما ليا دلوقتي من غيركم الله أعلم كان هيبقي حالي ازاي دلوقتي .. منه:والله وانتي حبك ف قلبي ملوش حدود .. وبدعيلك دايماً ربنا يجمعك انتي و ياسين عاجلاً غير آجل يارب واشوفك مبوسطة وأحلي عروسة يارب يقلبي 😘😘💙 أشرقت: اللهم آمين يارب واشوفك احلي عروسة مع الزوج الصالح ال يستاهل جمال قلبك 💙 .. منه: اللهم آمين.. يلا نقوم نصلي قيام وندعي لبعض .. الحب دعاء 💙💙
