كرلوله كمان هو ال أقام الصلاة .حياتي كلها عمري ما سمعت جمال صوت الآذان والإقامة بالشكل ده .. أقرب تشبيه لجمال صوته . صوت التكبيرات ال بيحيي روحنا من تاني وبنستناه بفارغ الصبر كل عيد ..
بدأت الصلاة وصوت ياسين كالعادة كان جميل بشكل مش طبيعي . قرأ الفاتحة من الركعة الأولي وبعدها سكت لكام ثانية كده . كان عندي احساس بشكل مش طبيعي انه هيصلي بسورة مريم دلوقتي وفنفس اللحظو ال لساني فيها بيردد (كٓهيعٓصٓ) كرلوله قالها فنفس الثانية.. يا الله ع احساس الفرحة وقتها لا يُوصف جمال الشعور والله .. أول مرة كان يصلي بسورة مريم من بدايتها كده.. هو اه طول السنين ال عدت بيصلي بسورة مريم بس كان دايماً أواخر السورة . لكن دي أول مرة يصلي بأولها . وكرر أكتر آيات أنا بحبها وكتبت عنها ف البوست امبارح .. (هو عليّ هينٌ) و (ألا تحزني ) يا الله ع صوته في الآيتين دول خاصةً. بعض من النعيم والله 💙 خلصت الصلاة وياريتها ما خلصت . لكن أنا عملت ريكورد للصلاة الجميلة دي كالعادة💙 استنيت كرلوله يخرج من الصلاة وهو خارج وقف ع أول الشارع كده وبص ع البلكونه ال انا واقفة عندها وابتسم وبعدها مشي .. حسيت بفرحة لا تُوصف. يبقي هو أكيد أكيد مفيش شك للحظة واحدة إنه شاف البوست ال لسه كاتباه من كام ساعه وعن حبي لسورة مريم . وعن ليه انا ببعد عنه الفترة دي ومش بنزل الشارع وقت ما يكون هو موجود خلاص كده فهمني وان شاء الله مش زعلان .. نزلت أوضتي بعد ما صليت الفجر ع السطح .. ولأول مرة من فترة طويييلة أنام . حطيت الهاند فري وشغلت الريكورد بتاع انهارده الفجر . ونمت 3 ساعات وصحيت . طبعاً ده إنجاز إنه أنام 3 ساعات متواصلين ... صحيت كانت منه نزلت الجامعة . أنا انهارده معنديش محاضرات ولا سكاشن احنا بقينا فنص شهر 12 وخلاص الامتحانات قربت وحقيقي مش عارفه هنمتحن ف ايه واحنا مخدناش اربع محاضرات ع بعض ف كل مادة بسبب تأجيل الدراسة وكورونا وغياب كتير من الدفعة .. اللهُ المُستعان ع سنة التخرج وتعدي ع خير ان شاء الله
رجعو ندي ومنه من محاضراتهم واتغدينا وقعدنا نذاكر وكان باين عليا اوي اني مبسوطة ومنه كانت بتلمحلي إنه كرلوله صلي الفجر بسورة مريم من بعد ما كتبت بوست عن إني بحبها .. كانت ندي قاعدة معانا . بس انا محكتش حاجه لندي خالص مش لسبب واضح بس عشان معتقدش إننا وصلنا لدرجة القُرب دي عشان أحكيلها أو عمري ما حكيتلها ع حاجه أصلاً وهي نفس الكلام .. طول عمري لوحدي ومش بحكي لحد حاجه لغاية ما قابلت منه وربنا عوضني بيها عن كل الوحش ال شوفته ف حياتي ..
منه: أشرقت صحيتي صليتي فجر انهارده؟ . أشرقت: اه صليت الحمد لله . منه: انا قلت كده برضو صحيت عشان نصلي سوا ملقتكيش . قلت اكيد طلعتي ع السطح وصليتي فوق . أشرقت: أيوه حصل .. ندي: ليه كده ي أشرقت يبنتي الجو تلج ف الفجر ازاي قدرتي تطلعي السطح وحدك .ده غير المكان ضلمة أصلاً واللمبات بتاعت السطح اتحرقت ومفيش نور والسطح واسع ومخيف بالليل . منه: 😂😂لا مهي بتلاقي ال يونسها متخافيش ع أختك ي ندي . ندي: بتلاقي ال يونسها ازااي يعني!!؟. بصيت ل منه نظرة حادة ومعناها تبطل هزارها ده وقلت. عادي ي ندي بستخدم كشاف الفون وبعدين الشارع كله إضاءة عادي. وأصلاً صوت القرءان ف الفجر بيطمني ف بحب أسمع اختلاط أصوات المساجد من ع السطح وكده يعني فمش بخاف.. منه:😂😂 اختلاط أصوات المساجد برضو!! ده سماعة مسجد عمو فتحي لوحدها بتغطي ع كل الأصوات . فجر انهارده بالذات كان جمييل عشان الإمام صلي بسورة مريم مش انتي بتحبيها برضو ي أشرقت وبتحبي تسمعيها وانتي مضايقة!!؟؟
أشرقت: ايوه يختي بحب سورة مريم فيها حاجه دي كمان!!! منه: لا يسطا مفيش انا بقولك بس لتكوني مخدتيش بالك ولا حاجه🤭😉 . أشرقت: منه اقعدي ساكته ورايا مذاكرة مش فاضيالك دلوقتي 😒😒
ندي: بمناسبة صوت الإمام . هو لسه طالب فعلاً!!؟ منه: ايوه لسه طالب ف كلية هندسة الأزهر .. ندي: اهااا عشان كده دلوقتي فهمت .. كنت مركزة مع ندي وهي بتتكلم عن ياسين ومقدرتش اسكت وسألتها. بتسألي عنه ليه؟ وفهمتي اي!! ندي:مفيش بس البنات ال معايا ف الشقة ملهمش سيرة غير عنه البنتين ال معايا ف الأوضة دول بالذات قرفوني من كتر الكلام عنه ليل نهار مبعرفش انام ولا اذاكر بسببهم . معرفش اي البنات دي والله . حسيت اني اتعصبت جداً معرفش ليه اتعصبت كده وقلت ل ندي: بيتكلمو عنه ازاي يعني بيقولو اي؟ ندي: انا مش بركز اوي معاهم بس عشان اوضتتا فيها شباك بلاحظهم بيقفو ع الشباك وقت الصلاة عشان يبصو عليه وبيقولو لبعض بصي عضلاته بصي سماره جميل بصي شعره كيرلي ازاي وجميل وكلام من بتاع البنات المراهقين ده .. أشرقت: سيبك منهم دول شوية بنات ملزقين وهو مش هيعبر ولا واحدة فيهم أصلاً.. منه: وانتي عرفتي من فين يسطا انه مش هيعبرهم ؟ 😉أشرقت: هااا. قصدي يعني يذكية واحد إمام ومُتخلق بأخلاق أهل القرءان وخشوعه ده ال ف الصلاة فكرك يعني هيبقي زي شباب الأيام دي ال ماشيين تعاكس ف خلق الله .. ندي: عندك حق ي أشرقت .. يلا بقي اسكتو وكفاية رغي كده خلينا نذاكر فيه مستقبل بيضيع هنا .. كنت سرحاانه ومضايقة من ال قالته ندي ف مسمعتهاش قالت اي ! ندي:مالك ي أشرقت ؟ أشرقت: هااا.. لا مفيش ي ندي بس مضايقة من مادة ال Syntax صعبة شوية ومش عارفه أذاكرها ومخدناش غير حاجات بسيطة فيها ومش عارفه هنمتحن ازاي ف كل ده !! ندي: سيبيها ع الله احنا نحاول نلم ف المنهج ع اد ما نقدر وربنا معانا ..
قبل العشا بساعه ندي طلعت شقتها عشان تنام شوية وتصحي تذاكر . هي ف كلية تربية قسم لغة عربية ..
منه:اهو بقينا لوحدنا احكي مضايقة ليه؟ أشرقت: مفيش بس المواد الترم ده متشرحتش وكده يعني ف خايفة من الامتحانات بس .. منه: مش عليا الكلام ده ي أشرقت انا عارفاكي كويس. انتي زعلتي من ال قالته ندي ع بنات شقتها وال بيقولوه ع ياسين .. أشرقت: هكدب لو قلت مزعلتش . بس مش فاهمه انا ليه اتعصبت اوي كده مكنش قصدي اخلي ندي تلاحظ وشكلها فهمت .. انا بس لما بحب حد مش عايزة حد يشاركني فيه بكون عايزة اخبيه من العالم كله ومحدش يشوفه غيري. انا بغير عليه من أدهم صاحبه ال كل يوم معاه ف كل وقت نايم آكل شارب معاه . البنات دول والله مش مهمين عندي وانا عارفه من اول السنة دي ان الموقف ده هيحصل ومتوقعة غيرهم كمان من السكن معجبين بيه مش الاتنين ال قالت عنهم ندي بس. ال مضايقني انه دي السنة التالتة وانا اعرفه ف حاسة خلاص انه بقي جزء مني يعني وحد يخصني ومش عايزة حد يقرب منه مهما كان مين 🙂🔪 وبعدين مش هو كان قدامهم طول السنين ال عدت؟ ولا يعني لما راح الجيم واهتم بنفسه شوية فجأة بقي حلو فعيونهم سبحان الله !! داهية تاخدهم 😒
منه:😂😂 يبنتي اهدي هما مش بيحبوه اكيد ده مش حب . هما عاجبهم شكله وصوته وكده بس. أشرقت: انتي بتقولي قدامي انهم بيحبوه😒🔪🔪🔪 منه: يختااااي فهمتي غلط ياربي هتقتليني ولا اي . يسطا بقول انه محدش بيحبه غيرك انتي وبس محدش اتحمل عذاب وعياط طول الليل غيرك انتي وهو ميعرفش حد غيرك ف السكن ده وانتي عارفه ده كويس ومحدش هيتجوزه غيرك يسطا إن شاء الله ..
أشرقت:ايوه كده جدعة .. سكت فجأة وبان عليا إنه بفكر ف حاجه. منه: مالك انتي زعلتي ولا اي ؟ أشرقت:لاء .. منه:يبنتي قولي بقا مااالك حصل اي؟
أشرقت:تفتكري يعني هو ياسين فعلاً بيحبني زي ما بحبه وفعلاً كان متعذب أيام ما كنا سبع شهور اجازة ف البيت عشان مش بنشوف بعض. وانه فعلاً كل تلميحاته دي ليا انا. مش يمكن كل ده حصل صدفة .. مش يمكن صدفة انهارده صلي الفجر بسورة مريم وصدفة كل مرة لما بضايق بينزل حاجه مرتبطة بال كنت كاتباه قبلها!!؟ منه:يلهوووييييي هتجيبيلي الشلل كل ده صدفة ازااااي وربنا انا ال هقتلك دلوقتي ...
