عمو فتحي : ربنا يكرمكم ي بنتي والله . بقولك ايه رأيك ف الشيخ اللي بيصلي الفجر .. منه هامسة ل أشرقت : اوبااا في اي يسطا .... مسكت منة من ايدها عشان تسكت .. أشرقت : رأيي فيه ازاي يعني يعمو مش فاهمه ؟ عمو فتحي: يعني فيه وف شخصيته وكده . أشرقت بتوتر :احم .. هو صوته حلو ما شاء الله يعني لكن بالنسبه لرأيي فيه أو ف شخصيته ف انا معرفهوش والله عشان اقول رأيي فيه يعني. عموفتحي: صح متعرفهوش بس جايز تتعرفوا .. أشرقت : نتعرف ازاي مش فاهمة!! عموفتحتي: بصراحة أصل أنا بدورله ع عروسة مناسبة تبقي محترمة وبنت ناس وعارفة ربنا زيك كده ي بنتي . هو قالي اشوفله واحدة محترمة مش زي بنات الأيام دي.. ولقيتك مناسبة ليه حتي انتو الاتنين سبحان الله نفس الطبع وشبه بعض كمان . أشرقت : حسيت قلبي هيقف من الموقف المحرج ال اتحطيت فيه اول مرة حد يقولي كده معرفتش ارد بايه . انا للاسف دبش شوية .. اوك شويتين تلاتة... ولقيتني فجأة بقوله بعصبيه. اكيد لاء يعني مش هينفع انا لسه مخلصتش تعليم وبعدين ازاي شبه بعض هو ميعرفنيش اصلاً انا آسفة ي عمو بس مش هينفع . عموفتحي: ليه ي بنتي ده شاب محترم والكل يشهد بأخلاقه وعمره ما اتعرف ع بنت ولا كلم بنت بالعكس البنات اللي ف سكنكم الله يهديهم بيجوا يقولوله حفظنا قرآن وكلام من ده وهو بيتحط ف مواقف محرجه وحتي لو كلمهم مش بيبص ولا لواحدة فيهم ووشه دايماً للناحية التانية ... أشرقت : ما شاء الله ربنا يحفظه بس ي عمو حضرتك فاجأتني بالموضوع ده و... عموفتحي: خلاص يبنتي انا فاهمك خدي وقتك وفكري وردي عليا .. أشرقت : تماام عن اذن حضرتك..
في السكن.... منه : ايه يعبيطة الدبش ال اتكلم مرة واحدة ده ايه يبنتي حرام عليكي حد يرفض واحد زي ده . أشرقت : يووووه بقي ي منه خلاص اهو اللي حصل انا معرفش قولت كده ليه. انا بخاف اوي من فكرة الجواز والمسؤولية وانه ممكن ميكونش مناسب واتعب بعدين . منه: ي حبيبتي بس ده مختلف والله عن اي حد .. أشرقت : وانا اضمن من فين هو انا اعرفه اصلاً يدوب شوفته كام مرة. وبعدين هو اكيد عموفتحي بيهزر مش قصده حاجه . منه: بيهزر اي انتي عبيطة! هو في هزار ف حاجة زي دي ده أكيد الكيرلي بنفسه اللي كلمه ف الموضوع ده . أشرقت : لا لا معتقدش اكيد هو مقالوش حاجه ممكن يكون عن شيخ تاني متنسيش فيه اتنين تاني بيصلوا بالناس امام ف مسجده . منه: اهو قاعدين والأيام هتثبتلك اللي بقوله ...
عدت الأيام شبه بعضها مكنتش بنزل الشارع غير عشان اجيب حاجه ضرورية حاولت امنع نفسي من كل حاجه تقربني من الكيرلي . معرفش ليه خايفة أقرب منه كنت دايما بقول لنفسي ايه العبط ال انتي فيه ده ي أشرقت بتحبي واحد متعرفيش عنه أي حاجه ده أبسط معلومة عنه زي اسمه متعرفيهاش .. ولا تعرفي شكله ولا ملامحه ولا حاجه خالص. كنت دايماً بتكسف وعمري ما قدرت ابص ع وشه ولا اشوف ملامحه. اعرف هيئته بس.. بطلي عبط وفوقي كده لنفسك الولد كلها كام يوم وهيخلص كلية ويرجع ل بلده وكل واحد من طريق وانتي لسه متعرفهوش اهو لسه ف البداية حاولي تبعدي عنه بكل الطرق الممكنة . فعلاً حاولت كتير ابعد عنه بس منجحتش اوي . كنت بحب ابص عليه وهو بيصلي التراويح بس مش كل يوم . وكنت بحب اسجل صوته كمان مش دايما بس مرات كنت بسجل لما يقرأ من السور ال بحبها. كنت دايماً بقنع عقلي ممكن ده مجرد اعجاب مش اكتر لانه منطقياً انا لا اعرفه ولا هو يعرفني . حتي عموفتحي مكنتش بشتري منه وكنت بتجنب اروح عنده وكنت بقنع نفسي انه لما قالي عن شيخ يتجوزني وكده اكيد مكنش عليه هو عشان كان فيه اكتر من واحد بيصلي امام غيره.. ف ليه ميكونش عن حد تاني ولو كان هو فعلاً كان عرفني تفاصيل أكتر. صحيح انا اللي مش بروح عنده بس اكيد ف أكتر من طريقة تاني يعرفني بيها... وكنت خلاص قربت انساه ومفكرش فيه كتير زي الأول وبطلت ابص عليه ف الصلاة لكن معرفش ليه كنت كل ما بصلي وانا ساجدة بشوفه قدامي. كنت هتجنن ياربي ازاي كده من وسط كل الناس دي اشوفه هو . كنت بقنع نفسي مجرد وهم عشان ببص عليه هو والمصلين من الشباك.. بس ملقتش اي تفسير اشمعنا هو اللي صورته بتيجي قدامي رغم انه فيه مئات الناس ال بتصلي غيره معرفش.. بس كنت بهرب من كل
حاجه تقربني منه ...
