منه:مش قولتلك استنيني .. ايه ده انتي بتعيطي ليه دلوقتي ؟ أشرقت:معرفش .. تفتكري خلاص كده كل حاجه خلصت ؟ تفتكري هو مش ليا وربنا بيبعدنا عن بعض ! تفتكري انه مكنش معجب بيا ولا حاجه وكان بيروح عادي عند عمو فتحي وكان بيقف ف الشارع لوحده كده عادي مش عشاني !؟؟
منه: لاء طبعاً معتقدش كده خالص ي أشرقت انتي مشوفتيش هو كان ازاي قبلك والله مكنش بيعمل اي حاجه من دي خالص . كان من المسجد ع السكن ع طول مكنش يقف خالص ف الشارع وحده زي دلوقتي عمره ما عملها ولا انه يروح يقعد مع عمو فتحي كل الوقت ده .. أشرقت: قلتلها والدموع نازلة مني . انا اللي واجعني اكتر احساس قلبي القوي بيه حاسة قلبي متعلق بيه انا عمري ما حسيت بالاحساس ده قبل كده .. انت خايفة نمشي ومعرفش اشوفه تاني .. تعبت من الاحساس ده وصليت استخارة وانا كنت خايفة جدا انه احساسي يتغير ناحيته . بس بالعكس زاد اكتر ده غير الحلم ال شوفته بعدها بكام يوم .. منه حضنتني وقالت:اهدي طيب كفاية عياط احكيلي بقي حلم ايه ده .. حكيتلها الحلم . منه: اللهم باارك والله حلم جميل اوي وهيحصل قريب ان شاء الله عارفه حسسني كأنه كتب كتابكم كده ان انتو الاتنين جنب بعض وحد بيقرأ حاجه شبه القرآن ومعاه مصحف كأنه المأذون . أشرقت:ياارب يااارب ادعيلي كتير.. منه: بدعيلك ع طول بس انا مش عايزاكي تزعلي حتي لو الدراسة اتأجلت . لانها هتتأجل أكيد . أشرقت:انا مش عشانه هو بس انتي متعرفيش بعيش ازاي ف البيت والله بتمني الموت ألف مرة ف اليوم من كره أحلام وبنتها ليا وانا معملتش اي حاجه وحشه معاهم .. وانتي كمان هتوحشيني اوي كنتي بتهوني عليا كتير ازاي مش هشوفك كل يوم .. منه: وانتي والله هتوحشيني جدا واكيد هنتكلم كل يوم .. مش عيزاكي تزعلي بسبب ال بتعمله أحلام وبنتها خليكي متأكده ان لو ربنا حطك ف موقف جعل فيكي قوة تتحمليه ربنا مش هيحملك فوق طاقتك ابداً . هتعدي والله .. أشرقت: ان شاء الله .. كنا بنتكلم انا ومنه وفجأة ببص ع الشارع لقيت كرلوله معدي ف الشارع نطيت بسرعه كده من ع الكرسي عشان اقف اشوفه ولقيته كان باصص ع السطح أصلاً وكأنه عارف ان دي انا .. منه: يبنتي اهدي شوية خضتيني والله وانا اقول مالها دي نطت كده ليه .. أشرقت: م خلاص كلها كام يوم ومش هشوفه تاني . منه:لاء هتشوفيه ان شاء الله .. أشرقت: بس انا هموت واعرف ازاي بيعرفني ان انا الللي واقفة دي واحنا بالليل . منه: يبنتي بنبقي باينين والله حتي لو بالليل مش ده كلامك حتي دايماً بتقوليلي البس طرحه ومينفتش اقف بنص كم عشان الشارع . أشرقت : ايوه صح .. منه:بعدين تعالي هنا ليه تخلي شيرين تعرف صفحه ياسين ع الفيس مش خايفة تعمل حاجه ؟ أشرقت:حاجه زي اي ؟ منه: تدخل تكلمه عنك مثلاً . أشرقت: يالهوي لو عملت كده لا لا ان شاء الله مش هتعمل كده اهو اللي حصل بقي انا واثقة مهما حصل أكيد ربنا هيجعل فيه الخير . منه:ان شاء الله خير . تاني يوم شيرين روحت بيتها . أهلها كلموها عشان حوار الكورونا ده وقالولها ان الدراسة ممكن تتأجل وتعالي وكده .. تاني يوم لقيتها بتكلمني ع الماسنجر استغربت لاننا دايما بنتكلم واتس . الغريبة انها بتقولي .. أشرقت عاوزه اقولك حاجه بس خايفة من ردة فعلك وتفهميني غلط .. قلت ل منه ع الرسالة ومنه جات قعدة جنبي .. منه: قوليلها متخافيش عملتي ايه ؟ بعتلها كده فعلاً لقيتها بتقولي انا كلمت ياسين ع الفيس . انا شوفت الرسالة من هنا وقلبي وقع من هنا .. أشرقت : يلهوي ي منه الحقيني اللي قولتي عليه حصل اهو . وفضلت اعيط بقي كتير معرفش ليه حسيت فيه حاجه مش صح حصلت .. منه: يبنتي اهدي بس خلينا نشوف النيلة دي هببت ايه . ابعتيلها قولتيله ايه ؟ . لقيتها بعتتلي اسكرين وريكوردات بصوت ياسين كنت اول مرة اسمعه يتكلم بس للاسف كان نفسي يبقي موقف أفضل منه كده .. شيرين بعتتله الاول قالتله تعرف أشرقت البنت اللي خلاك عموفتحي تشوفها ف السوبر ماركت قبل كده . فرد عليها ياسين وقالها .. اه فاكر الموقف ده لكن مش فاكر هي مين الموقف ده من زمان ومكنتش مركز .. وعموفتحي مقاليش ع اسمها .. بعتتله شيرين تفاصيل اكتر عن الموقف فقالها اه افتكرت . قالتله طب ايه هو انت بجد طلبت ايدها وكده ولا ايه اصل هي افتكرت عموفتحي بيتكلم بجد والبنت مش مركزه ومش عارفه تعمل ايه وهي رفضت كذا مرة عشان لسه مخلصتش دراسة وكده بس عموفتحي مازال بيلمحلها للموضوع وهي مش عارفه تتصرف معاه ازاي ف بعد اذنك شوف الحوار ده . واذا ممكن تتكلموا وتتعرفوا ع بعض وكده وحتي انت كمان كل ما هي بتدخل السوبر ماركت انت بتبصلها وكده .. ياسين : بجد آسف ع اللي حصل ده في سوء تفاهم معرفش عموفتحي كان وصلها ايه عني ومعرفش اذا هي تعرفني او لاء .. بس عموفتحي كان بيهزر .. وانا معرفش هي مين عشان وقتها كان فيه اكتر من بنت وانا ما بصتلهاش مش فكرة بعمل محترم وكده بس فعلاً مبصتش عليها ... حتي انا مش جاهز خالص لفكرة ارتباط او جواز دلوقتي الظروف ال انا فيه والدراسة وحتي حاليا عندي مشروع للكلية ولسالي سنتين ف الكلية وحاجات كتير تمنعني اني آخد خطوة زي دي دلوقتي ف اكيد مش هتكلم ف الموضوع ده تاني غير لو كنت ناوي فعلاً ع جواز وكده .. أما بالنسبة لفكرة اننا نتكلم ونتعرف ف ده ف حد ذاته حرام يعني .. هو مش حرام طبعا لو واحد معجب بواحدة يقولها او واحدة معجبه بواحد تقوله بس فكرة الكلام بينهم بدون حاجه رسمية ده في حد ذاته حرام ودي حاجه انا اتربيت عليها وديني بيقولي كده .. وهيبقي فيه حرمانية عليا وعليها .. ف آسف جدا جدا يعني ع اللي حصل وقتها يمكن فعلاً وقتها شوفتها وبصتلها وكده بس مش عاااارف .. هحاول اشوف عموفتحي بخصوص الموضوع ده ..
