اتأكدت ان ياسين خلاص مشي .. قومت لبست ونزلت انا ومنه .. مكنتش عايزة انزل كان جوايا احساس اني ممكن اشوفه صدفه .. انا بحاول اهرب منه فكل مكان بحاول ابعد عنه فكل وقت إلا وقت الصلاة ده لازم اعمل ريكورد للصلاة .. دي الحاجه الوحيدة ال بتؤنس وحدتي طول فترة الاجازة.. اتعودت عليه جداً وده اسوأ حاجه وصلتلها .. كل حاجه بتعلق بيها مبتكملش ! قادرة اتحمل اي حاجه إلا ان الدراسة تتأجل تاني ونرجع أكتر من 7 شهور تاني ف البيت .. يارب ميحصلش والمعاناه تتكرر تاني ..
نزلنا نتمشي ومنه جابتلي عصير قصب وكانت بتحاول تحكي معايا طول الطريق وتنسيني حزني .. تظاهرت اني مبسوطه عشانها وعشان تحس اني بحبها وانها هي الوحيدة من بعد ياسين ال بتهون عليا .. اتمشينا شوية وخلااص وقت السكن فاضل تِلت ساعة ويقفل .. حسيت براحه نوعاً ما ان ولأول مرة احساسي مكنش صحيح ومقابلتش كرلوله خالص واحنا بنتمشي .. بس للأسف احساسي بيرفض انه يتهزم ف يوم .. وشوفته ع اول شارع السكن كان رايح السكن بتاعه وكان شايل شنطة وشكله كان راجع من الجيم .. اول ما لمحته لقيته كان باصص عليا وشكله كان شايفني وانا جاية من بعيد واستغربت هو ليه واقف كده ومدخلش شارع السكن بتاعه .. اول ما قربت منه كنت شايفاه مركز معايا جداً وانا عملت نفسي بعمل حاجه ف الفون وكأني مش شايفاه بس انا شايفاه كويس ..
منه:أشرقت: ياسين اهو واقف عند اول الشارع . أشرقت: ايوا شوفته خلاص اعملي كأنك مش شايفاه وتعالي نتمشي من ناحية الجامعة .. منه: نتمشي تاني!!؟ أشرقت: امشي ي منه وانتي ساكته هفهمك بعدين ..
بعد ما بعدنا عن ياسين .. منه: اهو بعدنا مشيتي وليه وعملتي نفسك مش واخدة بالك ليه .. دنتي كنتي اول ما تشوفيه تخلينا نقف ف الشارع ولو دقيقة واحدة اول مرة تمشي وتطنشيه كده ..
أشرقت: مش طنشته .. انا بحاول متعلقش بيه ي منه زي ما قولتلك وانا حاسة الدراسة هتتأجل وخايفة ارجع أعاني تاني زي الأول .. عارفه اي ال بيتعبني اكتر .. هو كمان بيكون زعلان زيي معرفش بقي سبب حزنه ده عشان بعدنا عن بعض ومش بنشوف بعض ولا عشان حاجة تاني بس ف كل الحالات بيكتب بوستات حزينة وعميقة وانا يعز عليا حزنه جداً .. وبتخنق عشان مش عارفه اعمله حاجه أخرجه من حزنه ده أياً كان سببه .. لا حيلة لي إلا الدعاء.. بدعيله وبس .. والله بدعيله قبل ما ادعي لنفسي حتي او يمكن مش بدعي لنفسي أساساً.. اني اشوفه مبسوط ومرتاح دي أهم حاجه عندي .. يمكن الدعوة الوحيدة ال بدعي بيها لنفسي ان ربنا يهديني ويصلح حالي وحال قلبي ويقربني ليه ودي اهم دعوة عندي والله .. وبدعي ربنا ميعلقش قلبي ب كرلولة وبعدين يحرمني منه .. انا خايفة من كده ودايماً بقول يارب لو احنا مش من نصيب بعض انزع حبه من قلبي زي ما زرعته فيه وخليني محبش اسمع صوته ولا اتعلق بصوته للدرجة دي .. ولو احنا من نصيب بعض قربنا اكتر واجمعنا في حلالك عاجلاً غير آجل .. منه: متقلقيش ي قلبي سلمي أمرك لله والله لن يخذلك أبداً وإن شاء الله هيجمعكم قريب ياارب وافرح بيكم .. أشرقت: ياارب ياارب ي منه ادعيلنا كتير.. منه: لا تقلقي بدعيلك كتير يسطا أشرقت:ولكِ مثل كل دعوة .. عارفه بحبك جدا لما بتقلدي طريقة كلامي 💙 منه: بقلدك !هو انا قلت اي؟؟ ااااه عشان قلت لا تقلقي بالفصحي زيك يبنتي وربنا مخدتش بالي اني قولتها .. ال بيحب حد لا إرادياً بيتكلم زيه وأنا بحبك 💙 أشرقت: ياربي وربنا وانا بحبك مش عارفه اقولك اي وامشي بقي نرجع السكن لاحضنك فنص الشارع دلوقتي 😁..
احنا مكملناش خمس دقايق ورجعنا .. الغريبه ان اول ما وصلنا شارع السكن لقيت كراوله لسه واقف ف الشارع بتاع السكن بتاعه .. شارعنا والشارع بتاعه قصاد بعض أصلاً.. انا اتفاجئت جداً انه مازال واقف لسه!! بصتله باستغراب وهو فضل مركز معايا .. معرفش ليه شوفت ف عينه نظرة حزن .. هو كان باصص عليا وكأنه عايز يقولي حاجه بس مش متكلم .. دي كانت اول مرة ابصله كده .. كل مرة بشوفه فيها مش بقدر ابص عليه غير لو كان مش واخد باله الا المرة دي .. معرفش ليه حسيت كأنه فيه حاجه مش طبيعية .. عملت نفسي انه عادي ودخلت السكن وخلااص ..
في السكن ..
منه: أشرقت تعالي نعمل أكل!!.. أشرقت: ايوه انا هموت من الجوع مكلتش اليوم كله والله ولا دوقت حاجه غير عصير القصب ال انتي عزمتيني عليه .. منه:خلاص يخالتي اللتاتة منا بقول اهو نعمل أكل .. أشرقت: طب اشطا نعمل اي ؟ منه: مكرونه وبانيه معروفة يعني 🤷🏻♀️
أشرقت:اشطا تعالي انا هعمل واقفي معايا ف المطبخ .. منه:اشطاا.. وانا هبقي اغسل المواعين بعد ما ناكل ..
واحنا ف المطبخ .. أشرقت:منه هسألك سؤال وجاوبيني بصراحه مش عشان انا صاحبتك وبتحبيني ..محتاجه تجاوبي بصراحه . منه: حاضر .. أشرقت: هو انا وكرلوله كده علاقة مُحرمة؟ وممكن بسبب التعلق ده ربنا يحرمني منه بعدين؟ منه: اي ال بيخليكي تقولي كده! أشرقت:عشان انا خايفة ومرعوبة بعد كل ده ربنا يحرمني منه .. عارفه ي منه يمكن اول مرة هعترفلك بالكلام ده .. فاكرة اول مرة جيت فيها السكن ده من سنتين .. مكنتش لسه اعرفك كويس .. وقتها شوفت كرلوله داخل المسجد وعجبني صوته جداً بس مكنتش اعرف ان نفس الشخص ده هو نفس الإمام ال عجبني صوته .. انا من طبعي من وانا صغيرة بحب وقت الآذان عموماً وبحب أدعي بين الآذان والإقامة كنت لسه صغيرة ف ابتدائي ووقتها كنت فاكرة اني لازم وانا بدعي اقف ف الشباك او البلكونه عشان قال يعني ربنا يبقي شايفني كويس .. ده كان عبط ع براءة الطفوله مش موضوعنا .. المهم حتي بعد ما كبرت بقت عادة فيا اقف ف البلكونة بين الآذان والإقامة .. ف اول مرة شوفت كرلوله فيها كنت يومها مخنوقة جداً ووقتها بابا كان مكلمني وزعقلي عشان مشكلة بيني وبين ندي ف انا كعادتي مليش حد غير ربنا ف يومها كانت صلاة العشاء وقفت ادعي ف شباك أوضتنا .. ف شفت ياسين لأول مرة وانا معرفش مين ده ولا اسمه ولا أي معلومة عنه كل معلوماتي عنه انه شخص عادي داخل المسجد يصلي مكنتش اعرف انه هو الإمام حتي .. بس اول ما شوفته فيه حاجه غريبة كده حصلت .. لاول مرة ارتحت ف حياتي لما شوفت حد كده معرفش ليه اول ما لمحته حسيت براحه نفسية ووقفت عياط بدون سبب مقنع!! قبل ما اشوفه كنت مخنوقة جداً وبعيط وبكلم ربنا اقوله اني لوحدي ومفيش حد معايا غير يا رب .. يارب انت ذكرت ف كتابك الكريم (ونحن أقرب إليه من حبل الوريد) يااارب اصرف عني همي .. عارفه
