اول ما لمحته حسيت براحه نفسية ووقفت عياط بدون سبب مقنع!! قبل ما اشوفه كنت مخنوقة جداً وبعيط وبكلم ربنا اقوله اني لوحدي ومفيش حد معايا غيرك يا رب .. يارب انت ذكرت ف كتابك الكريم (ونحن أقرب إليه من حبل الوريد) يااارب اصرف عني همي .. عارفه فنفس اللحظة كرلوله صلي بنفس الآية أقسم بالله مصدقتش نفسي وفرحت جداً برغم اني لسه لغاية دلوقت معرفش ان ياسين هو الإمام.. بس فرحت اني سمعت نفس الآية ال كنت بدعي ربنا بيها استشعرت عظمة الله ولطفه بيا وبحالي.. وهكذا أكتر من مرة يتكرر الموقف وافكر ف آية معينة او أقرأها ف الورد بتاعي الاقي ياسين بيقرأها فنفس اليوم .. وخدت فترة كبيرة معرفش انه هو الامام بس كان الصوت عاجبني جداً وكان عندي شك ان نفس الشخص ال بشوفه وبرتاحله ده هو الإمام .. واتأكدت انه هو لما كلمني عنه عمو فتحي .. لو تفتكري الاول كنت بقولك صوته وحش واقفلي الشباك ومش عايزة اسمع صوته مزعج والكلام ده .. منه: ايوه حصل. كنت لسه هسألك؟ ازاي بتقولي بتحبي صوته وانتي كنتي بتقوليلي صوته وحش ؟ أشرقت: استني هفهمك.. لو تلاحظي ف الفترة دي كان دايماً بيقرأ فيها عن آيات العذاب أو عن أصحاب الجنة والنار .. خاصة كان بيكرر كتير آيات من سورة الأعراف عن أصحاب الجنة والنار .. كان بيقرأها بخشوع رهيب وكأنه بيصور المشهد قدامك وأصحاب النار بيقولو لأصحاب الجنة أفيضوا علينا من الماء او مما رزقكم الله فيرد عليهم أصحاب الجنة ويقولوا ان الله حرمهما علي الكافرين.. ويتنهد كده ويعيط بجد وصوته يتخنق عمري ما استشعرت معني الآيات دي غير منه هو ف خشوعه وكأن صوته بيصورلك المشهد كان بيخوفني جداً جداً وبحس نفسي والعياذ بالله من أهل النار ف أعيط انا كمان وأخاف فعشان كده كنت بقولك صوته وحش واقفلي الشباك عشان خايفة اسمع الآيات دي .. منه: بعد الشر ان شاء الله ربنا يجمعنا كلنا ف الفردوس الأعلي من الجنة ويحشرنا مع النبي والصحابة . أشرقت: آمين آمين يارب .. بس يستي .. منه: فاكرة اول رمضان ليكي هنا من سنتين لما كنتي بتنزلي بعد التراويح تشتري حاجات وترجعي .. كنتي مجنونة جداً الفترة دي اكتر من مرة تيجي من تحت متعصبة وبتقولي هو ده الشيخ ال بتقولي عنه محترم هو لو محترم يبصلي ليه ف الشارع كل ما انزل الاقيه مركز معايا والله ي منه هتخانق معاه بعد كده مبحبش حد يبص عليا انااا. أشرقت: مخلاص بقي يستي بتفكريني ليه .. منه: عارفه كان نفسي اقولك بلاحظه مش بيبص ع حد غيرك بس خفت منك كنتي عصبية جداً ومازلتي يعني .. أشرقت:حبيبي تسلم .. اعملك اي انا كنت ملغبطة جداً ما بين فعلاً كنت بشوفه ولا مرة بص ع بنت واحدة حتي معدية ف الشارع وما بين بلاحظه كل ما بنزل بيبص عليا وبيعمل حركات غريبة كده .. عارفه نفسي جداً اقف جنبه واشوف طولي جنبه ازاي .. منه: طولك اي بس يبنتي هو اللهم بارك طويل جداً انتي قصيرة جداً جنبه .. أشرقت:قصدك اي يعني حبيبتي أنا أصلاً قمر 😁 بس وقفت جنبه مرتين اول مرة ف نفس اول رمضان ليا ده لما كنت بشوفه وبتعصب .. وقتها كانت صدفة بس صدفة جميلة دخلت السوبر ماركت عشان اجيب عيش وجبنه للسحور بس مش سوبر ماركت بتاع عمو فتحي مرضتش اروح عنده خفت ل ياسين يكون هناك بس سبحان الله هربت منه لقيته هناك .. ياالله فعلاً طويييل جداً اللهم بارك يعني .. وفاكره يومها كان بيقول لأستاذ أحمد صاحب السوبر ماركت فين الزبادو بالفراولة مش قلتلي هتجيب منه اول امبارح وجتلك امبارح بس زحلقتني .. ياربي صوته كان حلو جداً ومختلف عن صوته وهو بيقرأ قرءان .. والمرة التانية السنة ال فاتت أيام امتحانات الفاينال الترم الاول لما نزلت سوبر ماركت عمو فتحي هو كان واقف برا مع أصحابه بعد الصلاة وانا دخلت السوبر ماركت عادي هو كان ليه حوالي اسبوعين مبيجيش الصلاة خالص فاليوم ده فاكرة كويس قلت هنزل عشان اشوفه ليا كتير مش بشوفه واكتفيت بالكام ثانية ال شوفته فيهم اول ما فتحت الباب ولقيته فوشي بس مقدرتش ابص عليه عشان هو كان مركز معايا وغير كده كان فيه شباب كتير ف الشارع ف دخلت السوبر ماؤكت وقلت اهو شوفته هعوز اي اكتر من كده.. ازل ما دخلت بدقيقة او اتنين بالكتير لقيته دخل ورايا ودي اول مرة يدخل ورايا فيها مكان انا حتي فاكرة التاريخ كان 1/1/2020 وعمو فتحي قال اي بيقوله شيخ ياسين فينك من زمان الناس بتسألني عنك.. فعو قاله امتحانات بقي ي عمو ومش بلحق أصلي ف المسجد انا جيت بس عشان اسلم عليك وماشي ع طول وجاب كرسي وقعد فوشي .. منه:😂😂😂 يسلم عليه ع اساس مشافهوش ف صلاة المغرب والعشاء يعني .. أشرقت: يبنتي وربنا اليوم ده استفزني جداً خاصة عمو فتحي وكلامه ونظراته ليا وكأنه بيعرفنا ع بعض ولا ياسين عشان يقعد فضل يلف حواليا من كل ناحية وهو بيضحك هموت واعرف بيضحك ع اي ؟ منه: متأكدة بيضحك ع طولك بالنسبة لطوله . أشرقت: تفتكري ؟ منه: واضحة يسطااا أشرقت: ماشي ي كرلوله أصلاً عادي 😢 .. منه: يبنتي يلا هموت من الجوع انا كل ده ف المكرونه والبانيه .. أشرقت: يسطا بطبخلك بكل حب عشان ناكل اكله رايقة .. منه: اي حاجه بقي عشان جوعت ولازم هسهر انهارده للصبح اذاكر .. أشرقت: خلصت يسطاا اهو .. بقولك ي منه هو انا ممكن اقولك ع حاجه؟ منه: عارفه عايزة تودي اكل ل ندي صح؟ أشرقت: صح عرفتي ازاي ؟ منه: لاحظت انك عملتي اكل زيادة .. اكيد مش محتاجه تاخدي رأيي يعني .. دي أختي زي ما هي أختك ي أشرقت وطالما انتي بتحبيها ف تأكدي اني بحبها انا كمان .. أشرقت: وربنا بحبك جداً ي منه💙 منه: أحبك الذي أحببتني فيه يقلبي .. أشرقك:انا هوديلها الاكل ف شقتها مش عايزة اضعط عليها وانزلها معانا هي لسه مش بتحبني انا عارفه .. منه: بالعكس انا حاسة انها بدأت تحبك والا مكنش قعدت معاكي ف سكن واحد .
أشرقت: يااارب ي منه يااارب يألف بين قلوبنا ..
