حكيت لمنه وشيرين عن اللي قالهولي عمو فتحي عن الكيرلي بالتفصيل . هو من فين بيدرس اي وكده ..
منه:الله ي أشرقت الحمد لله انه من القاهرة هتبعدني عن أحلام دي خالص . أشرقت :يعني انتي خلاص قررتي اني اتجوزت وبعدت . منه: قولي ان شاء الله اهو خطوة حلوة دي ال حصلت . شيرين :عقبال ما نفرح بيكي بالفستان الابيض ي عروسة . أشرقت : عروسة اي بس ي جماعه لسه مفيش حاجه من دي . ايه ضمني ان عمو فتحي يكون بيتكلم جد! منه : يبنتي انتي هتشليني عاوزه ايه اثبات تاني . أشرقت :معرفش بقي اهو هنشوف اي اللي هيحصل بعدين . شيرين :كل خير ان شاء الله ..
تاني يوم بعد صلاة العشاء الكيرلي كعادته آخر فترة راح السوبرماركت بتاع عمو فتحي . انا ومنه كنا واقفين ف الشباك وشوفناه وهو بيدخل عنده . منه: ايه بقي يسطا مش هتنزلي انهارده. أشرقت :لاء انزل ليه مش عايزة حاجه من تحت . منه : انا عايزة هاتيلي بيبسي وشوكولاته . أشرقت :طب ما تروحي انتي هو انتي اتشليتي يعني !! منه : ماشي مااشي شكراً هنزل وحدي ع فكرة . أشرقت :شطورة شطورة . وانتي ي شيرين ي بنتي ما تقومي كده اقعدي معانا وسيبي الفون ده شوية . شيرين : استني بس بكلم حد مهم . أشرقت : طب قومي صلي العشاء . ع فكرة انتي ليكي فترة بتقطعي ف الصلاة . شيرين : هقوم هقوم بس شوية كده انا لازم انزل دلوقتي حالاً واحدة صاحبتي عاوزاني ضروري . منه : صاحبتك مين دي . شيرين : صاحبتي عادي من الكلية هروحلها سكنها اشوفها وهرجع مش هتأخر . أشرقت : شيرين بالله عليكي اوعي تلبسي البنطلون الجينز تاني ضيق اوي عليكي . مش عايزة حد يضايقك ف الطريق . شيرين : تماام هلبس الدريس خلاص . أشرقت : تماام قومي عشان متتأخريش عن معاد السكن ..
نزلت شيرين تشوف صاحبتها ومنه راحت تشتري من السوبرماركت ورجعت ..
منه: أشرقت عارفة الكيرلي صوته حلو اوي ومختلف جدا عن صوته ف الصلاة . أشرقت : طيب وانا اعمله اي يعني ما عادي .. منه: عادي ! طب عيني في عينك كده . أشرقت :يبنتي بطلي رخامتك دي بقي . منه: في حد سأل عليكي يسطااا . أشرقت : مين ؟ منه:عموفتحي :قالي عامله اي صاحبتك . سلميلي عليها . أشرقت :الله يسلمه . أصلاً بحس عمو فتحي بيعزني جداً . منه : مش لوحده . أشرقت : خلااص يحجه انتي . المهم متعرفيش شيرين راحت فين ؟ منه : لا والله . مش مرتاحه لها خالص الفترة دي معرفش ليه ! أشرقت : حرام عليكي دي غلبانه . منه : والنبي انت الغلبانه يعني انتي ولا مرة لاحظتي انها بتقلدك ف كذا حاجه . أشرقت : قصدك انها بقت تصلي وكده مش زي اول ما جات السكن . منه: ايوه بالظبط مش بس الصلاة . دي اي حاجه انتي بتقولي بتحبيها بتقول وانا كمان حتي لو قبل كده قالت مبتحبهاش . حتي لو قولتي حاجه بتوجعك بتقول وانا برضو بيحصلي كده . معرفش بتعمل كده ليه . مبحبش انا الانسان ال بياخد طبع غيره بالظبط ويلغي شخصيته الاساسية . أشرقت : انا لاحظت كده فعلا بس فرحت انها بقت تصلي لما بتشوفنا بنصلي دي حاجه حلوة يعني لكن باقي الحاجات عادي يستي يمكن عشان بتحبني والانسان لما بيحب حد بياخد شوية من كلامه وتصرفاته . منه : معرفش بقي لكن حاسة في حاجه غريبة معاها حتي ع طول بتاخد الفون وبتطلع تتكلم ع السطح . أشرقت : ملناش دعوة طالما هي ما اتكلمتش معانا ف حياتها الشخصية لو في حاجه كانت قالت . منه : صح عندك حق ..
عدي يومين شيرين فيهم كانت متغيرة جدا وع طول حزينة ومبتتكلمش مع حد . راحت الجامعة واتاخرت اليوم كله مجاتش لغاية الساعة ٨ ونص بالليل وبرن عليها الفون مغلق ومش عارفة اوصلها قلقت جدا عليها اول مرة تعمل كده .. أشرقت : منه شيرين راحت فين كل ده وكمان الفون بتاعها مغلق . منه: الله اعلم دي نزلت من الساعة ٨ الصبح . أشرقت : ياربي هتكون راحت فين كل ده انا خايفة عليها ليكون جرالها حاجه . قومي البسي ننزل ندور عليها . منه: هندور عليها فين بس ؟ أشرقت : الكورنيش هي مرة قالتلي لما بتضايق بتحب تروح هناك . منه :تماام يلا نلبس بسرعة طيب عشان معاد السكن كمان. .
بعد ما نزلنا . أشرقت : منه استني عايزة مناديل تعالي معايا . كنت بكلم منه وانا داخلة السوبرماركت وهي كانت ورايا بزاوية ف مكنتش باصه كويس وانا داخلة اتخضيت وحسيت قلبي اتحرك من مكانه لما شوفت الكيرلي قاعد مع عمو فتحي . كانت اول مرة اشوفه من قريب كده . كنت لسه هبص عليه لقيته بص عليا ف اتكسفت اوي وكنت عاوزة ارجع تاني من الكسفة . واللي وترني أكتر منه بتشدني من ايدي .. اول ما دخلت كعادتي قولت السلام عليكم . الكيرلي رد عليا السلام كامل . وعليكم السلام ورحمة الله وبركاته. وقالها وهو باصص عليا بهدوء كده. معرفش ليه ف اللحظة دي بالذات كل مشاعري ال حاربت نفسي عشان انساها رجعت تاني واكتر بكتير من الأول . وكأن وعليكم السلام ورحمة الله وبركاته دي هي اللي حببتني فيه أكتر . هتقولو اي الهبل ده بس والله زي ما بقولكم كده رد السلام الكامل خلاه خد قلبي حرفياً ..
