بقينا ف نص شهر 2 وخلاص هنمتحن التيرم الأول .. كنت فرحانة جداً إنه خلاص رجعنا من التأجيل وهقدر أسمع صلاة الفجر بصوت ياسين من تاني .. بس للأسف هو لسه مجاش معرفش بيعمل اي ف البيت يعني معندوش امتحانات هو ولا ايه 😒 براحتك ع فكرة بس كل يوم هتتأخر فيه مش هنزل قصاده يوم وخليك كده وحدك 🙂
*في بيت ياسين *
مريم: يلا بقي يا ياسين كل ده بتلبس ! ده أنا العروسة ومخدتش وقت ف اللبس !
ياسين : خلصت أهو يا أجمل عروسة .. مريم: حبيبيتسلم .. ياسين: يابنتي بقي مش هتبطلي بقي كلام السرسجية ده دنا حتي أخوكي الكبير .. أميرة :الله ! هو احنا لو مش هندلع عليك يبنعمي هندلع ع مين يعني ؟ ياسين: يا الله اخواتي الاتنين واحدة بتقولي يبنعمي والتانية تقولي حبيبيتسلم ! ده ابتلاء أنا عارف ربنا بيحبني .. والدة ياسين:😂😂 ربنا يباركلي فيكم يارب وأشوفكم دايماً متجمعين ومبسوطين . ياسين: ويبارك في عمرك يا ست الكل .. مريم: يجدعااااان يلا بقي عشان ألحق أشتري حاجتي كتب كتابي بعد شهر ولسه ناقصني حاجات كتيييير .. أميرة :وأنا برضو عايزة أجيب حاجات كتييير . والدة ياسين: بالراحه ع أخوكم ف المصاريف . مش هنجيب غير المهم وبس .. ياسين: سيبيهم براحتهم يا أمي . هو أنا ليا مين غيركم ..
*في سكن أشرقت*
خلصت مذاكرة وصليت العصر وقلت أنام وأصحي ع المغرب .. ياااارب بقي ياسين يجي انهارده .. لو جه لصلاة المغرب يبقي وصل خلاص. ولو مجاش يبقي مش جاي انهارده 😢
نمت وياريتني ما نمت .. حلمت بنفس الكابوس ال بيتكرر معايا من أكتر من سنة وأنا مش فاهمه معناه اي ؟!
كنت أنا وياسين بناخد كورسات في نفس المركز مع بعض وتقريباً مواعيدنا واحدة أو لو اختلفت الفرق مش أكتر من ساعة .. ومتعودين كل يوم نمشي مع بعض . برغم انه ده محصلش ف الحقيقة أصلاً .. بس مش ده المهم .. المهم اليوم ده أنا خلصت قبله وروحت قدام باب القاعه ال بياخد فيها المحاضرة وشاورتله اني خلصت وهو ابتسم وشاورلي خلاص نص ساعه وهيخلص . ف وقفت بعيد شوية وأنا بستناه وكنت حطيت السماعه وبسمع قرءان بصوته .. وفجأة لقيت نفسي في مكان غريب جداً كنت في أوضة ضلمة جداً في بيت صغير وباخد نفسي بالعافية وروحي فيها حاجه غريبة بتحصل مش عارله أفسرها .. بالظبط كأني في العالم الآخر مش في الدنيا خالص . وبالفعل لقيت أقزام كده بقرون عددهم كبير جداً وكأنهم جيش من الجن واقفين عند باب البيت ال أنا فيه وبيعملوا أصوات غريبة عشان أخاف بس مكنتش خايفة .. وفجأة دخلوا عندي جوا ووقفوا قدامي . واحد منهم: اممممممم . أقتلك ازاي بقي يحلوة انتي ؟ محتار ! أدبحك ولا أولع فيكي وانتي عايشة ولا أخنقك ولا أقطع جسمك وانتي عايشة ولا أرميكي من فوق ، اختاري انتي بقي هتموتي ازااي عشان مش فاضلك كتير .. أشرقت: خلصت ال عندك!!؟ الجن: اه . أشرقت: حد قالك قبل كده إنك غبي ! الجن بعصبية : انتي بتقولي اي؟ انتي مش عارفه أنا ممكن أعمل فيكي اي؟؟!!
أشرقت بثقه: مش هتفرق! عايز تقتلني ! اقتلني بس بسرعه بالله عليك . عشان أنا اتخنقت وزهقت من الحياة بكل ما فيها . والموت جميل ع فكرة أجمل حقيقة هي الموت . مفيش أجمل من لقاء الله وأنا بتمني من زمان لقاء الله .. وأحب ما عندي هو لقاء الله وانتهاء كل المعاناة وأحكيله عن كل ال عشته .. هناك بس هرتاح .. فانت لو قتلتني هتبقي حققتلي أكبر أمنية في حياتي . اقتلني بس بسرعه بقي .. الجن بعصبية: يعني انتي مش خايفة مني ؟أشرقت:لا وأخاف ليه ؟ مش هتقدر تأذيني إلا بأمر الله وأمر الله كله خير .. الجن: كده! طب تماام أنا هخليها تتصرف معاكي .. ومشي وقفل الباب ..
قعدت ع جنب وكنت بعيط بهستيريا ومش فاهمه أنا جيت هنا ازاي وليه ومين دول وقصده ع مين ال تتصرف معايا .. فجأة لقيت بنوته جميلة وشها كله نور جات من العدم قعدت جنبي وبتطبطب عليا وبتقولي خلاص يا أشرقت متعيطيش .. أشرقت: انتي مين وعرفتي اسمي ازاي .. البنت: متخافيش أنا مش زيهم .. أشرقت: مش بخاف من حد .. مش بعيط عشان خايفة .. لا. عشان معرفش ايه ال بيحصل وهخرج من هنا ازاي ومحدش يعرف مكاني ولا حد هيعرف يوصلي أصلاً .
البنت: هي هترجعك من مكان ما جابتك . أشرقت: هي مين دي؟ البنت: الملكة بتاعتهم . أشرقت: طب وهي جابتني هنا ليه لما كده كظه هتسيبني! البنت: هي مكنتش هتسيبك . بالعكس كانت ناوية تعذبك وتدمرك خالص . بس لما انتي مش خايفة منهم هي اتعصبت لأنه نفسي تشوفك بتعاني وبتتعذبني وتتوسلي ليها إنها تسيبك وتباني ضعيفة عندها . بس طبعاً إنتي محققتيش ده فهي كده هتحاول تاخد ال عايزاه من فرحة في معاناتك بس بطريقة تاني .. أشرقت: بطريقة تانية ازاي يعني؟ البنت: كرلوله .. أول ما سمعت اسمه حسيت قلبي وقف من الرعب .. وقولتلها ماله هي هتعمل فيه اي؟ البنت: مش عايزة أخوفك بس هي هتأذيكي فيه . هي عارفه إنك بتحبيه ومش هتستحملي تشوفيه بيتعذب فبكده انتي كمان هتتعذبي وهتضطري تتوسليها عشان تسيبه .. أشرقت ببكاء: يعني اي طب ليه كده ليه هتعمل كده ؟ هو أنا كل ما أحب حد ياخدوه مني ؟ البنت: الحل الوحيد تعملي نفسك بتكرهيه . هي هتسيبك تمشي اه بس هتراقبك فكل مكان . حاولي تبعدي عنه عشان ميتأذيش .. وبعدين فيه حد اسمه كرلوله! اسم غريب بس جميل .. أشرقت: يعني لو عملت كده هتسيبه . البنت : جربي ! وإن شاء الله مش هيحصلكم حاجه .. سلام بقي عشان هي هتمشيكي دلوقتي حالاً ..
مفيش كام ثانية لقيت نفسي رجعت المركز بنفس الغرابة ال مشيت بيها وأنا لسه مش مستوعبة ال حصل . روحت جري عند القاعه ال فيها ياسين عشان أقوله ع ال حصل .. المكان كان زحمه جدا ف خدته ع جنب عشان أقوله .. ياسين: مالك يا أشرقت بتعيطي ليه ؟حصل اي؟ .. كنت لسه هبدأ أتكلم لقيت الملكة دي متخبية ف أوضة قصادنا ولابسة فستان اسود طويل جداااا وبشرتها لونها اسود وكلها اسود ما عدا عيونها لونها أحمر .. عملت نفسي مشوفتهاش وقررت أعمل زي ما البنت قالتلي .. أشرقت: وانت مالك أعيط ليه ع أساس فارق معاك! كل ده سايبني وحدي ؟ كنت بتكلم مين ؟ أكيد بتتكلم مع واحدة تاني طبعاً .. ياسين:نعم!! انتي بتقولي اي؟أشرقت: أنا عارفه انك مش بتحبني أصلاً فمتحورش عليا.. ياسين: لا طبعاً مش صح .. أنا عمري ما حبيت ولا هحب زيك .. انتي جزء من قلبي وانتس عارفه ده كويس بأفعالي مش بكلام .. أشرقت: ااه ااه والكلام ده بقي قولته لكلم واحدة قبل ؟ ياسين:أشرفت انتي كويسة ؟أشرقت: اه كويسة وزي الفل والحمد لله ربنا كشف الحقيقة .. بص كل واحد فينا في طريق مش عايزة أعرفك تاني انا مش طايقاك أصلاً .. ياسين بصدمه: نعم!! أشرقت ببكاء شديد : افهم بقي افهم مش هينفع .ومن انهارده مش همشي معاك ومش محتاجة توصلني أنا هروح وحدي .. سلاام .. لسه همشي لقيت ياسين مسك ايدي وزعق فيا وبيقول : لا مش هتمشي غير لما أفهم التحول المفاجئ ده .. مقدرتش أرد عليه وهي باصة عليا من وسط الضلمة وبتضحك .. اكتفيت بالصمت وبس .. لسه هحاول ألمحله لقيتها خرجت من الأوضة وعامله فيها الملاك البرئ وخدت شكل بنت عادية وقالت: أستاذ ياسين لو سمحت ممكن سؤال . حسيت هنا وكأنها غرزت سيف فقلبي .. خوفت عليه منها ومش عارفة أعمل اي .. ياسين: أكيد اتفضلي .. أشرقت: لقيتها فرصة متتعوضش فقولت .. وكمان سايبني واقفة كده وهتروحلها .. اتفضل روح ما انت أصلاً طلعت كداب يلا براحتك أنا همشي ولو سمحت مترنش عليا خالص ولا كأنك تعرفني ولا عايزة أعرفك تاني .. ومشيت من غير ما أدياه فرصة يرد ..
كنت حاسة قلبي بيتقطع مع كل كلمة كنت بقولها ... بس أنا عملت كده عشانك يا ياسين ، عشان خايفة عليك منها ومتأكدة إنك عارفه انه كل ال عملت ده مش حقيقة ..
وقفت عند المدخل تحت وأنا ببكي ومش عايزة أمشي غير لما ياسين ينزل وأشوفه بخير . فضلت واقفة كتير أكتر من 3 ساعات وتقريباً كل الناس مشيت ومفيش غيرنا والوقت كان بالليل واتأخرت .. بس كل همي ياسين ويا تري بتعمل فيه اي كل ده .. يارب احميه منها يارب .. نزلت عند الباب كده عشان أبص ع الشباك ال ف الأوضة ال فيها ياسين من برا عشان أشوفه لسه موجود ولا اي؟ .. اتفاجأت باتنين شباب قدام المركز واقفين من بدري بيراقبوني وأول ما خرجت واحد منهم رن عليها وقالها : أهي قدامي كل ده كانت جوا.. خوفت جداً وحسيت بغبائي وانها هتكتشف إنه كل ال قلته لياسين مش حقيقة .. ولقيتها واقفة عند الشباك وباصه عليا بصة غدر والشر كله في عيونها .. عملت نفسي طبيعيه ومسكت الفون كأني برن ع ياسين وقلت، كمان مش بترد ؟ أنا عملت ال عليا واستنيت وانت مش بترد أحسن أنا مش عايزة أعرفك تاني .. ومشيت .. لازم أمشي عشانه .. عشان سلامته ..
*في نفس الوقت عند ياسين *
ياسين: كنت في أوضة ضلمة وواحدة لابسة اسود ف اسود حبستني فيها ومعاها أقزام كتير حواليها وأنا قاعد علي كرسي ومتكتف وجسمي كله واجعني ومش عارف أنا حصلي اي ؟ أشرقت فين؟ هي كانت معايا ..!!
ياسين:أستغفر الله العظيم يااارب هو كل شوية الكابوس ده يتكرر معايا؟ هو في اي ؟؟!
